ജഗന്‍ ഷാജി കൈലാസിന്റെ ചിത്രത്തില്‍ ദിലീപ് നായകന്‍

ജഗന്‍ ഷാജി കൈലാസ് സംവിധാനം ചെയ്യുന്ന ചിത്രത്തില്‍ ദിലീപ് നായകന്‍. ഒക്ടോബറില്‍ ചിത്രീകരണം ആരംഭിക്കും.

ഭ.ഭ.ബയ്ക്കുശേഷം ദിലീപ് അഭിനയിക്കുന്നത് ജഗന്‍ ഷാജി കൈലാസിന്റെ ചിത്രത്തിലാണ്. ചിത്രത്തെക്കുറിച്ച് ഔദ്യോഗിക പ്രഖ്യാപനം ഉടന്‍ ഉണ്ടാവും. 

ഭ.ഭ.ബയുടെ ഡബിംഗിലാണ് ദിലീപ്. ഏതാനും ദിവസത്തെ ചിത്രീകരണം പാലക്കാട് അവശേഷിക്കുന്നുമുണ്ട്. പൂജാഅവധിക്ക് ചിത്രം റിലീസ് ചെയ്യാനാണ് ഒരുങ്ങുന്നത്. സംവിധായകന്‍ ഷാജി കൈലാസിന്റെയും ആനിയുടെയും മൂത്ത മകനാണ് ജഗന്‍.