അഭിനയ വിസ്മയം മോഹൻലാലിന് പിറന്നാൾ ആശംസകൾ നേർന്ന് ആരാധകർ; തന്റെ ജീവചരിത്രം ഡിസംബർ 25-ന് പുറത്തിറങ്ങുമെന്ന് ലാലേട്ടൻ

അഭിനയ വിസ്മയം മോഹൻലാലിന്റെ പിറന്നാൾ ദിനത്തിൽ ആശംസകൾ കൊണ്ട് സോഷ്യൽ മീഡിയ പേജുകൾ നിറഞ്ഞിരിക്കുന്നു.മലയാളത്തിലെ അഭിനയ വിസ്മയം മോഹൻലാൽ തന്റെ ജീവചരിത്രം ഡിസംബർ 25-ന് പുറത്തിറങ്ങുമെന്ന കാര്യം പിറന്നാൾ ദിനത്തിൽ സോഷ്യൽ മീഡിയയിൽ പങ്കുവെച്ചു.

ആയിരത്തിലധികം പേജുള്ള പുസ്തകത്തിന്റെ പേര് 'മുഖരാഗം' എന്നാണ്.മുഖരാഗം എന്ന പേരിൽ പുസ്തകരൂപത്തിൽ ജീവചരിത്രം എഴുതിയത് ഭാനുപ്രകാശ് ആണ്.നീണ്ട വർഷങ്ങൾ തന്നോടാപ്പം സഞ്ചരിച്ച് കഠിന ശ്രമത്തിലൂടെയാണ് ഈ പുസ്തകം ഭാനുപ്രകാശ് തയ്യാറാക്കിയതെന്ന് നടൻ മോഹൻലാൽ വെളിപ്പെടുത്തി .

മുഖരാഗത്തിന്റെ അവതാരിക എഴുതിയിരിക്കുന്നത് പ്രശസ്ത എഴുത്തുകാരൻ എം.ടി.വാസുദേവൻ നായർ ആണ്.മോഹൻലാലിന്റെ അഭിനയ ജീവിതത്തിന്റെ നാൽപ്പത്തിയേഴു വർഷങ്ങൾ പൂർത്തിയാകുന്ന 2025 ഡിസംബർ 25-ന് പുസ്തകം പ്രകാശനം ചെയ്യുന്ന് മോഹൻലാൽ വെളിപ്പെടുത്തി.മാതൃഭൂമി ബുക്സ് വഴിയാണ് പുസ്തകം വായനക്കാരിലേക്ക് എത്തുന്നത്.

      വി.ബി.ഭാഗ്യരാജ് ഇടത്തിട്ട