/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/07/20/2b68c6ad-b18d-4583-9340-b9507745a2c1-1-2025-07-20-16-30-28.jpg)
ഫാന്റസി കോമഡി ജോണറില്‍ ജയസൂര്യ, വിനായകന്‍ എന്നിവരെ നായകരാക്കി പ്രിന്‍സ് ജോയ് സംവിധാനം ചെയ്യുന്ന പുതിയ ചിത്രത്തിന്റെ ചിത്രീകരണം പൂര്‍ത്തിയായി.
അനുഗ്രഹീതന്‍ ആന്റണിയുടെ വിജയത്തിനു ശേഷം പ്രിന്‍സ് ജോയ് സംവിധാനം ചെയ്യുന്ന പുതിയ ചിത്രമാണിത്. ഫോര്‍ട്ട് കൊച്ചി, കൊല്ലം, കോയമ്പത്തൂര്‍ എന്നിവിടങ്ങളിലായായിട്ടായിരുന്നു ചിത്രീകരണം.
വലിയ മുതല്‍മുടക്കില്‍ വ്യത്യസ്ഥമായ ലൊക്കേഷനുകളിലൂടയുമാണ് ഈ ചിത്രത്തിന്റെ ചിത്രീകരണം പൂര്‍ത്തിയാക്കിയിരിക്കുന്നത്.
ഏറെ വിജയം നേടിയ ഒസ്ലര്‍ എന്ന ചിത്രത്തിനു ശേഷം മിഥുന്‍ മാനുവല്‍ തോമസും ഇന്‍ഷാദ് എം. ഹസനും ചേര്‍ന്നാണ് ഈ ചിത്രം നിര്‍മിക്കുന്നത്. പ്രേക്ഷകര്‍ക്കിടയില്‍ ഏറെ കൗതുകം നല്‍കുന്ന കോമ്ബിനേഷനാണ് ജയസൂര്യ- വിനായകന്റേത്.
സണ്ണി വെയ്ന്‍, സുരേഷ് കൃഷ്ണ, ഇന്ദ്രന്‍സ്, മണികണ്ഠന്‍ ആചാരി, നിഹാല്‍ എന്നിവരും നിരവധി പുതുമുഖങ്ങളും ഈ ചിത്രത്തില്‍ അണിനിരക്കുന്നു. പ്രശസ്ത റാപ് സിംഗര്‍ ബേബി ജീനും ഈ ചിത്രത്തില്‍ സുപ്രധാനമായ ഒരു കഥാപാത്രത്തെ അവതരിപ്പിക്കുന്നു.
തിരക്കഥ - ജയിംസ് സെബാസ്റ്റ്യന്‍. സംഗീതം - ഷാന്‍ റഹ്മാന്‍. ഛായാഗ്രഹണം - വിഷ്ണുശര്‍മ്മ. എഡിറ്റിംഗ്- ഷമീര്‍ മുഹമ്മദ്. പ്രൊഡക്ഷന്‍ ഡിസൈനര്‍ - അരുണ്‍ വെഞ്ഞാറമൂട്. കലാസംവിധാനം - മഹേഷ് പിറവം. ചീഫ് അസോസിയേറ്റ് ഡയറക്ടേര്‍സ് -രജീഷ് വേലായുധന്‍, ബേസില്‍ വര്‍ഗീസ് ജോസ്, ആക്ഷന്‍ ഫീനിക്‌സ് പ്രഭു.
ഡിസൈന്‍ യെല്ലോ ട്രൂത്ത് സ്റ്റില്‍സ് - സുഹൈബ് എസ്.ബി.കെ. എക്‌സിക്കുട്ടീവ് പ്രൊഡ്യൂസേര്‍സ് - സുനില്‍ സിംഗ്, സജിത് പി.വൈ. പ്രൊഡക്ഷന്‍ മാനേജര്‍ - നജീര്‍ നസീം, പ്രൊഡക്ഷന്‍ എക്‌സിക്കുട്ടിവ് - രാജേഷ് സുന്ദരം. പ്രൊഡക്ഷന്‍ കണ്‍ട്രോളര്‍ പ്രശാന്ത് നാരായണന്‍. വാഴൂര്‍ ജോസ്.