കുവൈറ്റ് : കുവൈറ്റില്‍ കസിനെ തലയ്ക്ക് വെട്ടിക്കൊലപ്പെടുത്തിയ സ്വദേശിയെ കാത്തിരിക്കുന്നത് വധശിക്ഷ . യുവാവിന്റെ മരണം തലയിലേറ്റ കുത്തുമൂലമാണെന്ന് ഫോറന്‍സിക് റിപ്പോര്‍ട്ടിലാണ് വ്യക്തമായത്. കൊലപാതകം നടത്തുന്നതിന് മുമ്പ് പ്രതി അമിത അളവില്‍ ലഹരി ഉപയോഗിച്ചിരുന്നുവെന്നും സംശയമുണ്ട്.
അഹ്മദി സുരക്ഷാ വിഭാഗമാണ് പ്രതിയെ ചോദ്യം ചെയ്യുന്നത്. ഇയാള്‍ക്ക് വധശിക്ഷ ലഭിച്ചേക്കുമെന്നാണ് റിപ്പോര്‍ട്ട്. കൊലപാതകത്തിന്റെ കാരണമറിയാന്‍ പ്രതിയെ വീണ്ടും ചോദ്യം ചെയ്യണമെന്ന് പബ്ലിക് പ്രോസിക്യൂഷന്‍ അല്‍ അഹമ്മദി സുരക്ഷ വിഭാഗത്തോട് നിര്‍ദേശിച്ചിട്ടുണ്ട്.
കശാപ്പിനുപയോഗിക്കുന്ന യന്ത്രം ഉപയോഗിച്ചാണ് പ്രതി കൊലനടത്തിയത്. ശേഷം ഈ ഉപകരണം ഇയാള്‍ ടെന്റിനുള്ളില്‍ ഒളിപ്പിച്ചിരുന്നു. കരുതിക്കൂട്ടി നടത്തിയ കൊലപാതകമാണെന്നും സംശയമുണ്ട്.
