/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/fmaNYzqG1fe99ykBpSvy.jpg)
കേരളത്തിലെ ബോക്‌സ് ഓഫീസില്‍ റെക്കോര്‍ഡ് നേട്ടം നേടി വിജയ് ചിത്രം ലിയോ. ആദ്യ ദിനം 12 കോടി ഗ്രോസ് കളക്ഷന്‍ നേടിയ ചിത്രം മറ്റു സിനിമകള്‍ കേരളത്തില്‍ നേടിയ കളക്ഷന്‍ റെക്കോര്‍ഡുകള്‍ കോടികള്‍ വ്യത്യാസത്തില്‍ തകര്‍ത്തെറിഞ്ഞു മുന്‍നിരയിലെത്തി. കേരള ബോക്സോഫീസിലെ എക്കാലത്തെയും ആദ്യ ദിന ഗ്രോസ് കളക്ഷന്‍ ഒന്നാം സ്ഥാനം 12 കോടിയുമായി ലിയോ മുന്‍ നിരയിലെത്തിയപ്പോള്‍ 7.25 കോടി നേടിയ കെ ജി എഫ്, 6.76കോടി നേടിയ ഒടിയന്‍, വിജയുടെ തന്നെ 6.6 കോടി നേടിയ ബീസ്റ്റ് സിനിമകളുടെ റെക്കോര്‍ഡുകള്‍ ആണ് പഴങ്കഥ ആയത്.
തമിഴ് നാട്ടില്‍ നിന്ന് 35 കോടിയാണ് ചിത്രം ആദ്യ ദിനം നേടിയത്. ആഗോളവ്യാപകമായി 143 കോടിയില്‍ പ്പരം കളക്ഷനുമായി തിയേറ്ററുകളില്‍ വന്‍ വിജയം കൊയ്യുകയാണ് ലോകേഷ് കനകരാജ് സംവിധാനം ചെയ്ത ചിത്രം ലിയോ. വിദേശ രാജ്യങ്ങളിലും സകലവിധ റെക്കോര്‍ഡുകളും തകര്‍ത്തെറിഞ്ഞ ലിയോ ലോകവ്യാപകമായി കളക്ഷനിലും പ്രേക്ഷക അഭിപ്രായത്തിലും മുന്നിലാണ്.
മലയാളി താരം മാത്യു തോമസ് വിജയുടെ മകനായി ലിയോയില്‍ എത്തുമ്പോള്‍ മഡോണ സെബാസ്റ്റ്യന്‍ ചിത്രത്തില്‍ വിജയിനൊപ്പം ശ്രേധേയമായ ഒരു കഥാപാത്രത്തിലെത്തുന്നു. 313 ലേറ്റ് നൈറ്റ് ഷോസ് ആണ് ഇന്നലെ മാത്രം ചിത്രത്തിനായി കേരളത്തില്‍ നടന്നത്. ഹൗസ്ഫുള്‍ ഷോകളുമായി കുതിക്കുന്ന ലിയോക്ക് വര്‍ക്കിങ് ഡേ ആയിട്ട് കൂടി ടിക്കെറ്റുകള്‍ ചൂടപ്പം പോലെ വിറ്റു പോകുന്ന കാഴ്ചയാണുള്ളത്. കേരളത്തിലെ മിക്ക തിയേറ്ററുകളും രാവിലെ മുതല്‍ ഇന്നത്തെ അഡിഷണല്‍ ഷോകള്‍ ചാര്‍ട്ട് ചെയ്തിട്ടുണ്ട്.
അതേസമയം റിലീസ് ചെയ്ത് മണിക്കൂറുകള്‍ക്കുള്ളില്‍ ലിയോ പൈറേറ്റഡ് സൈറ്റുകളിലും എത്തിയിരിക്കുകയാണ്. ഫുള്‍ എച്ച്ഡി വേര്‍ഷനാണ് ചോര്‍ന്നിരിക്കുന്നത്. റിലീസിന് ഒരു ദിവസം മുമ്പ് ചിത്രത്തിന്റെ ആദ്യ രംഗം സോഷ്യല്‍ മീഡിയയില്‍ ചോര്‍ന്നതിന് തൊട്ടുപിന്നാലെയാണ് ഇത്. കുറച്ച് വെബ്‌സൈറ്റുകളില്‍ ഇത് ലഭ്യമായിരുന്നുവെന്നും. എന്നാല്‍ ലിയോ ടീം ഇതിനെതിരെ നിയോഗിച്ച സൈബര്‍ സംഘം ഇത്തരം പ്രിന്റുകള്‍ക്കെതിരെ ശക്തമായ നടപടിയിലാണ് എന്നാണ് വിവരം.
സോഷ്യല്‍ മീഡിയയില്‍ ചിലര്‍ ലിയോ തിയേറ്ററുകളില്‍ നിന്ന് ലൈവ് സ്ട്രീം ചെയ്തെന്നും എന്നാല്‍ ഇവ പിന്നീട് സോഷ്യല്‍ മീഡിയയില്‍ നിന്നും നീക്കം ചെയ്തെന്നും വിവരമുണ്ട്. ഏതോ തിയറ്ററില്‍ നിന്ന് ചിത്രീകരിച്ച 9 സെക്കന്‍ഡും പത്ത് സെക്കന്‍ഡും ദൈര്‍ഘ്യമുള്ള രംഗങ്ങളാണ് പ്രചരിക്കുന്നത്. സെന്‍സറിംഗിനോ മറ്റോ ഉള്ള പ്രിവ്യൂവിന്റെ ഭാഗമായി നടത്തിയ പ്രദര്‍ശനത്തിന് ഇടയില്‍ ചിത്രീകരിച്ചതെന്ന് തോന്നിപ്പിക്കുന്ന രംഗങ്ങളാണ് ചോര്‍ന്നിരിക്കുന്നത്.
അനിരുദ്ധ് രവിചന്ദര്‍ സംഗീതമൊരുക്കുന്ന ലിയോയില്‍ സഞ്ജയ് ദത്ത്,അര്‍ജുന്‍ സര്‍ജ, ഗൗതം മേനോന്‍, മിഷ്‌കിന്‍, മാത്യു തോമസ്, മന്‍സൂര്‍ അലി ഖാന്‍, പ്രിയ ആനന്ദ്, സാന്‍ഡി, ജനനി, അഭിരാമി വെങ്കിടാചലം, ബാബു ആന്റണി തുടങ്ങിയ താരങ്ങള്‍ ശ്രേധേയമായ വേഷങ്ങളിലെത്തുന്നു. സെവന്‍ സ്‌ക്രീന്‍ സ്റ്റുഡിയോ, ദി റൂട്ട് എന്നിവയുടെ ബാനറുകളില്‍ ലളിത് കുമാറും ജഗദീഷ് പളനിസാമിയും ചേര്‍ന്നാണ് ലിയോ നിര്‍മിക്കുന്നത്.ശ്രീ ഗോകുലം മൂവിസിന് വേണ്ടി ഗോകുലം ഗോപാലന്‍ ആണ് കേരളത്തിലെ വിതരണാവകാശം സ്വന്തമാക്കിയത്.ഡ്രീം ബിഗ് ഫിലിംസാണ് കേരളത്തിലെ ഡിസ്ട്രിബൂഷന്‍ പാര്‍ട്ട്‌നര്‍. ലിയോയുടെ ഡി.ഒ.പി : മനോജ് പരമഹംസ, ആക്ഷന്‍ : അന്‍പറിവ് , എഡിറ്റിങ് : ഫിലോമിന്‍ രാജ്, പി ആര്‍ ഓ: പ്രതീഷ് ശേഖര്‍.