തന്നെ അറസ്റ്റു ചെയ്താലും 2024ലെ ലോക്സഭാ തിരഞ്ഞെടുപ്പില്‍ ഡല്‍ഹിയില്‍ ആം ആദ്മി പാര്‍ട്ടി (എഎപി) വിജയിക്കുമെന്ന് ഡല്‍ഹി മുഖ്യമന്ത്രി അരവിന്ദ് കെജ്രിവാള്‍. ജയിലില്‍ പോകുന്നതില്‍ ഭയമില്ലെന്നും അദ്ദേഹം പറഞ്ഞു. ഡല്‍ഹിയിലെ ത്യാഗരാജ് സ്റ്റേഡിയത്തില്‍ നടന്ന എഎപി പ്രവര്‍ത്തക സമ്മേളനത്തെ അഭിസംബോധന ചെയ്തുകൊണ്ട് സംസാരിക്കവെയാണ് കെജ്രിവാളിന്റെ പ്രതികരണം.
''ഒരു വിപ്ലവകാരിക്ക് ജയില്‍ ഭൂഷണമാണ്, ഞാന്‍ ഏകദേശം 15 ദിവസത്തോളം ജയിലില്‍ കിടന്നു, അത് എന്നില്‍ ഒരു മാറ്റവും വരുത്തിയില്ല. കാരണം ഞങ്ങള്‍ക്ക് അധികാരത്തോട് അത്യാര്‍ത്തിയില്ല.'- അദ്ദേഹം പറഞ്ഞു. മുഖ്യമന്ത്രി പദത്തോട് തനിക്ക് മോഹമൊന്നുമില്ലെന്നും ഒരുപക്ഷേ 49 ദിവസത്തിന് ശേഷം ആരും ആവശ്യപ്പെടാതെ രാജിവച്ച ലോകത്തിലെ ആദ്യത്തെ മുഖ്യമന്ത്രി ഞാനായിരിക്കുമെന്നും കെജ്രിവാള്‍ കൂട്ടിച്ചേര്‍ത്തു.
നഗരത്തിലെ എല്ലാ വീടുകളും സന്ദര്‍ശിച്ച്, താന്‍ ജയിലില്‍ നിന്ന് മുഖ്യമന്ത്രിയായി തുടരണമോ, രാജിവെക്കണോ എന്നതിനെക്കുറിച്ച് ജനങ്ങളോട് അഭിപ്രായം ചോദിക്കാന്‍ പാര്‍ട്ടി പ്രവര്‍ത്തകര്‍ക്ക് നിര്‍ദേശം നല്‍കിയിട്ടുണ്ടെന്നും അദ്ദേഹം വ്യക്തമാക്കി.
'നമുക്ക് എല്ലാ വീടുകളിലും പോയി ഡല്‍ഹിയിലെ പൗരന്മാരോട് എന്താണ് വേണ്ടതെന്ന് ചോദിക്കണം, ഇത് നമ്മുടെ തിരഞ്ഞെടുപ്പ് പ്രചാരണത്തിന്റെ തുടക്കമാകട്ടെ.' ഡല്‍ഹിയില്‍ എഎപിയെ പരാജയപ്പെടുത്താന്‍ കഴിയില്ലെന്ന് ബിജെപിക്ക് അറിയാമെന്നും അതിനാലാണ് ഗൂഢാലോചന നടത്തി എഎപി നേതാക്കളെ ജയിലിലടയ്ക്കുന്നതെന്നും എഎപി ദേശീയ കണ്‍വീനര്‍ പറഞ്ഞു.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/post_attachments/azC2pNmy3wgaHt6XnY8V.jpg)