30
Wednesday November 2022

കരുണയുടെ വാതിലുകൾ

ജോയ് ഡാനിയേല്‍, ദുബായ്
Wednesday, November 13, 2019

ചൂടുള്ള ഒരു പ്രഭാതത്തിൽ ചൂടൻ ജോലിത്തിരക്കിൽ ഓഫീസിലിരിക്കുമ്പോളാണ് അവിചാരിതമെന്നപോലെ ആ വിളികേട്ടത്.

“സാർ”

ഞാൻ കമ്പ്യൂട്ടർ മോണിറ്ററിലെ എക്സെൽ ഷീറ്റിൽനിന്നും കണ്ണുകൾ പറിച്ചെടുത്ത് ആകാശത്തിനിന്നും പൊട്ടിവീണപോലെ മുന്നിൽ വന്നുനിൽക്കുന്ന യുവാവിനെ നോക്കി.

മെല്ലിച്ച ഒരു പയ്യൻ. അവൻ ചിരിക്കുന്നു. ആ ചിരിയിലും മുങ്ങിക്കിടന്നത് ദൈന്യതഭാവം. “സാർ” അവൻ ഒരിക്കൽക്കൂടി വിളിച്ചപ്പോൾ ഞാൻ കാര്യം തിരക്കി. അതിനുത്തരമായി അവൻ തൻറെ കയ്യിലിരുന്ന പ്ലാസ്റ്റിക് ഫോൾഡറിൽ നിന്നും ഒരു സി.വി. എടുത്ത് എൻറെ നേരെ നീട്ടി.

എനിക്ക് നേരെ ആ പേപ്പറുകൾ നീട്ടുമ്പോൾ അവൻറെ കരം വിറയ്ക്കുന്നത് ഞാൻ ശ്രദ്ധിച്ചു. മുങ്ങിത്താഴാൻ പോകുന്നൊരു തോണിയിൽനിന്ന് അവസാന കച്ചിത്തുരുമ്പ് തേടി നീണ്ടുവരുന്ന കരം. കൈകൾ നീട്ടുകയല്ല കൂപ്പുകയാണെന്ന് തോന്നിപ്പോയി.

കരുണമൂർത്തി. തമിഴ്‌നാട്ടിലെ തഞ്ചാവൂർ സ്വദേശി. ബി. ടെക് ഹോൾഡർ. അഞ്ചുവർഷത്തെ പ്രവൃത്തിപരിചയം.അവിവാഹിതൻ. ബിൽഡിങ് മാനെഞ്ച്മെന്റ് സിസ്റ്റം (ബി.എം.എസ്) സ്പെഷ്യലിസ്റ്റ്. സി. വിയിലൂടെ ഞാൻ കണ്ണോടിച്ചു. കാലഹരണപ്പെട്ട അടിയാൻ കുടിയാൻ വ്യവസ്ഥപോലെ മുന്നിൽ നിൽക്കുന്ന കരുണ.

“പ്രൊഫൈൽ കൊള്ളാം. പക്ഷേ ഞാൻ ജോലിചെയ്യുന്നത് പ്രോജക്ട് ഓഫീസിലാണ്, എച്ച്.ആർ ഡിപ്പാർട്ടുമെന്റിൽ അല്ല. രണ്ടാമത്, ഇപ്പോൾ ഇവിടെ ബി.എം.എസിൽ ഒഴിവുകൾ ഇല്ല”

“സാർ, ദയവായി ഇത് എച്ച്. ആറിലേക്ക് ഒന്നയക്കുമോ? എന്ത് ജോലിയായാലും കുഴപ്പമില്ല സാർ. എനിക്ക് ഇനി രണ്ടാഴ്ച്ച കൂടി മാത്രമേ വിസിറ്റ് വിസ ഉള്ളൂ. വീട്ടിലെ അവസ്ഥ ഒത്തിരി കഷ്ടമാണ്. അപ്പയ്ക്കും അമ്മയ്ക്കും ഞാൻ തന്നെ ആശ്രയം. ഒരു ഹെല്പ് ചെയ്യണം സാർ”

കരുണയിൽ നിന്നും കരുണയാചന. ഒറ്റനോട്ടത്തിൽത്തന്നെ ഈ മെല്ലിച്ചപയ്യൻ പറയുന്നത് സത്യമാണെന്ന് എനിക്ക് തോന്നി. അവനെ എങ്ങനെ സഹായിക്കും എന്നൊരു ചിന്തയാൽ ഞാൻ കുഴങ്ങുകയും ചെയ്‌തു.

ചിന്തയുടെ പടുകുഴിയിലെന്നപോലെ ഞാനിരിക്കുന്നത് കണ്ടപ്പോൾ അവൻ വീണ്ടും മുരണ്ടു.

“സാർ, തലവേദനയൊന്നും എടുക്കണ്ട സാർ. സി.വി ഒന്ന് എച്ച്. ആറിൽ അയച്ചാൽ മാത്രം മതി. ബാക്കിയൊക്കെ ദൈവനിശ്ചയം സാർ. കവലപ്പെടാതെ സാർ”

ഞാൻ വ്യർത്ഥമായി ഒന്ന് ചിരിക്കാൻ ശ്രമിച്ചു. തിരികെ ഒരു ചിരി അതുപോലെതന്നെ തന്ന് ഹസ്‌തദാനം നൽകി അവൻ പിരിയുമ്പോൾ എന്നിൽ എന്തോ അകാരണമായ നെഞ്ചിടിപ്പ് ഉയർന്നു. ആരോടൊക്കെയോ പണം കടംവാങ്ങി വിസിസ്റ്റ് വിസ എടുത്ത്, ഏതോ കൂട്ടുകാരൻറെ ദയയിൽ ദുബായിൽ കഴിയുകയാണവൻ.

എഞ്ചിനീയർ ആണെങ്കിലും ക്ലറിക്കൽ പണിവരെ എടുക്കുവാൻ തയ്യാറുമാണ്. തൽകാലം പിടിച്ചുനിൽക്കാൻ ഒരു ജോലി. അതാണ് അവൻറെ ആവശ്യം. പത്ത് വർഷങ്ങൾക്ക് മുമ്പ് ഇതേപോലെ ദിവസങ്ങളോളം ജോലി തെണ്ടി ദുബായിൽ പൊരിവെയിലത്ത് അലഞ്ഞുതിരിഞ്ഞ ദിനങ്ങൾ ഞാനൊന്ന് ഓർത്തുപോയി.

നിരാശയല്ലാതെ ഒന്നും തിരികെ കിടക്കയിലേക്ക് കൊണ്ടുചെന്ന് കിടക്കാൻ ഇല്ലാതിരുന്ന കാലം. അപകർഷതാബോധവും, ഈ ലോകത്ത് ഒരു കീടത്തിൻറെ പോലും വിലയില്ലാത്തവനാണെന്നും ഉള്ള ചിന്തകളും വരിഞ്ഞുമുറുക്കിയ കാലം, പേപ്പർ സർട്ടിഫിക്കറ്റുകളിൽ അക്കങ്ങൾ അക്ഷരങ്ങൾ ഒന്നിച്ച് നിന്ന് കൊഞ്ഞനംകുത്തിയതൊക്കെ ഓർമ്മയിൽ തിരികെ വന്നു.

ഞാൻ അവൻറെ സി. വി. യുടെ ഒരു കോപ്പി എടുത്ത്, ഒറിജിനൽ യെല്ലോ സ്റ്റിക്കറിൽ കുറിപ്പ് ഒട്ടിച്ച്, കവറിലിട്ട് ഹെഡോഫീസ് ട്രയിലേക്ക് തള്ളി. കോപ്പി എൻറെ മേശമേൽ ഗോപുരംപോലെ ഉയർന്നുനിൽക്കുന്ന പേപ്പർ ട്രേയിലേക്ക് ഇട്ടു.

ദിവസങ്ങൾ കഴിഞ്ഞു.

കരുണാമൂർത്തിയുടെ സി. വി. യുടെ മേൽ എൻറെ മേശമേൽ മറ്റുപേപ്പറുകൾ കരുണയില്ലാത്തതുപോലെ കുമിഞ്ഞുകൂടി ശ്വാസം മുട്ടിയ ഒരു ദിവസം സൈറ്റ് എഞ്ചിനീയർ നിഷാന്ത് കേസറി എന്ന ജാർഖണ്ഡുകാരൻ ഓഫിസിൽ വന്ന് നന്നായി ടൈപ്പ് ചെയ്‌ത്‌ മടക്കിയ ഒരു പേപ്പർ എന്റെനേരേ നീട്ടി. ഞാൻ കണ്ണുയർത്തിയപ്പോൾ അവൻ പറഞ്ഞു.

“ജായേഗാ ഭായ്. ബസ്, തഗ് ഗയാ”

നിഷാന്തിനെയും അവൻ തന്ന റെസിഗ്‌നേഷൻ കത്തും ഞാൻ മാറിമാറി നോക്കി. എൻറെ നോട്ടത്തിന്റെ അർത്ഥം മനസ്സിലാക്കിയെന്നോണം അവൻ തുടർന്നു.

“അച്ചാ ഓഫർ മിൽഗയാ ഭായി. ഗുഡ് സാലറി, ഫുൾ ഫാമിലി പാക്കേജ് ഫിർ ക്യാ ചാഹിയെ? സൊ അയാം ലീവിങ് ദ കമ്പനി”

ഇനിയൊരു ബാർഗൈൻ ഇല്ലാത്തമട്ടിൽ അവൻ പ്രോജക്ട് മാനേജരോടും അത് തന്നെ പറഞ്ഞു. കൂടുതൽ ആലോചിക്കാതെ മാനേജർ ആ വിരമിക്കലിൽ ഒപ്പിട്ട് എൻറെ കയ്യിൽ തന്നു, അക്സെപ്റ്റഡ്. ഞാനത് വേഗം സ്‌കാൻ ചെയ്‌ത്‌ ഹെഡ്ഡോഫീസിൽ എച്ച്. ആർ ഡിപ്പാർട്‌മെന്റിലേക്ക് ഇമെയിലും ചെയ്‌ത് ചിന്തിച്ചിരുന്നു.

ഒരു മാസം നോട്ടിസ് പിരീഡ് ഉണ്ടാകും. അപ്പോളാണ് ദിവസങ്ങൾക്ക് മുമ്പ് മുന്നിൽ വന്നുനിന്ന മെലിച്ച തഞ്ചാവൂർ രൂപം മനസ്സിലേക്ക് ഓടിയെത്തിയത്. നിഷാന്ത് ബി.എം.എസ് എഞ്ചിനീയർ, കരുണയും. എന്തുകൊണ്ട് നിശാന്തിന്റെ സ്ഥാനത്ത് കരുണയെ റെക്കമെന്റ് ചെയ്തുകൂടാ? ഉടനെത്തന്നെ ഞാൻ പേപ്പർട്രേയുടെ അഗാതതയിൽനിന്നും സി. വി തപ്പിയെടുത്ത് മാനേജരുടെ മുറിയിലേക്ക് നടന്നു.

“സാർ, നിശാന്തിന്റെ സ്ഥാനത്ത് ഈ യുവാവിനെ എടുത്താൽ…?” മാനേജർ കണ്ണടയ്ക്കിടയിലൂടെ എന്നെ തുറിച്ച് നോക്കി. സി.വിയിലൂടെ ഒരോട്ടപ്രദിക്ഷിണം നടത്തി, പേനകൊണ്ട് എന്തൊക്കെയോ അതിൽ കുറിച്ച് ഓപ്പറേഷൻ മാനേജരെ വിളിച്ചു. ആ സംസാരത്തിന് വിരാമമായപ്പോൾ എന്നോട് പറഞ്ഞു.

“അയാളെ നാളെ ഇന്റർവ്യൂവിന് വിളിക്ക്”

ഞാൻ ഫോൺ വിളിക്കുമ്പോൾ കരുണാമൂർത്തി കരച്ചിലിന്റെ വക്കത്തെത്തിയെന്ന് തോന്നിപോയി. ഇനി ഒരാഴ്ചമാത്രം വിസിറ്റ് വിസ ബാക്കിയായത് കാരണം അവസാന ശ്രമം എന്ന നിലയിൽ അവൻ അബുദാബിയിലെ ഒരു കൂട്ടുകാരൻറെ റൂമിൽ താമസിച്ച് അവിടെ ജോലി അന്വേഷണത്തിലായിരുന്നു. ഒരിക്കൽ കൂടി വിസിറ്റ് വിസ പുതുക്കാൻ പണം ഇല്ല.

“റൊമ്പ നൻറി സാർ”

അടുത്തദിവസം ഇന്റർവ്യൂ. മുമ്പ് കണ്ടതിനേക്കാൾ അവൻ മെലിച്ചുപോയി. കണ്ണുകൾ കൂടുതൽ ആർദ്രവും ദയനീയവും. എങ്കിലും മാനേജരും ഓപ്പറേഷൻ മാനേജരും ചേർന്ന് നടത്തിയ ഇന്റർവ്യൂ ആ മിടുക്കൻ പാസ്സായി. വൈകാതെ ‘സെലെക്റ്റഡ്’ എന്ന് മാർക്ക് ചെയ്‌ത ഇന്റർവ്യൂ അസ്സെസ്സ്മെന്റ് ഫോം ഹെഡ്ഡോഫീസിലേക്ക് അയച്ചുകൊടുത്തു. അടുത്ത ദിവസം എച്ച് ആർ ഇന്റർവ്യൂ, സാലറി നെഗോഷിയേഷൻ അവസാനം അപ്പോയ്ന്റ്മെന്റ് ലെറ്റർ.

എൻറെ കമ്പനിയിൽ, എൻറെ പ്രൊജക്ടിൽ തന്നെ ജോലിക്കാരനായി വിസിറ്റ് വിസ കഴിയുന്നതിന് മുമ്പ് തന്നെ കരുണ ജോയിൻ ചെയ്‌തു. പ്രോജക്റ്റ് ഇൻഡക്ഷൻ കൊടുക്കാനും, ടീമിനെ പരിചയപ്പെടുത്താനും കൂട്ടികൊണ്ടുപോകുമ്പോൾ അവൻ എൻറെ കയ്യിൽ കയറിപ്പിടിച്ചു. ഞാൻ ആ കണ്ണുകളിലേക്ക് നോക്കി. കണ്ണുകൾ സജലങ്ങളാകുന്നതും, അതിൽ അലയാഴി ഉയരുന്നതും കണ്ടു. ഗദ്ഗദമാർന്ന വാക്കുകൾ ഞാൻ കേട്ടു.

“റൊമ്പ നൻറി സാർ”

ഞാൻ അവന്റെ ചുമലിൽ തൊട്ടു. അവനെന്നെ ആലിംഗനം ചെയ്‌തു. ഒരു കുടുംബത്തിൻറെ മുഴുവൻ അത്താണിയാണ് എൻറെ ചുമലിൽ നിറകണ്ണുകളോടെ ചാഞ്ഞുകിടക്കുന്നത്.

“ഈസി മാൻ, ഇറ്റ്സ് കാൾഡ് ഫെയ്റ്റ്. വീ ആർ ഒൺലി ടൂൾസ്”

നാല് വർഷങ്ങൾക്ക് ശേഷം, കമ്പനിയിൽ രണ്ട് യു.എ.ഇ ലേബർ കൊണ്ട്ട്രാക്റ്റ് പൂർത്തിയാക്കിയശേഷം ഇന്ന് കരുണമൂർത്തി തൻറെ രാജിക്കത്ത് എനിക്ക് നേരെ നീട്ടുമ്പോൾ ഞാൻ ചിരിച്ചു. അവൻറെ മുഖത്ത് നിഷാന്ത് കേസറി എന്ന ജാർഖണ്ഡുകാരൻ എഞ്ചിനീയറുടെ അതേ ചിരി തേടുകയായിരുന്നു ഞാൻ. തൻറെ പേപ്പർ തന്ന് മുപ്പത് ദിവസത്തെ നോട്ടീസ് പീരീഡ്‌ മനസ്സിലിട്ട് അമ്മാനമാടി കരുണമൂർത്തി തിരികെ നടക്കുമ്പോൾ എന്നെ തിരിഞ്ഞു നോക്കി പറഞ്ഞു.

“റൊമ്പ നൻറി സാർ”

ഞാൻ അവൻറെ മുഖത്തേക്ക് സൂക്ഷിച്ച് നോക്കി. പക്ഷേ കാതുകൾ അവനെ കേട്ടില്ല. അത് പുതിയൊരു കരുണയുടെ കാലൊച്ച തേടുകയായിരുന്നു.

More News

കൊച്ചി: ദൈന്യത, അഗണന, പോരാട്ടം, ശാക്തീകരണം…നാല് രാജ്യങ്ങളിൽ നിന്നായി 52 ചിത്രകാരൻമാരുടെ 71 ചിത്രങ്ങളിൽ തെളിയുന്നത് മത്സ്യമേഖലയിലെ സ്ത്രീകളുടെ നേർചിത്രം. ബേ ഓഫ് ബംഗാൾ പ്രോഗ്രാം ഇന്റർഗവൺമെന്റൽ ഓർഗനൈസേൻ (ബിഒബിപി) പുറത്തിറക്കിയ ‘വേവ്‌സ് ഓഫ് ആർട്’ ചിത്രസമാഹരത്തിലാണ് മത്സ്യമേഖലയിലെ സ്ത്രീകളുടെ പങ്ക് വെളിപ്പെടുത്തുന്ന ജീവൻതുടിക്കുന്ന ചിത്രങ്ങൾ ഇടംപിടിച്ചത്. ഇന്ത്യ, ശ്രീലങ്ക, ബംഗ്ലാദേശ്, മാലിദ്വീപ് എന്നീ നാല് രാജ്യങ്ങളിലെ മത്സ്യമേഖലയിലെ സ്ത്രീകളുടെ ജീവിതമാണ് ‘വേവ്‌സ് ഓഫ് ആര്ട്’ ചിത്രസമാഹാരത്തിലുള്ളത്. വേമ്പനാട് കായൽ ഉൾപ്പെടെയുള്ള ഉൾനാടൻജലാശയങ്ങളിലെ മത്സ്യബന്ധനം, മത്സ്യകൃഷി, മത്സ്യസംസ്‌കരണം, […]

മണ്ണാർക്കാട്: ഭിന്നശേഷിക്കാരുടെ ക്ഷേമത്തിനും വികസനത്തിനുമുള്ള പദ്ധതി പ്രവർത്തനങ്ങൾ സമൂഹത്തെ ഓർമ്മിപ്പിക്കുക എന്ന ലക്ഷ്യത്തോടെ ഡിസബർ 3 ഭിന്നശേഷിദിനത്തിൽ വ്യത്യസ്ത പരിപാടികൾ നടത്തുമെന്ന് എടത്തനാട്ടുകര അഭയം ചാരിറ്റബിൾ ട്രസ്റ്റ് ഭാരവാഹികൾ പത്രക്കുറിപ്പിൽ അറിയിച്ചു. എടത്തനാട്ടുകര ചിരട്ടക്കുളം എ സി ടി വൊക്കേണൽ സ്പെഷ്യൽ സ്കൂൾ സ്കൂളിൽ ഭിന്നശേഷിക്കാരായ ശലഭങ്ങളുടെ കലാവിരുന്ന് സാഹിത്യ-കവി അരങ്ങ് ,എന്നിവ നടത്താൻ തീരുമാനിച്ചു. പരിപാടിയിൽ ജനപ്രതിനിധികൾ,അമൃത&ഫ്ലവർസ് ടീവി ചാനൽ ഫെയിം കോമഡി താരം വിഷ്ണു അലനല്ലൂർ,ഡീൽ അക്കാദമി വിദ്യാർത്ഥികൾ, ഭാരതീയ ദളിത്‌ സാഹിത്യ അക്കാദമി […]

ന്യൂഡൽഹി: ന്യൂസീലൻഡിനെതിരായ മൂന്നാം ഏകദിനത്തിലും മലയാളി താരം സഞ്ജു സാംസൺ പ്ലേയിങ് ഇലവനിൽ ഉൾപ്പെടാതിരുന്നതോടെ ടീം മാനേജ്മെന്റിനും ബിസിസിഐക്കുമെതിരെ വീണ്ടും ആരാധകരോഷം. രണ്ടാം ഏകദിനത്തിൽ സഞ്ജുവിനെ ഒഴിവാക്കിയതിനെതിരെ വ്യാപക വിമർശനമുയർന്നതോടെ അടുത്ത മത്സരത്തിൽ ഉൾപ്പെടുത്തുമെന്ന് പ്രതീക്ഷിച്ചിരുന്നു. പക്ഷേ ഓൾറൗണ്ടറായ ദീപക് ഹൂഡയ്ക്ക് വീണ്ടും അവസരം നൽകാൻ തീരുമാനിച്ചതോടെ സഞ്ജു പുറത്താകുകയായിരുന്നു. എന്നാൽ ബാറ്റിങ്ങിൽ ദീപക് ഹൂഡയും നാലമാനായി ഇറങ്ങിയ വിക്കറ്റ് കീപ്പർ ഋഷഭ് പന്തും ഇന്നും നിരാശപ്പെടുത്തിയതോടെയാണ് സഞ്ജുവിനായി വീണ്ടും മുറവിളി ഉയരുകയാണ്. കോൺഗ്രസ് നേതാവും തിരുവനന്തപുരം […]

തിരുവനന്തപുരം: ഫുട്‌ബോള്‍ ലോകകപ്പ് ആരാധന കൊണ്ടുള്ള ആഘോഷങ്ങള്‍ കുട്ടികളുടെ മനസ്സുകളില്‍ ആഘാതമാകരുതെന്ന് കേരള പൊലീസ്. ഫേസ്ബുക്കിലൂടെയാണ് കേരള പൊലീസിന്റെ അഭിപ്രായ പ്രകടനം. ‘അതിരു കടക്കുന്ന ആരാധന പലപ്പോഴും അപകടകരമായ അവസ്ഥകളിലേക്ക് നീങ്ങുന്നത് നാം കണ്ടിട്ടുണ്ട്. തോല്‍വികളെ പക്വതയോടെ സ്വീകരിക്കാന്‍ ഒരു പക്ഷെ മുതിര്‍ന്നവര്‍ക്കാകും. പക്ഷെ.. നമ്മുടെ കുഞ്ഞുങ്ങള്‍.. അവര്‍ക്ക് ചിലപ്പോള്‍ തോല്‍വികളെ ഉള്‍ക്കൊള്ളാനായെന്നു വരില്ല. ആ അവസ്ഥയില്‍ അവരെ കളിയാക്കാതെ ചേര്‍ത്ത് പിടിക്കുക. തോല്‍വി ജയത്തിന്റെ മുന്നോടിയാണെന്നത് അവരെ ബോധ്യപ്പെടുത്തുക’. എന്നാണ് കേരള പൊലീസ് കുറിച്ചത്.

പാലക്കാട്: കാർഷിക മേഖല കൂടുതൽ ശക്തിപ്പെടണമെങ്കിൽ വിവിധ തലത്തിലുളള ഏകികരണം അനിവാര്യമാണെന്ന് ജില്ലാ പഞ്ചായത്ത് പ്രസിഡണ്ട് കെ. ബിനുമോൾ. നിലവിലുള്ള കൃഷിഭൂമി നിലനിർത്താനാവശ്യമായ നടപടികളാണ് സർക്കാർ സ്വീകരിക്കുന്നതെന്നും കെ.ബിനു മോൾ. കണ്ണാടി ചെമ്മൻകാട് ലിഫ്റ്റ് ഇറിഗേഷൻ പദ്ധതി ഉദ്ഘാടനം ചെയ്ത് സംസാരിക്കുകയായിരുന്നു. കെ. ബിനുമോൾ. ലാഭം നോക്കാതെ പാരമ്പര്യസ്വത്ത് എന്ന നിലക്കാണ് കർഷകർ കൃഷിയെ കാണുന്നത്. കൃഷി വ്യവസായ അടിസ്ഥാനത്തിൽ വികസിപ്പിക്കുന്നതിനാണ് സർക്കാർ ഊന്നൽ നൽകുന്നത്. കൃഷി സംരക്ഷിക്കപ്പെടേണ്ടതും പ്രോത്സാഹിപ്പിക്കപ്പെടേണ്ടതും കാലഘട്ടത്തിന്റെ അനിവാര്യതയാണന്നും കെ. ബിനുമോൾ പറഞ്ഞു. […]

സിനിമകള്‍ വിജയം നേടിയാല്‍ നിര്‍മ്മാതാക്കള്‍ ആഢംബര വാഹനങ്ങള്‍ സംവിധായകന് സമ്മാനമായി നല്‍കുന്ന രീതിയുണ്ട്. ലവ് ടുഡേ സിനിമയുടെ സംവിധായകനായ പ്രദീപ് രംഗനാഥനും ആദ്യ സിനിമയുടെ വിജയത്തിനു ശേഷം നിര്‍മാതാവൊരു കാര്‍ സമ്മാനിച്ചിരുന്നു. എന്നാല്‍ അത് സ്വീകരിക്കാന്‍ പ്രദീപ് തയാറായില്ല. കാറിന് പകരം പണം തന്നാല്‍ മതിയെന്നായിരുന്നു നിര്‍മാതാവിനോട് പ്രദീപ് പറഞ്ഞത്. പണത്തോടുള്ള ആര്‍ത്തി കാരണമായിരുന്നില്ല അത് അന്ന് ആ കാറില്‍ പെട്രോള്‍ അടിക്കാന്‍ പോലും കയ്യില്‍ പണമില്ലാത്തത് കാരണമാണ് അങ്ങനെ ചെയ്തത്. സിനിമ ചെയ്യുന്നത് ആത്മസംതൃപ്തിക്ക് വേണ്ടിയാണെന്നും […]

കൊച്ചി : മലബാർ സിമന്റ്സ് കമ്പനി സെക്രട്ടറിയായിരുന്ന ശശീന്ദ്രന്റെയും മക്കളുടെയും മരണത്തിൽ തുടരന്വേഷണത്തിന് ഹൈക്കോടതി ഉത്തരവ്. സംശയാസ്പദമായ എല്ലാ സാഹചര്യവും പരിശോധിക്കണമെന്നും കൊലപാതക സാധ്യതയടക്കം വിശദമായി പരിശോധിക്കണമെന്നും കോടതി നിർദ്ദേശിച്ചു. നാലുമാസത്തിനുളളിൽ സിബിഐ അന്വേഷണം പൂ‍ർത്തിയാക്കണമെന്നും ഹൈക്കോടതി ഉത്തരവിട്ടു. കേസിൽ നേരത്തെ സിബിഐ രണ്ടുതവണ തുടരന്വേഷണം നടത്തിയിരുന്നു. ശശീന്ദ്രന്റെയും മക്കളുടേതും ആത്മഹത്യയെന്നായിരുന്നു സിബിഐയുടെ നേരത്തേയുളള കണ്ടെത്തൽ. ശശീന്ദ്രനെയും (46) മക്കളായ വിവേക് (10), വ്യാസ് (എട്ട്) എന്നിവരെയും 2011 ജനുവരി 24 നു രാത്രിയാണു കഞ്ചിക്കോട് കുരുടിക്കാട്ടെ […]

പ്രേമത്തിന് ശേഷം ഏഴ് വര്‍ഷത്തെ ഇടവേള കഴിഞ്ഞ് അല്‍ഫോണ്‍സ് പുത്രന്‍ സംവിധാനം ചെയ്യുന്ന ചിത്രമാണ് ഗോള്‍ഡ്. പൃഥ്വിരാജും നയന്‍താരയും ഒന്നിക്കുന്ന ഗോള്‍ഡില്‍ വന്‍ പ്രതീക്ഷകളാണ് ആരാധകര്‍ക്ക്. ഇപ്പോള്‍ പൃഥ്വിരാജിന്റെ കരിയറിലെ തന്നെ ഏറ്റവും ഉയര്‍ന്ന പ്രീ റിലീസ് ബിസിനസ് സ്വന്തമാക്കിയിരിക്കുകയാണ് ഗോള്‍ഡ്. അമ്പത് കോടിയലധികം രൂപയാണ് ചിത്രം പ്രീ റിലീസ് ബിസിനസ് വഴി സ്വന്തമാക്കിയത്. നാളെയാണ് ചിത്രം (ഡിസംബര്‍ 1) തിയേറ്ററുകളിലെത്തുന്നത്. ലോകമെമ്പാടുമുള്ള 1300കളിലധികം സ്‌ക്രീനുകളില്‍ എത്തുന്ന ചിത്രം പൃഥ്വിരാജിന്റെ ഏറ്റവും വലിയ റിലീസാണ്. ആറായിരത്തിലധികം ഷോകളായിരിക്കും […]

പത്തനംതിട്ട: ഇളമണ്ണൂരിൽ ഓടികൊണ്ടിരുന്ന ടിപ്പർ ലോറിക്ക് തീപിടിച്ചു. ഇളമണ്ണൂർ ടാർ മിക്സിങ്ങ് പ്ലാന്‍റില്‍ നിന്ന് കരുനാഗപ്പള്ളിയിലേക്ക് സാധനങ്ങളുമായി പോയ വാഹനമാണ് കത്തിയത്. ഡീസൽ ടാങ്കിന്‍റെ ഭാഗത്ത് നിന്ന് പുക വരുന്നത് കണ്ട് ഡ്രൈവറും സഹായിയും ലോറിയിൽ നിന്നും ചാടി രക്ഷപെട്ടത് കൊണ്ട് ആളപായം ഒഴിവായി. ഓയിൽ ടാങ്ക് പൊട്ടിയതാണ് തീ പിടിക്കാൻ കാരണമെന്നാണ് നിഗമനം. അടൂരിൽ നിന്നുള്ള രണ്ട് യൂണിറ്റ് ഫയർ ഫോഴ്സ് എത്തിയാണ് തീ പൂർണമായും അണച്ചത്.

error: Content is protected !!