Advertisment

പ്രതിരോധ സഹകരണം ശക്തമാക്കാനൊരുങ്ങി ഇന്ത്യയും ഓസ്‌ട്രേലിയയും

സംയുക്ത സൈനിക അഭ്യാസങ്ങൾ,പ്രതിരോധ കൈമാറ്റങ്ങൾ ഉൾപ്പെടെ ഇരു രാജ്യങ്ങൾക്കിടയിൽ വർദ്ധിക്കുന്ന സൈനിക സഹകരണത്തിൽ നേതാക്കൾ സംതൃപ്തി പ്രകടിപ്പിച്ചു.

New Update
india australia.jpg

പ്രതിരോധ ബന്ധം കൂടുതൽ ശക്തിപ്പെടുത്താൻ ഇന്ത്യയും ഓസ്‌ട്രേലിയയും ധാരണയിലെത്തി. പ്രതിരോധമന്ത്രി രാജ്നാഥ്സിംഗും ഓസ്‌ട്രേലിയൻ ഉപപ്രധാനമന്ത്രിയും പ്രതിരോധ മന്ത്രിയുമായ റിച്ചാർഡ് മാർലസും തമ്മിൽ ഡൽഹിയിൽ നടന്ന 2+2 പ്രതിരോധ, വിദേശകാര്യ ചർച്ചയിലാണ് തീരുമാനം. വിദേശകാര്യ മന്ത്രി എസ് ജയശങ്കർ ഓസ്‌ട്രേലിയൻ വിദേശകാര്യ മന്ത്രി പെന്നി വോങ്ങുമായും തമ്മിലും കൂടിക്കാഴ്ച നടത്തി. 

Advertisment

സംയുക്ത സൈനിക അഭ്യാസങ്ങൾ,പ്രതിരോധ കൈമാറ്റങ്ങൾ ഉൾപ്പെടെ ഇരു രാജ്യങ്ങൾക്കിടയിൽ വർദ്ധിക്കുന്ന സൈനിക സഹകരണത്തിൽ നേതാക്കൾ സംതൃപ്തി പ്രകടിപ്പിച്ചു. ഇരു രാജ്യങ്ങളും തമ്മിലുള്ള വിവര കൈമാറ്റം, സമുദ്ര മേഖലയിലെ സഹകരണം എന്നിവ വർദ്ധിപ്പിക്കാൻ ധാരണയായി. കപ്പൽ നിർമ്മാണം, കപ്പൽ-വിമാന അറ്റകുറ്റപ്പണികൾ, സഹകരണം വർദ്ധിപ്പിക്കും. ‌ഹൈഡ്രോഗ്രാഫി സഹകരണം, യുദ്ധ വിമാനങ്ങളിൽ ആകാശത്ത് ഇന്ധനം നിറയ്ക്കുന്നതിനുള്ള സഹകരണം എന്നിവയിലും ചർച്ചകൾ നടന്നു.

ആർട്ടിഫിഷ്യൽ ഇന്റലിജൻസ്, അന്തർവാഹിനി-ഡ്രോൺ വിരുദ്ധ യുദ്ധം, സൈബർ ഡൊമെയ്‌ൻ തുടങ്ങിയ പരിശീലന മേഖലകളിൽ ഇരുരാജ്യങ്ങളുടെയും സേനകൾ സഹകരിക്കണമെന്നും സിംഗ് യോഗത്തിൽ ഊന്നിപ്പറഞ്ഞു.  പ്രതിരോധ വ്യവസായത്തിലും ഗവേഷണത്തിലുമുള്ള ആഴത്തിലുള്ള സഹകരണം ഇരു രാജ്യങ്ങളും തമ്മിലുള്ള ബന്ധത്തിന് കൂടുതൽ നിറവ് നൽകുമെന്നും രണ്ട് മന്ത്രിമാരും പറഞ്ഞു. പ്രതിരോധ സ്റ്റാർട്ടപ്പുകൾ തമ്മിലും കടലിനടിയിലെ സാങ്കേതികവിദ്യ സംബന്ധിച്ച സംയുക്ത ഗവേഷണത്തിലും സഹകരണം ഉറപ്പാക്കും. 

ഇന്ത്യ-ഓസ്‌ട്രേലിയുടെ ശക്തമായ പ്രതിരോധ പങ്കാളിത്തം ഇരു രാജ്യങ്ങളുടെയും പരസ്പര നേട്ടത്തിന് മാത്രമല്ല, ഇന്തോ-പസഫിക് മേഖലയുടെ മൊത്തത്തിലുള്ള സുരക്ഷയ്ക്കും നല്ലതായിരിക്കുമെന്നും മന്ത്രിമാർ ചൂണ്ടികാട്ടി.

rajnath singh
Advertisment