തമിഴ് ചലച്ചിത്ര താരം ജൂനിയർ ബാലയ്യ അന്തരിച്ചു; വിട പറഞ്ഞത് ടി.എസ് ബാലയ്യയുടെ മകൻ

ചെന്നൈ: പ്രശസ്ത തമിഴ് ചലച്ചിത്ര താരം ജൂനിയർ ബാലയ്യ അന്തരിച്ചു. ചൈന്നെയിലെ വലസാരവക്കത്തുള്ള വസതിയിലായിരുന്നു അന്ത്യം. 70 വയസായിരുന്നു. ശ്വാസതടസ്സമായിരുന്നു മരണ കാരണമെന്ന് കുടുംബാംഗങ്ങൾ അറിയിച്ചു.

പ്രമുഖ തമിഴ് നടൻ ടി.എസ് ബാലയ്യയുടെ മകനാണ് രഘു ബാലയ്യ എന്ന ജൂനിയർ ബാലയ്യ. 1953-ൽ തമിഴ്‌നാട്ടിലെ തൂത്തുകുടിയിലാണ് അദ്ദേഹം ജനിച്ചത്. പിതാവിനോടൊപ്പം ആദ്യ ചിത്രമായ ‘മേൽനാട്ടു മരുമകനിൽ’ അഭിനയിച്ചുകൊണ്ടാണ് ജൂനിയർ ബാലയ്യ അഭിനയ രംഗത്തേക്ക് കാൽവെച്ചത്. കുംകി, തനി ഒരുവൻ, പുലി തുടങ്ങി 50-ഓളം ചിത്രങ്ങളിലും അദ്ദേഹം അഭിനയിച്ചു. 2021ൽ പുറത്തിറങ്ങിയ ‘യെന്നങ്ങാ സർ ഉങ്ക സത്തം’ ആണ് അവസാന ചിത്രം. സംസ്‌കാരം ഇന്ന് വൈകിട്ട് നടന്നേക്കും