പ്രായക്കൂടുതല് തോന്നുന്നത് പലരുടെയും പ്രശ്നമാണ്. ചര്മ്മത്തില് ഉണ്ടാകുന്ന പ്രശ്നങ്ങളാണ് പ്രധാനമായും പ്രായക്കൂടുതല് തോന്നാന് കാരണമാകുന്നത്. ചര്മ്മ സംരക്ഷണത്തിനുള്ള കാര്യങ്ങള് നമ്മുടെ വീട്ടില്ത്തന്നെ ചെയ്യാവുന്നതാണ്.
തൈരിലെ ലാക്ടിക് ആസിഡിന്റെ സാന്നിധ്യം ചർമ കോശങ്ങളെ സജീവമാക്കാൻ സഹായിക്കും. തൈര് മുഖത്ത് പുരട്ടി 20 മിനിറ്റിന് ശേഷം കഴുകി കളയാം.
ഒലിവ് ഓയിലും തേനും ലയിപ്പിക്കുക. ഇൗ മിശ്രിതം ചർമത്തിൽ തേച്ചുപിടിപ്പിക്കുക. പത്ത് മുതൽ 15 മിനിറ്റ് വരെ സമയത്തിന് ശേഷം കഴുകി കളഞ്ഞശേഷം തുടക്കുക. ഒലിവ് ഒായിലും തേനും പോഷകസമൃദ്ധവും പ്രായമാകുന്നതിനെ പ്രതിരോധിക്കാൻ കഴിയുന്നവയുമാണ്. ഒലിവ് ഓയിൽ ചർമ സംരക്ഷണത്തിനുള്ള മികച്ച വഴിയാണ്.
ഉലുവ നന്നായി പൊടിച്ചത് കുഴമ്പുരൂപത്തിലാക്കി മുഖത്ത് പുരട്ടുക. രാത്രി കാലങ്ങളിൽ ഇത് ആവർത്തിച്ചാൽ മികച്ച ഫലം ലഭിക്കും. ഉലുവ നിർജീവമായ ചർമ കോശങ്ങളെ പുനരുജ്ജീവിപ്പിക്കാൻ സഹായിക്കും.
പപ്പായയുടെ കുഴമ്പുരൂപത്തിലാക്കി മുഖത്ത് 20 മിനിറ്റ് നേരത്തേക്കോ ഉണങ്ങുന്നത് വരെയോ തേച്ചുപിടിപ്പിക്കുക. പിന്നീട് തണുത്ത വെള്ളത്തിൽ കഴുകി തുടച്ചുകളയുക. പപ്പായയിൽ ചർമത്തെ പ്രായം തോന്നിക്കുന്നതിൽ നിന്ന് തടയുന്ന രാസസംയുക്തങ്ങൾ അടങ്ങിയിട്ടുണ്ട്. വരണ്ട ചർമത്തെ ഇൗർപ്പമുള്ളതാക്കി നിലനിർത്താനും ഇത് സഹായിക്കുന്നു. മുഖത്തെ അമിത രോമ വളർച്ചയെയും ഇത് തടയുന്നു.
അമിതമായി സൂര്യപ്രകാശമേൽക്കുന്നത് ചർമ്മത്തിന്റെ ഇലാസ്റ്റികത നഷ്ടപ്പെടുത്തുകയും പ്രായം തോന്നിക്കാൻ കാരണമാവുകയും ചെയ്യുന്നു. ഇത് ചർമ്മത്തിൽ ചുളിവുകൾ പ്രത്യക്ഷപ്പെടാൻ ഇടയാക്കും. പുറത്തേക്ക് പോകുമ്പോൾ പരമാവധി സൂര്യതാപമേൽക്കുന്നത് ഒഴിവാക്കാൻ ശ്രമിക്കണം.