ഗോവിന്ദച്ചാമി ഒറ്റക്കൈ കൊണ്ട് മതില് ചാടിയത് എങ്ങനെയാണ്, കറന്റ് ഓഫ് ചെയ്തതും സി.സി.ടിവി ഓഫ് ചെയ്തതും എങ്ങനെയാണ്: സംവിധായകന്‍ പ്രവീണ്‍ നാരായണന്‍

ഗോവിന്ദച്ചാമി ജയില്‍ ചാടിയതിലെ ദുരൂഹത നിരത്തി ജെഎസ്‌കെ സംവിധായകന്‍ പ്രവീണ്‍ നാരായണന്‍. 

''ഈ ഒറ്റക്കൈയും വച്ച് ഇവന്‍ ജയില്‍ ചാടി, ഞാന്‍ വിശ്വസിച്ചു, നിങ്ങളോ? ചില ചോദ്യങ്ങള്‍ വീണ്ടും. ഗോവിന്ദച്ചാമിക്ക് നാല് സ്‌പെഷല്‍ ഗാര്‍ഡ് ഉണ്ട്. എല്ലാ ദിവസവും അവന്റെ റൂമില്‍ സെര്‍ച്ച് നടത്തണം.! ഇതൊക്കെ നടത്തിയിട്ടും ആക്‌സോബ്ലേഡ് കിട്ടാഞ്ഞത്..?

ഭക്ഷണം കഴിക്കാതെ ഭാരം കുറച്ചതില്‍ അസ്വാഭാവികത എന്ത്‌കൊണ്ടാണ് ഗാര്‍ഡിന് തോന്നാഞ്ഞത്..? എന്തു കൊണ്ടാണത് റിപ്പോര്‍ട്ട് ചെയ്യാഞ്ഞത്..? ചോറ് വേണ്ടെന്നും, ചപ്പാത്തി നിര്‍ദ്ദേശിക്കാന്‍ ഡോക്ടറെ കൊണ്ട് എഴുതി വാങ്ങിച്ചതും, ഡോക്ടര്‍ അത് എഴുതികൊടുത്തതും എന്ത് അടിസ്ഥാനത്തിലാണ്.

കറന്റ് ഓഫ് ചെയ്തതും സി.സി.ടിവി ഓഫ് ചെയ്തതും എങ്ങനെയാണ്..? ഒറ്റക്കൈ കൊണ്ട് മതില് ചാടിയത് എങ്ങനെയാണ്..? രണ്ട് കൈയുള്ള, പോലീസ് ട്രെയിനിംഗ് കിട്ടിയ പോലീസുകാരില്‍ എത്ര പേര്‍ക്ക് ഇതൊന്ന് ഡെമന്‍സ്‌ട്രേറ്റ് ചെയ്യാന്‍ പറ്റും... ഒന്നിനും ഉത്തരമില്ല...''