മരം മുറി കേസ് പ്രതി സി പി എം നേതാവ് റിമാൻഡിൽ

ചേലക്കര: റവന്യു പട്ടയഭൂമിയിൽ നിന്നും അനധികൃതമായി മരം മുറിച്ചുകടത്തിയ കേസില്‍ സി.പി.എം ലോക്കൽ കമ്മിറ്റി അംഗം പുലാക്കോട് കുട്ടാടൻ കുന്നത്തുപീടിക യിൽ ഹംസ (47) റിമാൻഡ് ചെയ്തു.

ക്രൈംബ്രാഞ്ച് നിര്‍ദ്ദേശപ്രകാരം ചേലക്കര പോലീസ് അറസ്റ്റ് ചെയ്തത്. പുലാക്കോട്, പനംകുറ്റി പ്രദേശത്തുനിന്നും അനധികൃതമായി മരം മുറിച്ച് കടത്തിയ കേസിലാണ് ഹംസയെ പിടികൂടിയത്. അനധികൃത തടികടത്തു കേസില്‍ ഇടനിലക്കാരനായി പ്രവര്‍ത്തിച്ചതിനാണ് ഹംസയെ അറസ്റ്റ് ചെയ്തത്.

അനധികൃത തടി കടത്തു കേസിൽ എളനാട് ഫോറസ്റ്റ് സ്റ്റേഷനിലും ഹംസയ്ക്കെതി രെ കേസ് നിലവിലുണ്ട്, ക്രൈംബ്രാഞ്ച് എസ്.പി. സുദര്‍ശന്റെ നേതൃത്വത്തിലാണ് അറസ്റ്റ്. വടക്കാഞ്ചേരി കോടതിയില്‍ ഹാജരാക്കി പ്രതിയെ റിമാന്‍ഡ് ചെയ്തു. അറസ്റ്റ് സംബന്ധിച്ച വിവരങ്ങൾ നൽകാൻ ചേലക്കര പോലീസ് തയ്യാറായില്ല.