മമ്മൂട്ടി-മോഹന്‍ലാല്‍ ഒന്നിക്കുന്ന പാട്രിയോട്ടിന്റെ എടപ്പാൾ ഷെഡ്യൂൾ ആരംഭിച്ചു

എടപ്പാൾ : മോഹൻലാൽ, മമ്മൂട്ടി ,ഫഹദ് ഫാസിൽ, കുഞ്ചാക്കോ ബോബൻ, നയൻതാര തുടങ്ങി  വലിയ താരനിരവച്ച്   മഹേഷ് നാരായണൻ സംവിധാനം ചെയ്യുന്ന പുതിയ ചിത്രമായ ‘പാട്രിയോട്ട്’ എന്ന ചിത്രത്തിന്റെ എടപ്പാൾ ഷെഡ്യൂൾ ആരംഭിച്ചു. സിനിമയിൽ മോഹൻലാൽ പ്രധാന വേഷത്തിലെത്തുന്നു.  മോഹൻലാലിന്റെ ആക്ഷൻ രംഗങ്ങൾ എടപ്പാളിൽ ചിത്രീകരിക്കുന്നത്.

മമ്മൂട്ടി, ഫഹദ് ഫാസിൽ, കുഞ്ചാക്കോ ബോബൻ, നയൻതാര, രേവതി, ദർശന രാജേന്ദ്രൻ, ഗ്രേസ് ആന്റണി എന്നിവരും ഈ ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു. ഇന്ത്യയോടൊപ്പം ബാക്കു, യുകെ, ഗൾഫ്, ശ്രീലങ്ക എന്നിവിടങ്ങളിലും ചിത്രീകരണം നടത്താനാണ് പദ്ധതികൾ.

എടപ്പാളിൽ ഒറ്റപ്പെട്ട ദിവസങ്ങളായി നടക്കുന്ന ഷെഡ്യൂളിൽ ഈ ടീമിന്റെ പ്രവർത്തനങ്ങൾ പുരോഗമിക്കുന്നു. വലിയ പ്രതീക്ഷയോടെയാണ് ആരാധകരും സിനിമാപ്രേമികളും ഈ ചിത്രത്തിൻറെ റിലീസിനെ കാത്തിരിക്കുന്നത്.