കുവൈറ്റ് സിറ്റി: കുവൈറ്റില്‍ കൊവിഡ് ബാധിതരുടെ എണ്ണം 188024 ആയി. ഇന്ന് 1019 പേര്‍ക്കാണ് രോഗം സ്ഥിരീകരിച്ചത്. പുതിയതായി അഞ്ചു മരണം റിപ്പോര്‍ട്ട് ചെയ്തു. ഇതോടെ ആകെ മരണസംഖ്യ 1067 ആയി ഉയര്‍ന്നു. 24 മണിക്കൂറിനിടെ 971 പേര്‍ കുവൈറ്റില്‍ കൊവിഡ് മുക്തരായി.

ഇതുവരെ 176019 പേരുടെ രോഗം ഭേദമായിട്ടുണ്ട്. 10938 പേര്‍ നിലവില്‍ ചികിത്സയിലാണ്. ഇതില്‍ 152 പേരുടെ നില ഗുരുതരമാണ്. പുതിയതായി 9036 പേര്‍ക്ക് കൊവിഡ് പരിശോധന നടത്തി. ഇതുവരെ ആകെ 1764536 പരിശോധനകള്‍ നടത്തിയിട്ടുണ്ട്.