രണ്ടാം ഭാഗം ട്രെയ്‌ലർ ഹിറ്റ് ആയ ആവേശത്തിൽ കാന്താര ടീം കൊച്ചിയിൽ

കൊച്ചി: കാന്താര ചാപ്റ്റർ 1-ൻറെ റിലീസിന് മുന്നോടിയായുള്ള ചിത്രത്തിൻറെ പ്രസ് മീറ്റ് കൊച്ചി ഫോറം മാളിൽ നടന്നു. ചിത്രത്തിന്റെ സംവിധായകനും നായകനുമായ ഋഷഭ് ഷെട്ടി, ചിത്രത്തിന്റെ സിനിമാട്ടോഗ്രാഫർ അർവിന്ദ് കശ്യപ്, കളറിസ്റ്റ് രമേശ് സിപി, പ്രൊഡക്ഷൻ ഡിസൈനർ ബംഗ്ലാൻ എന്നിവർക്കൊപ്പം ചിത്രത്തിന്റെ വിതരണക്കാരായ പൃഥ്വിരാജ് പ്രൊഡക്ഷൻസിനെ പ്രതിനിധീകരിച്ച് നിർമ്മാതാവ് ലിസ്റ്റിൻ സ്റ്റീഫനും ഈ പ്രസ് മീറ്റിന്റെ ഭാഗമായി. 

കാന്താര ചാപ്റ്റർ 1-ൻറെ ടീസറിന്റെയും ഒപ്പം തന്നെ ട്രെൻഡിങ് ലിസ്റ്റുകളിൽ ഇടം പിടിച്ച ട്രെയ്‌ലറിന്റെ പ്രദർശനത്തോടും കൂടി ആരംഭിച്ച ഈ മീറ്റിൽ കേരളത്തിലെ മുൻനിര മീഡിയ ഔട്ട്ലെറ്റുകളിൽ നിന്നുള്ള പ്രതിനിധികൾ എല്ലാരും പങ്കെടുത്തു.       

കാന്താരയുടെ ആദ്യഭാഗം മുതൽ എടുത്തിട്ടുള്ള പരിശ്രമങ്ങളെയും അതിനായി നടത്തിയിട്ടുള്ള ദൈർഘ്യമേറിയ റിസർച്ചുകളെ പറ്റിയും സംസാരിച്ച ഋഷഭ് ഷെട്ടി, മലയാളി പ്രേക്ഷകർക്കിടയിൽ തന്റെ ചിത്രങ്ങൾക്ക് കിട്ടുന്ന ജനപ്രീതിയിൽ വളരെയേറെ സംതൃപ്തിയും പ്രകടിപ്പിച്ചു.  

കാന്താര ചാപ്റ്റർ 1-നെ ക്കുറിച്ച് സോഷ്യൽ മീഡിയയിലൂടെ പ്രചരിപ്പിക്കപ്പെട്ട തെറ്റായ വാർത്തകളെ വളരെ സരസമായി  തള്ളിക്കളയാനും അദ്ദേഹം മറന്നില്ല.

രണ്ടാം ഭാഗത്തിന് 1000 crore ക്ലബ് എന്ന ബോക്സ് ഓഫീസ് പ്രഷർ അനുഭവിക്കുന്നുണ്ടോ എന്ന ചോദ്യത്തിന്, ബോക്സ് ഓഫീസ് പ്രഷർ ഇല്ല മറിച്ച് മനസ്സ് നിറഞ്ഞ് ഈ ചിത്രത്തെ സ്വീകരിക്കുന്ന ഒരു ഓഡിയൻസ് ക്ലബ് ആണ് പ്രതീക്ഷിക്കുന്നത് എന്ന ഒരു മികച്ച ഉത്തരം ആണ് അദ്ദേഹത്തിൽ നിന്നും ലഭിച്ചത്. 

കാന്താരയുടെ ആദ്യഭാഗം മലയാളി പ്രേക്ഷകർ ഇരുകൈയ്യും നീട്ടി സ്വീകരിച്ചതുപോലെ തന്നെ ചിത്രത്തിൻറെ രണ്ടാം ഭാഗവും സ്വീകരിക്കുമെന്ന പ്രതീക്ഷയും അദ്ദേഹം പങ്കുവെച്ചു.     

സെപ്റ്റംബർ 22-ന് റിലീസ് ചെയ്ത കാന്താര ചാപ്റ്റർ 1-ൻറെ ട്രെയിലർ യൂട്യൂബ്, ഫേസ്ബുക്, എക്സ്, ഇൻസ്റ്റഗ്രാം എന്നീ പ്ലാറ്റ്‌ഫോമുകളിലൂടെ ഇതുവരെ കണ്ടത് 160 മില്യണിൽപരം ആളുകളാണ്.

 കൂടാതെ 1.3 മില്യണിലധികം ഷെയറുകളും വന്നതിലൂടെ ഇന്ത്യൻ സിനിമയിൽ തന്നെ ഏറ്റവും കൂടുതൽ തവണ ഷെയർ ചെയ്യപ്പെട്ട ട്രെയ്‌ലർ എന്ന റെക്കോർഡും കാന്താര ചാപ്റ്റർ 1 സ്വന്തമാക്കി. ഹോംബലെ ഫിലിംസിന്റെ ബാനറിൽ വിജയ് കിരഗണ്ടുർ നിർമ്മിക്കുന്ന കാന്താര ചാപ്റ്റർ 1 പൃഥ്വിരാജ് പ്രൊഡക്ഷൻസാണ് കേരളത്തിൽ വിതരണം ചെയ്യുന്നത്.

കാന്താരയുടെ ആദ്യഭാഗം രാജ്യമൊട്ടാകെയുള്ള സിനിമാ പ്രേക്ഷകരിൽ വലിയ ഒരു തരംഗം തന്നെ സൃഷ്ടിച്ചു.   അതുകൊണ്ടുതന്നെ വളരെ പ്രതീക്ഷയോടെയാണ് കാന്താര ചാപ്റ്റർ 1-നെ ആരാധകർ ഉറ്റുനോക്കുന്നത്.  ചിത്രത്തെക്കുറിച്ചുള്ള ഓരോ പോസ്റ്ററും മറ്റ് അപ്ഡേറ്റ്കളും അനുദിനം വലിയ വാർത്തയാകുകയാണ്.

മൂന്ന് വർഷമെടുത്ത്, 125 കോടി ബഡ്ജറ്റിന്റെ ഒരു വമ്പൻ ഫ്രെമിൽ ഒരുങ്ങുന്ന ഈ ചിത്രം ഒരു 1000 കോടി കളക്ഷൻ നേടുമെന്നാണ് സിനിമ ഇൻഡസ്ട്രി ഒട്ടാകെ പ്രതീക്ഷിക്കുന്നത്. പിആർഓ: നിയാസ് നൗഷാദ്, മാർക്കറ്റിംഗ് - ക്യാറ്റലിസ്റ്റ്