/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/11/30/rcph0fk4_kantara-lokah_625x300_21_october_25-2025-11-30-10-33-36.webp)
ശക്തമായ ഉള്ളടക്കവും വ്യത്യസ്തമായ പ്രമേയവും അവതരണരീതികൊണ്ടും ഇന്ത്യന്‍ സിനിമാവ്യവസായത്തില്‍ ഈ വര്‍ഷം നേട്ടമുണ്ടാക്കിയത് പ്രാദേശിക ചിത്രങ്ങളാണ്.
ഹിന്ദി ചലച്ചിത്ര വ്യവസായത്തില്‍ ഈ വര്‍ഷം റിലീസുകളില്‍ 25 ശതമാനം കുറവുവരികയും ചെയ്തു.
ഈ വര്‍ഷം ഒക്ടോബറിലാണ് ഗുജറാത്തി സിനിമ ആദ്യമായി 100 കോടി രൂപ ബോക്‌സ്ഓഫീസില്‍നിന്നു കരസ്ഥമാക്കി ചരിത്രത്തിന്റെ ഭാഗമാകുന്നതും.
മലയാള സിനിമയും ചരിത്രം സൃഷ്ടിച്ച വര്‍ഷമാണ് 2025. വനിതാ സൂപ്പര്‍ഹീറോ ചിത്രമായ ലോക ചാപ്റ്റര്‍ 1: ചന്ദ്ര- റെക്കോര്‍ഡുകള്‍ തകര്‍ത്തു.
ആറ് ആഴ്ചകള്‍ക്കുള്ളില്‍ ആഗോളതലത്തില്‍ 300 കോടി രൂപ കളക്ഷന്‍ നേടി. ലോകമെമ്പാടും ഏറ്റവും കൂടുതല്‍ കളക്ഷന്‍ നേടിയ മലയാള ഭാഷാ ചിത്രമായി മാറി ലോക.
ഇന്ത്യന്‍ സിനിമയിലും ഏറ്റവും കൂടുതല്‍ കളക്ഷന്‍ നേടുന്ന നായികാ ചിത്രവുമാണ് കല്യാണി പ്രിയദര്‍ശന്റെ ലോക.
വിതരണക്കാര്‍ പോലും ഏറ്റെടുക്കാന്‍ മടിച്ച, പ്രിവ്യു കണ്ട മെഗാ സ്റ്റാര്‍ മമ്മൂട്ടിയും ജനപ്രിയ സിനിമകളുടെ ചക്രവര്‍ത്തി എന്നറിയപ്പെടുന്ന പ്രിയദര്‍ശനും ലോകയുടെ വിജയത്തില്‍ സംശയം പ്രകടിപ്പിച്ചിരുന്നു.
എന്നാല്‍, എതിരഭിപ്രായങ്ങളെല്ലാം മറികടന്ന്, ലോക ചരിത്രം സൃഷ്ടിക്കുകയായിരുന്നു!
മറാത്തി ചിത്രം ദശാവതാര്‍ 28.47 കോടി രൂപ കളക്ഷന്‍ നേടി മുന്നിലെത്തിയതായി സാക്‌നില്‍ക് പറയുന്നു. 2024 നെ അപേക്ഷിച്ച് ഈ വര്‍ഷം ഹിന്ദി റിലീസുകളില്‍ 20 മുതല്‍ 25 ശതമാനം വരെ കുറവുണ്ടായതായി സിനിമാ വ്യാവസായ വിദഗ്ധര്‍ പറഞ്ഞു.
അതേസമയം, 2025 പ്രേക്ഷകരുടെ താത്പര്യങ്ങളില്‍ വ്യക്തമായ മാറ്റം കൊണ്ടുവന്നതായി പിവിആര്‍ ഇനോക്‌സ്, സിനിപോളിസ് ഇന്ത്യ, മിറാഷ് എന്റര്‍ടൈന്‍മെന്റ്, മുക്ത എ2 സിനിമാസ് തുടങ്ങിയ പ്രദര്‍ശനക്കമ്പനികള്‍ പറഞ്ഞു.
10 മുതല്‍ 15 കോടി വരെ വിലയുള്ള നിരവധി ചെറുകിട, ഇടത്തരം ബജറ്റ് പ്രാദേശിക സിനിമകള്‍ ബോക്‌സ്ഓഫീസില്‍ പ്രതീക്ഷിച്ചതിലും മികച്ച പ്രകടനം കാഴ്ചവച്ചു.
ഒക്ടോബറില്‍, പീരിയോഡിക് ആക്ഷന്‍ ത്രില്ലര്‍ കാന്താര, ബോളിവുഡ് ചിത്രമായ ഛാവയെ മറികടന്ന് 735 കോടി രൂപ നേടി.
ഈ വര്‍ഷം ഇന്ത്യയില്‍ ഏറ്റവും കൂടുതല്‍ കളക്ഷന്‍ നേടിയ ചിത്രമായി മാറുകയും ചെയ്‌തെന്ന് ഒര്‍മാക്‌സ് മീഡിയയുടെ സമീപകാല റിപ്പോര്‍ട്ട് പറയുന്നു. ഇത് ദേശീയ ബോക്‌സ്ഓഫീസില്‍ കന്നഡയ്ക്കു തിളക്കമാര്‍ന്ന വിജയം സമ്മാനിച്ചു.
'2025 ഇന്ത്യന്‍ സിനിമയ്ക്ക് നാഴികക്കല്ലായ വര്‍ഷമാണ്. പ്രാദേശിക സിനിമകളുടെ ദീര്‍ഘകാലമായി കാത്തിരുന്ന ഉയര്‍ച്ചയും വാണിജ്യവിജയവും അടയാളപ്പെടുത്തുന്നു' - പിവിആര്‍ ഇനോക്സിന്റെ ചീഫ് എക്സിക്യൂട്ടീവ് ഓഫീസര്‍ ഗൗതം ദത്ത പറഞ്ഞു.
മറാത്തി, ഗുജറാത്തി, മലയാളം സിനിമകള്‍ ഈ മാറ്റത്തിനു നേതൃത്വം നല്‍കി. ഏകദേശം 40 ശതമാനം ഒക്യുപെന്‍സിയുമായി ഹിറ്റായ ലാലോ: കൃഷ്ണ സദാ സഹായതേ, ഗുജറാത്തിനു പുറത്തുള്ള മേഖലകളില്‍നിന്നും വലിയ വിജയം സ്വന്തമാക്കി.
അതേസമയം, മലയാള സിനിമയും ആധിപത്യം തുടര്‍ന്നു. ലോക, എല്‍2: എമ്പുരാന്‍, തുടരും എന്നിവ ആഗോള ബോക്‌സ് ഓഫീസില്‍നിന്നു മൊത്തം 700 കോടിയിലേറെ നേടി. പ്രാദേശിക ചലച്ചിത്രങ്ങളുടെ വിജയത്തിനു പിന്നില്‍ ഹിന്ദി സിനിമകളുടെ കുറവല്ല എന്നും ചലച്ചിത്രനിരീക്ഷകര്‍ പറയുന്നു.
പ്രാദേശിക ചലച്ചിത്ര നിര്‍മാതാക്കള്‍ ശക്തമായ തിരക്കഥകളും, പ്രസക്തമായ കഥാപാത്രങ്ങളും, മാര്‍ക്കറ്റിംഗും ശരിയായരീതിയില്‍ ഉപയോഗിച്ചു. പ്രാദേശിക ചിത്രങ്ങള്‍, ഇനി ഭാഷയോട് മാത്രമല്ല വിശ്വസ്തത പുലര്‍ത്തുന്നത്, പ്രേക്ഷകസ്വീകാര്യമായ ഉള്ളടക്കം സൃഷ്ടിക്കാനും ശ്രമിക്കുന്നു. പ്രാദേശികചിത്രങ്ങളുടെ കഥപറച്ചിലിന്റെ കരുത്തും പുതുമയുമാണ് യഥാര്‍ഥത്തില്‍ പ്രേക്ഷകരുടെ അംഗീകാരം നേടിയത്.
പഞ്ചാബി, ബംഗാളി സിനിമകളും ഈ വര്‍ഷം മികച്ച പ്രകടനമാണു കാഴ്ചവച്ചത്. 2026 ലക്ഷ്യമിട്ടും വന്‍ മലയാളത്തില്‍നിന്ന് ഉള്‍പ്പെടെ നിരവധി ചിത്രങ്ങളാണ് അണിയറയില്‍ ഒരുങ്ങുന്നത്.