25
Saturday March 2023

പച്ചിലയും പഴുത്തിലയും (പ്രവാസത്തിലെ മഞ്ഞുതുള്ളികൾ)

ജോയ് ഡാനിയേല്‍, ദുബായ്
Saturday, October 13, 2018

മിറേറ്റ്‌സ്‌ ടവറിനടുത്തുള്ള ഒരു മരം. അതിൽ നിറയെ ഇലകൾ. പച്ചിലകൾ, പഴുത്തിലകൾ പിന്നെ ഉണങ്ങിയ ഇലകൾ.

ഓരോ ഇലകളും ഊഴം കാത്തിരിക്കുകയാണ്. പച്ചയായി, മഞ്ഞയായി, ഉണങ്ങി ഒരിക്കൽ മരത്തിന്റെ ജീവൻറെ ജീവനും, ഓജസ്സും രക്തത്തിൻറെ രക്തവും എല്ലാമായിരുന്ന ഇലകൾ താഴേക്ക് പതിക്കും. ഉയരത്തിൽ നിന്നുമുള്ള വീഴ്ച്ചയ്ക്ക് ആഘാതവും വലുപ്പമുള്ളതായിരിക്കും. ചിലപ്പോൾ ഒരിക്കൽ തലോടിയുറക്കിയ കാറ്റിന്റെ കളിയാക്കലുകളാൽ അമ്മാനമാടപ്പെട്ടായിരിക്കാം ആ വീഴ്ച്ച.

പിന്നെ ചവറ്റുകൂട്ടയിലോ, ഓടയിലോ, തീയിൽ വീണുപോകാനോ ജീർണിച്ച്, ജീർണിച്ച് വളമായിതീരാനോ ബാക്കിയായ ദിനങ്ങൾ.

അതാണ് ഇലകളുടെ ജീവിതം.

ഒരിക്കൽ ആ മരത്തിൽ ഒരു സുന്ദരിപൂമ്പാറ്റ വട്ടമിട്ട് പറന്നു. അവസാനം അത് വന്ന് ഒരു പച്ചിലയിൽ ഇരുന്നു. പച്ചിലയ്ക്ക് ഗർവ് കൂടി. സുന്ദരിപൂമ്പാറ്റ പൂക്കളും മധുവും വെടിഞ്ഞ് തന്റെമേൽ വന്നിരിക്കുന്നല്ലോ. തൻറെ ഹരിതമനോഹാരിതയാണ് പൂക്കളേക്കാൾ പൂമ്പാറ്റ ഇഷ്ടപ്പെടുന്നത്, അത് തന്നെ കാരണം-പച്ചില കരുതി.

പച്ചില തൊട്ടുതാഴെക്ക് നോക്കി. അവിടെ പഴുത്തുതുടങ്ങിയ ഒരു ഇലയുണ്ട്. ഏറെനാൾ മിണ്ടാനും പറയാനും കൂട്ടായിരുന്നു. ഇപ്പോൾ പ്രായമായി. പച്ചില പറഞ്ഞു

“നോക്കൂ… നീ പഴുത്ത് കൊഴിഞ്ഞുവീഴാറായി. ഞാൻ പച്ചിലയാണ്. ഇപ്പോഴും ഓജസ്സും, തേജസ്സും നിറഞ്ഞുനിൽക്കുന്നു. നിനക്കാകട്ടെ ഇനി വിരലിൽ എണ്ണാവുന്ന ദിനങ്ങൾമാത്രമേ ബാക്കിയുള്ളൂ. പൂമ്പാറ്റകൾക്ക് പോലും നിന്നെ വേണ്ടാ. നോക്കൂ, എന്റെമേൽ അവ വന്നിരിക്കുകയും മുത്തം തരികയും ചെയ്യുന്നത് കണ്ടോ?”

പഴുത്തില ഒന്നും മിണ്ടിയില്ല. ലോകം കുറേകണ്ടതാണ്. ഇനി പച്ചില പറഞ്ഞതുപോലെ എണ്ണിത്തീർക്കാവുന്ന ദിനങ്ങൾ മാത്രം തനിക്ക് ബാക്കി. ഒരുകാലത്ത് ഓജസ്സും ശക്തിയും എല്ലാം ഉണ്ടായിരുന്നു. മരത്തിൻറെ മുകളിലേക്കുള്ള വളർച്ചയ്ക്ക് ഞാനും അധ്വാനിച്ചിട്ടുണ്ട്. കാലത്തിന്റെ ഒഴുക്കിൽ എന്റെമേൽ പുതുനാമ്പുകൾ മൊട്ടിടുകയും എൻറെ സ്ഥാനം താഴേക്കാവുകയും ചെയ്‌തു. അവർ വളർന്നുവലുതാകുമ്പോൾ എൻറെ നിറം മാങ്ങാനും ശക്തി കുറയാനും തുടങ്ങി. ഇനി എത്രനാൾ? ഇതെല്ലം ഓർത്തുകൊണ്ട് പഴുത്തില മറുപടി പറഞ്ഞു.

“നീ പറഞ്ഞത് സത്യം. നീ ചെറുപ്പമാണ് . നിന്നെമാത്രമേ പുതിയ ലോകം സ്വീകരിക്കൂ. നീ ഇതെല്ലാം നന്നായി ആസ്വദിക്കൂ… യൗവനവും, സൗന്ദര്യവും, എല്ലാമെല്ലാം. എൻറെ കാലം കഴിയാറായി. ഞാൻ കിളവൻ…. ചുക്കിച്ചുളിഞ്ഞവൻ?

“അതെയതെ…” പച്ചില ചിരിച്ചുകൊണ്ട് തുടർന്നു. “…. സത്യം. നിൻറെ ദിനങ്ങൾ എണ്ണപ്പെട്ടു. എനിക്കാകട്ടെ നീണ്ടുനിവർന്നുകിടക്കുന്ന ആയുസ്സും ആരോഗ്യവും എത്രയോ ഇനി ബാക്കി”

രാത്രിയായി. മരമുറങ്ങി. മരത്തിലെ കിളികൾ ഉറങ്ങി, ലോകം ഉറങ്ങി-ഉഷസ്സാകുവോളം.

അടുത്ത ദിവസം സൂര്യൻ ഉദിച്ചപ്പോൾ പഴുത്തില താഴേക്ക് നോക്കി. മനുഷ്യർ, മൃഗങ്ങൾ, വാഹനങ്ങൾ…. എല്ലാമെല്ലാം പായുകയാണ്. ഒരിക്കലും പ്രായമായി കൊഴിഞ്ഞുപോകാത്തതുപോലെ ഓട്ടമാണ്. അലസമായി മുകളിലേക്ക് നോക്കിയപ്പോൾ പച്ചില ഉണർന്ന് വരുന്നതേയുള്ളൂ. കൂടുതൽ ആരോഗ്യമുള്ളവർക്കാണോ കൂടുതൽ ഉറക്കം? പഴുത്തില സംശയിച്ചു.

ആരോ തന്റെ ശരീരത്തെ കുത്തിനോവിക്കുന്നത് അറിഞ്ഞാണ് പച്ചില കണ്ണുതുറന്നത്. പേടിച്ചുപോയി! ഒരു വലിയ പുഴു!!? പച്ചയും ചന്ദനവും വെള്ളയും എല്ലാം ഇടകലർന്ന നിറത്തിലുള്ള വലിയ പുഴു പച്ചിലയുടെ പുറത്ത് കയറിയിരുന്ന് നിർദ്ദയം കടിച്ച് തിന്നുകയാണ്.

“ഏയ്.. നീയെന്താണ് കാണിക്കുന്നത്? എന്നെ കടിക്കരുത്. എന്നെ കടിക്കരുത്” പച്ചില ക്രോധത്തോടെ അലറിവിളിച്ചു.

ആരുകേൾക്കാൻ? എവിടെ കേൾക്കാൻ? പുഴു അതിന്റെ ജോലി തുടർന്നുകൊണ്ടേയിരുന്നു. ലോകം മുഴുവൻ തിന്നുതീർക്കാനുള്ള വിശപ്പ്. പെട്ടെന്ന് തിന്നുതീർക്കണം എല്ലാം… എനിക്ക് വലുതാകണം. കൂടുകെട്ടണം നാളെ, പൂമ്പാറ്റയായി പറന്നുപോകണം. നിലവിളി കേൾക്കാനോ ചിന്തിക്കാനോ സമയമെവിടെ??

“ഏയ്.. പുഴൂ…. ആ പച്ചിലയെ വെറുതേവിടൂ.. ഞാൻ പഴുത്തില. താഴേക്ക് നോക്കൂ, എൻറെ ജീവിതം അവസാനിക്കാറായി. വരൂ, എന്നെ തിന്നുകൊള്ളൂ. അവന് ഇനിയും ഒത്തിരി ആയുസ്സും ആരോഗ്യവും ബാക്കിയാണ്. അവനെ വിടൂ. എന്നെ തിന്നുകൊള്ളൂ..”

അതുകേട്ട് പുഴു ചിരിച്ചു. “ഹ..ഹ ഹ.. പഴുത്തില ആർക്കുവേണം കിളവാ??! എനിക്ക് വേണ്ടത് ഓജസ്സും തേജസ്സുമുള്ള കറുമുറെ തിന്നാനുള്ള പച്ചിലതന്നെയാണ്. താൻ പോയി പണിനോക്ക്..”

പഴുത്തിലയുടെ വായ അടഞ്ഞുപോയി. പച്ചിലയുടെ വിലാപം വനരോദനവുമായി. നിമിഷനേരംകൊണ്ട് പച്ചില നാരുമാത്രമായി അവശേഷിച്ചു.

അവസാനം പുഴു തിന്നുകഴിഞ്ഞ പച്ചിലനാര് തണ്ടൊടിഞ്ഞ് താഴേക്ക് പതിച്ചു.

അതുകണ്ട് പഴുത്തിലയുടെ നെഞ്ചുപിടച്ചു. എന്നിട്ട് സ്വയം പറഞ്ഞു.

“അവനെക്കാൾ മുന്നേ പോകേണ്ടവനാണ് ഞാൻ. ഇന്ന് അവൻറെ യാത്ര എൻറെ കണ്മുന്നിൽ…. ഒന്നും ഇവിടെ സുസ്ഥിരമല്ല, ശാശ്വതവുമല്ല. പച്ചിലകൾ പോലും ..!”

More News

ഇടുക്കി: അരിക്കൊമ്പനെ തളയ്ക്കാനായി രണ്ട് കുങ്കിയാനകൾ കൂടി ഇന്ന് ചിന്നക്കനാലിലെത്തും. കോന്നി സുരേന്ദ്രൻ, കുഞ്ചു എന്നീ കുങ്കിയാനകളാണെത്തുന്നത്. അരിക്കൊമ്പനെ പിടികൂടുന്നത് താത്കാലികമായി തടഞ്ഞിരിക്കുകയാണ്. ആനയെ മയക്കുവെടി വെക്കുന്നതൊഴികെയുള്ള നടപടികൾ വനം വകുപ്പ് തുടരും. ഹർജി പരിഗണിക്കുന്ന 29 ആം തിയതിയിലെ തീരുമാനം അനുസരിച്ചായിരിക്കും മയക്കുവെടി വെക്കുന്ന നടപടി ഉണ്ടാകൂ. കോടതി നടപടിയിൽ പ്രതിഷേധിച്ച് അരിക്കൊമ്പന്റെ ആക്രമണം രൂക്ഷമായ ബിഎൽ റാവിൽ രാവിലെ പ്രതിഷേധ പരിപാടികൾ നടക്കും. ഹൈക്കോടതിയിൽ സമർപ്പിക്കാനിയി ചിന്നക്കനാൽ, ശാന്തൻപാറ പഞ്ചായത്തുകളിൽ കാട്ടാനയാക്രമണം ഉണ്ടായ സംഭവങ്ങളുടെ […]

ഡൽഹി: ആയിരക്കണക്കിന് ദൂരദർശിനികളുടെയും ഉപഗ്രഹങ്ങളുടെയും സഹായത്തോടെ ബഹിരാകാശത്തെ അതിമനോഹരമായ ചിത്രങ്ങൾ പകർത്തി ബഹിരാകാശ ഏജൻസിയായ നാസ സ്ഥിരമായി പങ്കുവയ്‌ക്കാറുണ്ട്. ഇപ്പോഴിതാ ഭൂമിയിലെ ‘നൈറ്റ് ലൈറ്റുകൾ’ എന്ന് പേരിട്ടിരിക്കുന്ന ചിത്രമാണ് നാസ ഇൻസ്റ്റഗ്രാമിലൂടെ പുറത്തുവിട്ടിരിക്കുന്നത്. ഭൂമിയുടെ ഇരുണ്ട വശത്തെ ഇതിൽ കാണാം. രാത്രി സമയത്തെ ഭൂമിയുടെ ഈ ചിത്രം ഗ്രഹത്തിലുടനീളമുള്ള മനുഷ്യവാസത്തിന്റെ പാറ്റേണുകളുടെ വ്യക്തമായ കാഴ്ച നൽകുന്നതാണെന്ന് നാസ വ്യക്തമാക്കി. മനുഷ്യർ എങ്ങനെയാണ് ഗ്രഹത്തെ രൂപപ്പെടുത്തുന്നതെന്നും ഇരുട്ടിൽ പ്രകാശത്തെ കൊണ്ടുവരുന്നതെന്നും വ്യക്തമാക്കുന്ന മനോഹര ചിത്രമാണിത്.

തിരുവനന്തപുരം: അഴിമതിക്കേസിലെ പ്രതികളെ രക്ഷിക്കാൻ അര ലക്ഷം കൈക്കൂലി വാങ്ങിയ വിജിലൻസ് ഡിവൈ.എസ്.പിയെ പൂട്ടാൻ ഉറച്ച് വിജിലൻസ്. 25000 രൂപ കൈക്കൂലി വാങ്ങിയ കേസിൽ ഉദ്യോഗസ്ഥരെ രക്ഷിക്കാൻ അര ലക്ഷം കൈക്കൂലി വാങ്ങിയ കേസിൽ പ്രതിയായ വിജിലൻസ് സ്പെഷ്യൽ സെൽ ഡിവൈ.എസ്.പി വേലായുധൻ നായർ എഴുതിത്തള്ളിയ കേസ് പുനരന്വേഷിക്കും. ഇക്കാര്യം വിജിലൻസ് ഡിവൈ.എസ്.പി കോടതിയെ അറിയിക്കാൻ തീരുമാനമായി. തിരുവല്ല മുനിസിപ്പൽ സെക്രട്ടറി നാരായണന്റെ അനധികൃത സ്വത്ത് കേസ് വേലായുധൻ നായർ ഒതുക്കിതീർത്തെന്നാണ് വിജിലൻസ് കണ്ടെത്തിയത്. ഡിവൈ.എസ്.പി ശ്യാംകുമാറിനാണ് […]

നോമ്പുതുറകള്‍ക്കായി പ്രത്യേകം തയ്യാറാക്കുന്ന എത്രയോ വിഭവങ്ങള്‍ നാം കേട്ടിട്ടുണ്ട്… റംസാന്‍ ആകുമ്പോള്‍ പലര്‍ക്കും ഓര്‍മ്മയില്‍ വരുന്ന ഒരു രുചിയെ പറ്റിയാണ് ഇപ്പോള്‍ പറയുന്നത്. പലരും കേട്ടുകാണും, ഒരു തവണ കഴിച്ചവര്‍ പിന്നീടൊരിക്കലും മറന്നുപോകാന്‍ സാധ്യതയില്ലാത്ത ഈ വിഭവത്തെ പറ്റി. അറേബ്യയില്‍ നിന്ന് മുഗള്‍ കാലഘട്ടത്തില്‍ കപ്പലേറി ഹൈദരാബാദില്‍ വന്നിറങ്ങിയ ‘ഹലീം’. ഇറച്ചിയും, ധാന്യങ്ങളും, നെയ്യുമാണ് ഇതിലെ മുഖ്യചേരുവകള്‍. ഇന്ത്യയിലത്തിയപ്പോള്‍ സ്വാഭാവികമായും ഹലീമിന്റെ രൂപത്തില്‍ ചില മാറ്റങ്ങളൊക്കെ വന്നു. നമ്മള്‍ നമ്മുടെ തനത് മസാലകളും മറ്റ് സ്‌പൈസുകളുമെല്ലാം ഇതിലേക്ക് […]

തിരുവനന്തപുരം: നാട്ടിലെ നിയമവും ചട്ടവും ഗവർണർക്ക് ബാധകമല്ലേ? സർക്കാർ ഏറെക്കാലമായി ചോദിക്കുന്ന ചോദ്യമാണിത്. നിയമപ്രകാരം സംസ്ഥാനത്തെ സർവകലാശാലകളുടെ തലവനാണ് ഗവർണർ. ചാൻസലർ എന്ന രീതിയിലുള്ള തന്റെ അധികാരം ഉപയോഗിക്കുന്നത് സർവകലാശാലാ ചട്ടങ്ങൾ പാലിച്ചായിരിക്കണമെന്നു മാത്രം. മുൻപ് ഗവർണർമാർ തങ്ങളുടെ അധികാരപരിധിക്കുള്ളിൽ നിന്നുകൊണ്ട് സർവകലാശാലകളിലെ നിരവധി തെറ്റായ കാര്യങ്ങളിൽ ഇടപെട്ടിട്ടുണ്ട്. മിക്കതിനും കോടതികളുടെയും പൊതു സമൂഹത്തിന്റെയും പിന്തുണ കിട്ടിയിട്ടുമുണ്ട്. എന്നാൽ ഗവർണർ ആരിഫ് മുഹമ്മദ് ഖാൻ സർവകലാശാലാ ചട്ടങ്ങളും നിയമങ്ങളും പാലിക്കാതെ കൈക്കൊള്ളുന്ന തീരുമാനങ്ങൾ ഹൈക്കോടതി തുടരെത്തുടരെ റദ്ദാക്കുകയാണ്. […]

കണ്ണൂർ: ജനവാസമേഖലയിൽ കാട്ടുപന്നികളുടെ ആക്രമണം തുടർക്കഥയാകുകയാണ്. കഴിഞ്ഞദിവസം കണ്ണൂർ, പയ്യന്നൂരിലെ സൂപ്പർമാർക്കറ്റിലേക്ക് പന്നി ഓടിക്കയറി വൻ നാശനഷ്ടങ്ങളാണ് ഉണ്ടാക്കിയത്. സംഭവത്തിൽ സൂപ്പർമാർക്കറ്റിലെ രണ്ട് ജീവനക്കാർക്ക് പരിക്കേൽക്കുകയും ചെയ്തിരുന്നു. കാട്ടുപന്നിയെ തടയാൻ ശ്രമിച്ച രണ്ട് ജീവനക്കാർക്കാണ് പരിക്കേറ്റത്. സൂപ്പർമാർക്കറ്റിലെ നിരവധി വസ്തുക്കൾ പന്നി നശിപ്പിച്ചു. മുൻപും പലവട്ടം കണ്ണൂർ നഗരത്തിലെ വിവിധ സ്ഥാപനങ്ങളിലും ഇത്തരത്തിൽ ആക്രമണം നടന്നിരുന്നു. കഴിഞ്ഞ ദിവസം കാട്ടുപന്നിയുടെ ആക്രമണത്തിൽ ബൈക്ക് യാത്രികന് പരിക്കേറ്റിരുന്നു. സമാനരീതിയിൽ പല ജനവാസ മേഖലകളിലും കാട്ടുപന്നിയുടെ ആക്രമണം കൂടി വരികയാണ്.

തിരുവനന്തപുരം: രാഹുൽഗാന്ധിയെ എം.പി സ്ഥാനത്തുനിന്ന് അയോഗ്യനാക്കിയ കേന്ദ്ര നടപടിയെ നിയമപരമായും രാഷ്ട്രീയമായും നേരിടാനൊരുങ്ങുന്ന കോൺഗ്രസിന് ഊർജ്ജമായി രാജ്യത്തെ നിയമജ്ഞരുടെ അഭിപ്രായങ്ങൾ. എംപിയുടെ അയോഗ്യത തീരുമാനിക്കും മുൻപ് രാഷ്‌ട്രപതിയുടെ തീരുമാനത്തിന് വിടണമെന്ന ചട്ടം പാലിക്കാത്തത് വീഴ്ചയാണെന്ന് നിയമവിദ്ഗദ്ധർ പറയുന്നു. ഇക്കാര്യം കോടതിയിൽ പോയാൽ ലോക്‌സഭാ സെക്രട്ടേറിയറ്റ് ഉത്തരവ് റദ്ദാക്കപ്പെടാമെന്ന് മുൻ ലോക്‌സഭാ സെക്രട്ടറി ജനറൽ പി.ഡി.ടി ആചാരി പറഞ്ഞു. തിടുക്കപ്പെട്ട് ഉത്തരവിറക്കാനായി ഇപ്പോൾ ചട്ടങ്ങൾ അവഗണിച്ചത് രാഹുലിന് കോടതിയിൽ തുണയാവും. ഇപ്പോഴത്തെ അയോഗ്യത രാഹുലിനെ കൂടുതൽ കരുത്തനാക്കിയേക്കാനാണ് സാദ്ധ്യത. […]

ചി​​ങ്ങ​​വ​​നം: യു​​വ​​തി​​യെ പീ​​ഡി​​പ്പി​​ച്ച​​ശേ​​ഷം ജാ​​മ്യ​​ത്തി​​ല്‍ ഇ​​റ​​ങ്ങി മു​​ങ്ങി​​യ പ്ര​​തി​​ അ​​റ​​സ്റ്റിൽ. കു​​റി​​ച്ചി ത​​ട​​ത്തി​​പ്പ​​റ​​മ്പി​​ല്‍ ടി.​​കെ. മോ​​നി​​ച്ച(40)നെ​​യാ​​ണ് അറസ്റ്റ് ചെയ്തത്. ചി​​ങ്ങ​​വ​​നം പൊ​​ലീ​​സ് ആണ് ഇയാളെ അ​​റ​​സ്റ്റ് ചെ​​യ്ത​​ത്. 2016-ല്‍ ആണ് കേസിനാസ്പദമായ സംഭവം. ​​യു​​വ​​തി​​യെ ഭീ​​ഷ​​ണി​​പ്പെ​​ടു​​ത്തി പീ​​ഡി​​പ്പി​​ച്ച കേ​​സി​​ല്‍ പൊലീ​​സ് അ​​റ​​സ്റ്റ് ചെ​​യ്ത ഇ​​യാ​​ൾ പി​​ന്നീ​​ട് കോ​​ട​​തി​​യി​​ല്‍ നി​​ന്നു ജാ​​മ്യ​​ത്തി​​ലി​​റ​​ങ്ങി ഒ​​ളി​​വി​​ല്‍ പോ​​വു​​ക​​യാ​​യി​​രു​​ന്നു. കോ​​ട​​തി​​യി​​ല്‍ നി​​ന്നു ജാ​​മ്യ​​ത്തി​​ലി​​റ​​ങ്ങി ഒ​​ളി​​വി​​ല്‍ക്ക​​ഴി​​യു​​ന്ന പ്ര​​തി​​ക​​ളെ പി​​ടി​​കൂ​​ടാ​​ൻ ജി​​ല്ലാ പൊ​​ലീ​​സ് ചീ​​ഫ് കെ. ​​കാ​​ര്‍ത്തി​​ക് എ​​ല്ലാ സ്റ്റേ​​ഷ​​നു​​ക​​ള്‍ക്കും നി​​ര്‍ദേ​​ശം ന​​ല്‍കി​​യ​​തി​​ന്‍റെ അ​​ടി​​സ്ഥാ​​ന​​ത്തി​​ല്‍ ന​​ട​​ത്തി​​യ […]

ഡൽഹി: ക്രിമിനൽ കേസിൽ ശിക്ഷിക്കപ്പെട്ട് അയോഗ്യനാവുന്ന ആദ്യ നേതാവല്ല രാഹുൽ ഗാന്ധി. അദ്ദേഹത്തിന് മുൻഗാമികളായി ജയലളിത മുതൽ ലാലു പ്രസാദ് വരെയുണ്ട്. രാഹുലിന് വാവിട്ട പ്രസംഗത്തിന്റെ പേരിലാണ് അയോഗ്യതയെങ്കിൽ മറ്റ് നേതാക്കൾക്ക് അയോഗ്യത കിട്ടിയത് അനധികൃത സ്വത്ത് സമ്പാദനം മുതൽ കലാപം വരെയുള്ള കേസുകളിലാണ്. രാഹുൽ ഗാന്ധിക്ക് നേരിട്ടതുപോലെ ക്രിമിനൽ കേസിൽ രണ്ട് വർഷമോ അതിൽ കൂടുതലോ തടവിന് ശിക്ഷിക്കപ്പെട്ട് അയോഗ്യരായവരിൽ ആർ.ജെ.ഡി നേതാവും ബിഹാർ മുഖ്യമന്ത്രിയുമായ ലാലു പ്രസാദ് യാദവ് അടക്കം നിരവധി നേതാക്കളുണ്ട്. കാലിത്തീറ്റ […]

error: Content is protected !!