ലാലേട്ടന്‍ വ്യത്യസ്തനാണ്; സംവിധായകര്‍ മുതല്‍ ലൈറ്റ് ബോയ് വരെ ലാലേട്ടന്റെ സ്‌നേഹം അറിഞ്ഞവരാണ്... മോഹന്‍ലാലിനെക്കുറിച്ച് ലാല്‍ ജോസ്

ലാലേട്ടന്‍ന്റെയൊപ്പം അസിസ്റ്റന്റ്, അസോസിയേറ്റ് ഡയറക്ടര്‍ ആയിരുന്നപ്പോഴും വര്‍ക്ക് ചെയ്തിട്ടുണ്ടെന്ന് മലയാളത്തിന്റെ ജനപ്രിയ സംവിധായകന്‍ ലാല്‍ ജോസ്. വിഷ്ണുലോകമാണ് താന്‍ ലാലേട്ടന്റെയൊപ്പം വര്‍ക്ക് ചെയ്യുന്ന ആദ്യചിത്രം. ഞാന്‍ അസിസ്റ്റന്റ് ഡയറക്ടറായിരുന്നു. ദിലീപ് അസിസ്റ്റന്റാകുന്ന ആദ്യ ചിത്രവുമായിരുന്നു വിഷ്ണുലോകം. ലാല്‍ ജോസിന്റെ വാക്കുകള്‍: 

ആ ചിത്രത്തിന്റെ സെറ്റില്‍ ലാലേട്ടനെ കാണാന്‍ സിബി മലയില്‍ സാര്‍ വന്നപ്പോള്‍ എന്നെക്കുറിച്ച് ലാലേട്ടന്‍ നല്ല അഭിപ്രായമാണ് സിബി സാറിനോടു പറഞ്ഞത്. ഞാന്‍ മലയാളസിനിമയിലെ പ്രമുഖ സംവിധായകരില്‍ ഒരാളാകുമെന്നാണ് ലാലേട്ടന്‍ സിബി സാറിനോടു പറഞ്ഞത്.

പിന്നെ, ലാലേട്ടന്റെ സെറ്റ് എന്നു പറയുന്നത് രസകരമാണ്. തമാശകളൊക്കെ പറഞ്ഞ് ലൈവ് ആയിരിക്കും. അദ്ദേഹം സിംബിള്‍ ആയ വ്യക്തിയാണ്. താരപരിവേഷങ്ങളൊന്നും ആരുടെയടുത്തും പ്രകടിപ്പിക്കുന്ന ആളല്ല. സംവിധായകര്‍ മുതല്‍ ലൈറ്റ് ബോയ് വരെ ലാലേട്ടന്റെ  സ്‌നേഹം അറിഞ്ഞവരാണ്- ലാല്‍ ജോസ് പറഞ്ഞു.