ടെസ്റ്റ് അ​ര​ങ്ങേ​റ്റം ​ഗംഭീരം! നൂറടിച്ച് ജ​യ്സ്വാ​ളും രോ​ഹി​ത്തും

ഡൊ​മി​നി​ക്ക: വെ​സ്റ്റ് ഇ​ൻ​ഡീ​സി​നെ​തി​രാ​യ ടെസ്റ്റിൽ സെഞ്ചുറിയടിച്ച് ക്യാപ്റ്റൻ രോഹിത് ശർമയും ഓ​പ്പ​ണ​ർ യ​ശ​സ്വി ജ​യ്സ്വാ​ളും. ജയ്സ്വാളിന്റെ രാ​ജ്യാ​ന്ത​ര ടെ​സ്റ്റ് ക്രി​ക്ക​റ്റ് അ​ര​ങ്ങേ​റ്റം സെഞ്ചുറിയോടെ ​ഗംഭീരമാക്കി.

215 പ​ന്തി​ൽ​നി​ന്നാ​ണ് ജ​യ്സ്വാൾ സെ​ഞ്ചു​റി ക​ട​ന്ന​ത്. ജ​യ്സ്വാ​ളി​നു ഉ​റ​ച്ച പി​ന്തു​ണ ന​ൽ​കി​യ നാ​യ​ക​ൻ രോ​ഹി​ത്ത് ശ​ർ​മ്മ​യും സെ​ഞ്ചു​റി കു​റി​ച്ചു. രോ​ഹി​ത് ശ​ർ​മ 221 പ​ന്തി​ൽ 103 റ​ണ്‍​സെ​ടു​ത്ത് പു​റ​ത്താ​യി. അ​ലി​ക് അ​ഥാ​ന​സി​നാ​ണ് വി​ക്ക​റ്റ്. ആറ് റൺസ് നേടിയ ശുഭ്മാൻ ഗില്ലിനെയും ഇന്ത്യയ്ക്ക് നഷ്ടമായി. ടീ ബ്രേക്കിന് പിരിയുമ്പോൾ 242-2 എന്ന നിലയിലാണ് ഇന്ത്യ.

വി​ക്ക​റ്റ് ന​ഷ്ട​മി​ല്ലാ​തെ 80 റ​ണ്‍​സ് എ​ന്ന നി​ല​യി​ൽ ര​ണ്ടാം​ദി​നം ഒ​ന്നാം ഇ​ന്നിം​ഗ്സ് പു​ന​രാ​രം​ഭി​ച്ച ഇ​ന്ത്യ മി​ക​ച്ച ബാ​റ്റിം​ഗു​മാ​യാണ് മു​ന്നോ​ട്ടു​നീ​ങ്ങി​യ​ത്.

ടോ​സ് നേ​ടി ബാ​റ്റിം​ഗി​നി​റ​ങ്ങി​യ വെ​സ്റ്റ് ഇ​ൻ​ഡീ​സി​ന്‍റെ ഒ​ന്നാം ഇ​ന്നിം​ഗ്സ് 64.3 ഓ​വ​റി​ൽ 150ൽ ​അ​വ​സാ​നി​ച്ചു. 24.3 ഓ​വ​റി​ൽ 60 റ​ണ്‍​സ് വ​ഴ​ങ്ങി അ​ഞ്ചു വി​ക്ക​റ്റ് വീ​ഴ്ത്തി​യ ആ​ർ. അ​ശ്വി​നാ​ണ് വി​ൻ​ഡീ​സി​നെ ചു​രു​ട്ടി​ക്കെ​ട്ടി​യ​ത്.

ര​വീ​ന്ദ്ര ജ​ഡേ​ജ മൂ​ന്നും മു​ഹ​മ്മ​ദ് സി​റാ​ജ്, ഷാ​ർ​ദു​ൾ ഠാ​ക്കൂ​ർ എ​ന്നി​വ​ർ ഓ​രോ വി​ക്ക​റ്റ് വീ​ത​വും സ്വ​ന്ത​മാ​ക്കി. അ​ലി​ക് അ​ഥാ​ന​സാ​ണ് (47) വി​ൻ​ഡീ​സ് ഒ​ന്നാം ഇ​ന്നിം​ഗ്സി​ലെ ടോ​പ് സ്കോ​റ​ർ.