ബാഹുബലി മൂന്നാം ഭാഗത്തിന്റെ പിന്നില്‍ കൃത്രിമബുദ്ധിയോ..? രാജമൗലി-പ്രഭാസ് കൂട്ടുകെട്ടിന്റെ വിസ്മയചിത്രം ഒരുങ്ങുന്നു

ലോകമെമ്പാടും തെലുഗു സിനിമയ്ക്ക് മേല്‍വിലാസം നേടിക്കൊടുത്ത സിനിമയാണ് ബാഹുബലി. 

കളക്ഷന്‍ റെക്കോഡുകള്‍ തിരുത്തിക്കുറിച്ച രാജമൗലി-പ്രഭാസ് ചിത്രം ഇന്ത്യന്‍ വെള്ളിത്തിരയില്‍ നിരവധി റെക്കോര്‍ഡുകള്‍ സൃഷ്ടിച്ച സിനിമയാണ്. 

ബാഹുബലിയുടെ രണ്ടാം ഭാഗത്തിനും വന്‍ സ്വീകരണമാണ് ലഭിച്ചത്. ഇപ്പോള്‍ ബാഹുബലിയുടെ മൂന്നാം ഭാഗം ആര്‍ട്ടിഫിഷ്യല്‍ ഇന്റലിജന്‍സിന്റെ സഹായത്തോടെ പുറത്തിറങ്ങുമെന്ന സൂചനയാണ് ലഭിക്കുന്നത്.

മൂന്നാം ഭാഗം ആര്‍ട്ടിഫിഷ്യല്‍ ഇന്റലിജന്‍സ്, ആനിമേഷന്‍ എന്നിവ ഉപയോഗിച്ച് ഒരുങ്ങുകയാണെന്നാണ് പുതിയ റിപ്പോര്‍ട്ടുകള്‍. 

ബാഹുബലി 3-യുടെ ആനിമേറ്റഡ് പതിപ്പ് പുറത്തിറക്കാനാണ് രാജമൗലി പദ്ധതിയിടുന്നതെന്നാണ് അണിയറക്കാരെ ഉദ്ധരിച്ച് ദേശീയമാധ്യമങ്ങള്‍ റിപ്പോര്‍ട്ട് ചെയ്യുന്നത്. പ്രോജക്ട് വൈകാതെ ആരംഭിക്കുമെന്നും റിപ്പോര്‍ട്ടുണ്ട്. 

അതേസമയം, ബാഹുബലി റിലീസായി പത്തുവര്‍ഷം പൂര്‍ത്തിയാക്കുന്ന വേളയില്‍ സിനിമ വീണ്ടും പുറത്തിറക്കാനൊരുങ്ങുകയാണ് അണിയറക്കാര്‍. 

'ബാഹുബലി ദി എപ്പിക്ക്' എന്ന പേരില്‍ രണ്ടു ഭാഗങ്ങളായി പുറത്തിറങ്ങിയ ബാഹുബലി സീരീസിനെ ഇത്തവണ ഒറ്റ സിനിമയായി 4കെ ദൃശ്യമികവില്‍ ആണ് റീ റിലീസ് ചെയ്യാനാണ് നിര്‍മാതാക്കള്‍ പദ്ധതിയിടുന്നത്. 

ഒക്ടോബര്‍ 31ന് ആണ് റീ റിലീസ് പ്ലാന്‍ ചെയ്യുന്നത്. ബാഹുബലി തീര്‍ച്ചയായും നൂറു കോടി ക്ലബില്‍ ഇടംനേടുമെന്നാണ് റിപ്പോര്‍ട്ട്.