ആരാധകര്‍ക്ക് പിറന്നാള്‍ സമ്മാനം. 'ഗബ്രു' ഫസ്റ്റ് ലുക്ക് പോസ്റ്റര്‍ പങ്കുവച്ച് സണ്ണി ഡിയോള്‍

ബോളിവുഡ് സൂപ്പര്‍താരം സണ്ണി ഡിയോള്‍ തന്റെ പിറന്നാള്‍ദിനത്തില്‍ പുതിയ ചിത്രമായ 'ഗബ്രു'വിന്റെ മോഷന്‍ പോസ്റ്റര്‍ ആരാധകരുമായി പങ്കിട്ടു.

68-ാം പിറന്നാളിന് നിരവധി പ്രമുഖരാണ് താരത്തിന് ആശംസകള്‍ നേര്‍ന്നത്. ആക്ഷന്‍ ത്രില്ലര്‍ ചിത്രം ഗബ്രുവിന്റെ രചനയും സംവിധാനവും നിര്‍വഹിക്കുന്നത് ശശാങ്ക് ഉദപുര്‍ക്കറാണ്.

കുറച്ചുനാള്‍ മുമ്പ്, സണ്ണി തന്റെ സോഷ്യല്‍ മീഡിയ ഹാന്‍ഡില്‍ ഗബ്രുവിന്റെ ആദ്യ ഔദ്യോഗിക ലുക്ക് പങ്കിട്ടിരുന്നു. 'ശക്തി നിങ്ങള്‍ കാണിക്കുന്നതല്ല-നിങ്ങള്‍ ചെയ്യുന്നതാണ്.' എന്ന ടാഗ്ലൈനോടെയാണ് പോസ്റ്റര്‍ പുറത്തുവിട്ടത്.

തന്റെ വിശേഷദിനത്തില്‍ എല്ലാവരുടെയും സ്നേഹത്തിനും അനുഗ്രഹത്തിനും നന്ദിയെന്ന് ഇന്‍സ്റ്റാഗ്രാമില്‍ സണ്ണി കുറിച്ചു. 2026 മാര്‍ച്ച് മാര്‍ച്ച് 13ന് ആണ് ചിത്രം തിയറ്ററുകളില്‍ എത്തുക. 

അനുരാഗ് സിംഗ് സംവിധാനം ചെയ്യുന്ന ബോര്‍ഡര്‍ 2 ആണ് സണ്ണിയുടെ അടുത്ത ചിത്രം. വരുണ്‍ ധവാന്‍, ദില്‍ജിത് ദോസഞ്ജ്, അഹാന്‍ ഷെട്ടി എന്നിവരും അഭിനയിക്കുന്ന ചിത്രം 2026 ജനുവരി 22 ന് തിയേറ്ററുകളില്‍ റിലീസ് ചെയ്യും. അടുത്ത വര്‍ഷം ദീപാവലി റിലീസായി നിതേഷ് തിവാരിയുടെ രാമായണം 1-ഉം താരത്തിന്റേതായി അണിയറയില്‍ ഒരുങ്ങുന്നു.