പ്രശസ്ത പിന്നണി ഗായികയും ഏഷ്യാനെറ്റ് സ്റ്റാർ സിങ്ങർ 2010 വിജയിയുമായ കൽപ്പന രാഘവേന്ദർ ആത്മഹത്യയ്ക്ക് ശ്രമിച്ചു

ചെന്നെെ: പ്രശസ്ത പിന്നണി ഗായികയും ഡബ്ബിങ് ആർട്ടിസ്റ്റും ഏഷ്യാനെറ്റ് സ്റ്റാർ സിങ്ങർ 2010 വിജയിയുമായ കൽപ്പന രാഘവേന്ദർ ആത്മഹത്യയ്ക്ക് ശ്രമിച്ചു. നിസാം പേട്ടിലെ വീട്ടിൽ വെച്ചാണ് കൽപ്പന കഴിഞ്ഞ ദിവസം ആത്മഹത്യയ്ക്ക് ശ്രമിച്ചത്. 

പ്രശസ്ത പിന്നണി ഗായകൻ ടി.എസ്. രാഘവേന്ദ്രയുടെ മകളാണ് കൽപ്പന.

മാമന്നനിലെ കോടി പരകുര കാലം, കേശവ ചന്ദ്ര രാമാവത്തിലെ തെലങ്കാന തേജം തുടങ്ങി നിരവധി ഹിറ്റ് ​ഗാനങ്ങൾ കൽപ്പനയുടെ ശബ്ദത്തിൽ പുറത്തിറങ്ങി.

കഴിഞ്ഞ ഏതാനും ദിവസങ്ങളായി കൽപ്പനയെ വീടിന് പുറത്ത് കാണാഞ്ഞതോടെ അയൽക്കാർ പൊലീസിൽ വിവരം അറിയിച്ചിരുന്നു. 

തുടർന്ന് പൊലീസെത്തി വീടിനകത്ത പ്രവേശിച്ച് നടത്തിയ പരിശോധനയിൽ കൽപ്പനയെ അബോധാവസ്ഥയിൽ കണ്ടെത്തുകയായിരുന്നു. തുടർന്ന് പൊലീസ് കൽപ്പനയെ ആശുപത്രിയിലേക്ക് മാറ്റി.

താരം അമിത അളവിൽ ഉറക്ക ഗുളിക കഴിച്ചതായാണ് പരിശോധനയിൽ കണ്ടെത്തിയത്. നിലവിൽ കൽപ്പന വെൻ്റിലേറ്ററിൽ ആണെന്നാണ് വിവരം. സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചു. 

വിവിധ സംഗീത റിയാലിറ്റി ഷോകളിൽ വിധികർത്താവായി പ്രവർത്തിച്ച അവർ ജൂനിയർ എൻ.ടി.ആർ. അവതാരകനായ ബിഗ് ബോസ് തെലുങ്ക് സീസൺ 1ൽ പങ്കെടുത്തിരുന്നു.