ഫിറ്റ്‌നസ് ലെവലും, ഓഫ് ഫീൽഡ് പെരുമാറ്റവും മോശം! സർഫറാസ് ഖാനെ ഇന്ത്യൻ ടീമിൽ പരിഗണിക്കാത്തതിന്റെ കാരണങ്ങൾ വെളിപ്പെടുത്തി ബിസിസിഐ

ഡൽഹി: വെസ്റ്റ് ഇൻഡീസ് പര്യടനത്തിനുള്ള ഇന്ത്യൻ ടീമിൽ സർഫറാസ് ഖാനെ ഉൾപ്പെടുത്താത്തതിന് പിന്നിലെ കാരണങ്ങൽ വെളിപ്പെടുത്തി ബി സി സി ഐ. സർഫറാസിന്റെ ഫിറ്റ്‌നസ് ലെവലും, ഓഫ് ഫീൽഡ് പെരുമാറ്റവും ആണ് തീരുമാനത്തെ സ്വാധീനിച്ചത് എന്നാണ് ബി സി സി ഐ ഉദ്യോ​ഗസ്ഥൻ പറയുന്നത്.

“സർഫറാസിനെ ഒഴിവാക്കിയതിൽ ഉള്ള പ്രതികരണങ്ങൾ മനസ്സിലാക്കാവുന്നതേയുള്ളൂ, പക്ഷേ സർഫറാസ് വീണ്ടും വീണ്ടും അവഗണിക്കപ്പെടുന്നതിന് പിന്നിലെ കാരണം ക്രിക്കറ്റ് മാത്രമല്ലെന്ന് എനിക്ക് ഉറപ്പോടെ പറയാൻ കഴിയും. അദ്ദേഹത്തെ പരിഗണിക്കാത്തതിന് നിരവധി കാരണങ്ങളുണ്ട്,” ബിസിസിഐ ഒഫീഷ്യൽ പറഞ്ഞു.

“തുടർച്ചയായ സീസണുകളിൽ 900-ലധികം റൺസ് നേടിയ ഒരു കളിക്കാരനെ പരിഗണിക്കാത്ത സെലക്ടർമാർ വിഡ്ഢികളാണോ? അന്താരാഷ്ട്ര നിലവാരം പുലർത്താത്ത അദ്ദേഹത്തിന്റെ ശാരീരികക്ഷമതയാണ് ഒരു കാരണം.”

“അയാൾ കഠിനാധ്വാനം ചെയ്യേണ്ടതുണ്ട്, ഒരുപക്ഷേ ശരീരഭാരം കുറയ്ക്കുകയും മെലിഞ്ഞും ഫിറ്ററുമായി തിരിച്ചുവരുകയും ചെയ്യാം, കാരണം ബാറ്റിംഗ് ഫിറ്റ്നസ് മാത്രമല്ല തിരഞ്ഞെടുക്കാനുള്ള ഏക മാനദണ്ഡം,” ബി സി സി ഐ ഒഫീഷ്യൽ കൂട്ടിച്ചേർത്തു.

“ഫീൽഡിലും പുറത്തും അദ്ദേഹത്തിന്റെ പെരുമാറ്റം നല്ലതല്ല. കുറച്ചുകൂടി അച്ചടക്കത്തോടെയുള്ള സമീപനം വേണം. സർഫറാസും ഒപ്പം അദ്ദേഹത്തിന്റെ പിതാവും പരിശീലകനുമായ നൗഷാദ് ഖാനുൻ ആ കാര്യങ്ങളിൽ പ്രവർത്തിക്കണം,” മുതിർന്ന ഉദ്യോഗസ്ഥൻ കൂട്ടിച്ചേർത്തു.