തെറ്റായ വ്യക്തി വിവരങ്ങൾ നൽകിയ സംഘടകരെ വേദിയിൽ തിരുത്തി നടി നവ്യ നായർ. ഇതിന്റെ രസകരമായ വീഡിയോ സോഷ്യൽ മീഡയയിൽ വൈറലായി. നടി കാര്യങ്ങൾ തമാശ രൂപേണയാണ് വിശദീകരിച്ചെങ്കിലും കാര്യത്തിന്റെ ഗൗരവും ഒട്ടും ചോർന്നു പോകാതെയാണ് തെറ്റ് മനസിലാക്കി കൊടുത്തതെന്ന് സോഷ്യൽ മീഡിയയിൽ ആൾക്കാർ പ്രതികരിച്ചു.
പരിപാടിയിൽ ലഭിച്ച ബുക്ക് ലെറ്റിൽ നവ്യയെക്കുറിച്ച് തെറ്റായ വിവരങ്ങളാണ് ഉൾപ്പെടുത്തിയിരുന്നത്. ഒരു പരിഭവം നിങ്ങളോട് പറയാൻ ഉണ്ടെന്ന് പറഞ്ഞാണ് നടി പ്രസംഗം ആരംഭിച്ചത്. തനിക്ക് രണ്ടു മക്കൾ ഇല്ലെന്നും മകനോ കുടുംബമോ അറിഞ്ഞാൽ അവർ എന്ത് വിചാരിക്കുമെന്നും നവ്യ ചോദിച്ചു. നവ്യക്ക് യാമിക എന്ന പേരിൽ മകളുണ്ടെന്ന് ബുക്ക്ലെറ്റിൽ രേഖപ്പെടുത്തിയിരുന്നു.
തന്നെക്കുറിച്ച് അറിയാത്തവർ ഇത്തരം കാര്യങ്ങൾ വിശ്വസിക്കുമെന്നും എനിക്ക് ഒരു മകനെ ഉള്ളൂവെന്ന കാര്യം കുറച്ചുപേർക്കല്ലേ അറിയൂ എന്നും നവ്യ ചോദിച്ചു. ഇത്തരം കാര്യങ്ങൾ ഊഹിച്ച് എഴുതരുതെന്ന് പറഞ്ഞ നവ്യ വിക്കി പീഡിയയിൽ അത്യാവശ്യം വിവരങ്ങൾ കിട്ടുമല്ലോ എന്നും ചോദിച്ചു. താൻ അഭിനിയിക്കാത്ത സിനിമകളെയും തന്റെ പേരിൽ ഉൾപ്പെടുത്തിയത് നല്ല സ്പിരിറ്റിൽ എടുക്കുമെന്നും നടി പറഞ്ഞു. എന്നാൽ കുട്ടിയുടെ കാര്യത്തിൽ അവകാശം ഏറ്റെടുക്കാൻ ഇല്ലെന്നും അവർ വ്യക്തമാക്കി.