'ആരു പറയും ആരാദ്യം പറയും' ചിത്രത്തിന്റെ ടൈറ്റില്‍ പോസ്റ്റര്‍ റിലീസായി

ഓസ്റ്റിന്‍ ആന്‍ഡ് അന്ന പ്രൊഡക്ഷന്‍സിന്റെ ബാനറില്‍ അഗസ്റ്റിന്‍ പുളിക്കകണ്ടത്തില്‍ നിര്‍മിച്ച് വി. ഉണ്ണികൃഷ്ണന്‍ രചനയും സംവിധാനവും നിര്‍വഹിക്കുന്ന ആരു പറയും ആരാദ്യം പറയുമെന്ന ചിത്രത്തിന്റെ ടൈറ്റില്‍ പോസ്റ്റര്‍ റിലീസായി.

പ്രേക്ഷകരുടെ ഇഷ്ടതാരങ്ങള്‍ അഭിനയിക്കുന്ന ഈ ചിത്രത്തിന്റെ  താരനിര്‍ണയം പുരോഗമിക്കുന്നു. ജൂലൈ അവസാനം ചിത്രീകരണം ആരംഭിക്കുന്ന ഈ ചിത്രത്തിന്റെ ലൊക്കേഷന്‍ ദുബായി, പാലക്കാട്, കോഴിക്കോട് എന്നിവിടങ്ങളിലായിരിക്കും.

പ്രൊജക്റ്റ് ഡിസൈനര്‍: മനു ശിവന്‍, ഗാനരചന നിതീഷ് നടേരി, ഉണ്ണികൃഷ്ണവര്‍മ്മ, സംഗീതം: സാജന്‍ കെ. റാം, വിമല്‍ കുമാര്‍ കാളി പുറയത്ത്. പിആര്‍ഒ: എ.എസ്. ദിനേശ്.