പുഷ്പ ഐറ്റം സോങ്ങില്‍ അഞ്ഞൂറോളം പുരുഷന്മാര്‍ക്ക് മുന്നില്‍ ഞാന്‍ വിറയ്ക്കുകയായിരുന്നു, ആക്ഷന്‍ പറയുന്നത് വരെ ഞാന്‍ വിറയ്ക്കുകയായിരുന്നു: സമാന്ത

ഡാന്‍സ് നമ്പര്‍ ചെയ്യാനുള്ള തീരുമാനത്തെ പലരും എതിര്‍ത്തിരുന്നെന്ന് നടി സമാന്ത.

''ഡാന്‍സ് നമ്പര്‍ ചെയ്യാനുള്ള തീരുമാനത്തെ പലരും എതിര്‍ത്തിരുന്നു. ഞാനെടുക്കുന്ന തീരുമാനങ്ങളില്‍ ചുറ്റുമുള്ളവരില്‍ നിന്നും സമ്മിശ്ര പ്രതികരണമാണ് ലഭിക്കാറുള്ളത്. ചിലര്‍ അനുകൂലിക്കും. ചിലര്‍ എതിര്‍ക്കും. 

പക്ഷെ പുഷ്പ ഐറ്റം സോങ് വന്നപ്പോള്‍ അവരെല്ലാവരും ചെയ്യേണ്ടെന്നാണ് പറഞ്ഞത്. ആ സമയം മോശമായിരുന്നു. പക്ഷെ എനിക്ക് പാട്ടിന്റെ വരികള്‍ ഇഷ്ടപ്പെട്ടു. ഈ സിനിമ എങ്ങനെ വരുമെന്ന് എനിക്കറിയില്ലായിരുന്നു. പക്ഷെ ആരും ഇങ്ങനെയൊന്ന് മുമ്പ് എനിക്ക് ഓഫര്‍ ചെയ്തിട്ടില്ല.

ഫാമിലി മാനിലെ രാജിയെന്ന കഥാപാത്രം സ്വീകരിച്ചപ്പോഴുള്ള ചിന്ത തന്നെയായിരുന്നു അപ്പോഴും. രാജിയെ എനിക്കവതരിപ്പിക്കാന്‍ പറ്റുമോ എന്ന ടെന്‍ഷനുണ്ടായിരുന്നു. ഷൂട്ടിന് മൂന്ന് ദിവസം മുമ്പ് ആശങ്കപ്പെട്ടു. 

അത് പോലെ തന്നെയായിരുന്നു ഊ അണ്ടാവയും. ജൂനിയര്‍ ആര്‍ട്ടിസ്റ്റുകളായ അഞ്ഞൂറോളം പുരുഷന്മാര്‍ക്ക് മുന്നില്‍ ഞാന്‍ വിറയ്ക്കുകയായിരുന്നു. ആക്ഷന്‍ പറയുന്നത് വരെ ഞാന്‍ വിറയ്ക്കുകയായിരുന്നു. ചലഞ്ചിംഗായ വര്‍ക്കുകള്‍ എനിക്കിഷ്ടമാണ്...''