രണ്ടാഴ്ച നിര്‍ണായകം; രോഗവ്യാപനം കൂടിയാല്‍ കുവൈറ്റില്‍ വീണ്ടും ഭാഗിക കര്‍ഫ്യൂ ഏര്‍പ്പെടുത്തിയേക്കാം

കുവൈറ്റ് സിറ്റി: കുവൈറ്റില്‍ ഇന്ത്യയില്‍ കണ്ടെത്തിയ കൊറോണ വൈറസ് വകഭേദം ബാധിച്ചവരുടെ എണ്ണം വളരെ കുറവാണെന്നും, സ്ഥിതിഗതികള്‍ നിയന്ത്രണത്തിലാണെന്നും അധികൃതര്‍ വ്യക്തമാക്കി.

എന്നാല്‍ അടുത്ത രണ്ടാഴ്ചയ്ക്കുള്ളില്‍ ഇത്തരത്തില്‍ കേസുകള്‍ വര്‍ധിച്ചാല്‍ ഭാഗിക കര്‍ഫ്യൂ വീണ്ടും ഏര്‍പ്പെടുത്താന്‍ സാധ്യതയുണ്ടെന്ന് ബന്ധപ്പെട്ട വൃത്തങ്ങളെ ഉദ്ധരിച്ച് പ്രാദേശികപത്രം റിപ്പോര്‍ട്ട് ചെയ്തു. ഇന്ത്യ, ബഹ്‌റൈന്‍ എന്നിവിടങ്ങളില്‍ നിന്ന് വന്നവരിലാണ് വകഭേദം സംഭവിച്ച വൈറസ് സാന്നിധ്യം കണ്ടെത്തിയതെന്നും റിപ്പോര്‍ട്ടില്‍ പറയുന്നു.