15 വര്‍ഷത്തെ പ്രണയം; 'പണി' നായിക  അഭിനയ വിവാഹിതയാകുന്നു

ജോജു ജോര്‍ജ് ചിത്രം പണിയിലെ നായിക അഭിനയ വിവാഹിതയാകുന്നു. വിവാഹ നിശ്ചയം കഴിഞ്ഞ വിവരം താരം സമൂഹിക മാധ്യമത്തിലൂടെ പങ്കുവച്ചു.

''മണികള്‍ മുഴങ്ങട്ടെ, അനുഗ്രഹങ്ങള്‍ എണ്ണാം, എന്നെന്നേക്കുമായുള്ള യാത്ര ഇന്ന് ആരംഭിക്കുന്നു..''- എന്നാണ് പങ്കാളിയുടെയും തന്റെയും കൈകള്‍ മണി മുഴക്കുന്നതിന്റെ ചിത്രം പങ്കുവച്ച് താരം കുറിച്ചത്. 

ബാല്യകാല സുഹൃത്താണ് വരന്‍ എന്നാണ് വിവരം. 15 വര്‍ഷമായി ഇരുവരും പ്രണയത്തിലായിരുന്നു. ഇക്കാര്യം നടി തന്നെ ഒരു പരിപാടിയില്‍ വെളിപ്പെടുത്തിയിരുന്നു. അഭിനയയ്ക്ക് ജന്മനാ കേള്‍വിശക്തിയും സംസാരശേഷിയുമില്ല.