അടുത്ത വർഷവും ഞാൻ കാവടി എടുക്കും, നെ​ഗറ്റീവൊന്നും എന്നെ ബാധിച്ചിട്ടില്ല; അത്രത്തോളം മനസ് അറിഞ്ഞാണ് ചെയ്തത്- കാർത്തിക് സൂര്യ

വ്ലോ​ഗറും അവതാരകനുമായ കാർത്തിക് സൂര്യ കുറച്ച് ദിവസങ്ങൾക്ക് മുമ്പാണ് അ​​ഗ്നിക്കാവടി എടുത്തത്. ഇതിന്റെ വീഡിയോ കാർത്തിക് തന്റെ യുട്യൂബ് പേജിൽ പങ്കുവച്ചിരുന്നു. ഇതിന് പിന്നാലെ നിരവധി പേരാണ് കാർത്തിക് സൂര്യക്കെതിരെ വിമർശനങ്ങളുമായി എത്തിയത്. തനിക്കെതിരെ ഉയർന്ന വിമർശനങ്ങളോട് പ്രതികരിച്ച് കാർത്തിക് മുമ്പ് രം​ഗത്ത് എത്തിയിരുന്നു.

താൻ അടുത്ത വർഷവും കാവടി എടുക്കുമെന്ന് വീണ്ടും പറഞ്ഞിരിക്കുകയാണ് കാർത്തിക്. നെ​ഗറ്റീവ് ഒന്നും തന്നെ ബാധിച്ചില്ലെന്നും എന്നെകൊണ്ട് കഴിയുന്ന വർഷങ്ങളിലെല്ലാം അ​ഗ്നിക്കാവടി എടുക്കുന്നത് തുടരുമെന്നും കാർത്തിക് സൂര്യ പറഞ്ഞു. ഒരു ഓൺലൈൻ മീഡിയയോടാണ് ഇക്കാര്യങ്ങൾ കാർത്തിക് പറഞ്ഞത്.

‘ലോകത്ത് എന്ത് വന്നാലും നെ​ഗറ്റീവ് ഉണ്ടാകും. ആരോടും ഒരു പരിഭവവുമില്ല. ഓരോർത്തർക്കും ഓരോ വിശ്വാസമാണ്. നെ​ഗറ്റീവ് പറയുന്ന ഒരു കാര്യത്തിലും ഞാൻ ഫോക്കസ് ചെയ്യാറില്ല. ഞാൻ ഭയങ്കര ഹാപ്പിയാണ്. എന്നെ ഇഷ്ടപ്പെടുന്ന ആളുകളും ​ഹാപ്പിയാണെന്ന് ഞാൻ വിശ്വസിക്കുന്നു. എനിക്ക് അത്രയും അറിഞ്ഞാൽ മതി.

കാവടികഴിഞ്ഞതിന് ശേഷമാണ് ഇത്ര‌യും നെ​ഗറ്റീവായ വീഡിയോകൾ ഞാൻ കണ്ടത്. എന്നെ അതൊന്നും ബാധിച്ചില്ല. അത്രത്തോളം മനസ് അറിഞ്ഞാണ് ഞാൻ അ​ഗ്‍നി കാവടി എടുത്തത്. അടുത്ത വർഷവും കാവടി എടുക്കും. എന്നെ കൊണ്ട് കഴിയുന്ന വർഷമൊക്കെയും ഞാൻ കാവടി എടുക്കും.’- കാർത്തിക് സൂര്യ പറഞ്ഞു.