ചർച്ച് ബിൽ ക്രൈസ്തവ അവകാശങ്ങൾ കവർന്നെടുക്കാൻ: അഡ്വ. ബിജു പറയന്നിലം

തൊടുപുഴ:  ഇടതുപക്ഷ സർക്കാരിന്റെ നിയമപരിഷ്കരണ കമ്മീഷൻ പുറപ്പെടുവിച്ചിട്ടുള്ള ചർച്ച്ബിൽ 2019 ക്രൈസ്തവ അവകാശങ്ങൾ കവർന്നെടുക്കാനുള്ള ഗൂഢ ഉദ്ദേശത്തോടെയാണെന്നു കത്തോലിക്കാ കോൺഗ്രസ് പ്രസിഡന്റ് അഡ്വ .ബിജു പറയന്നിലം .

കത്തോലിക്കാ കോൺഗ്രസിന്റെ ആഭിമുഖ്യത്തിൽ സംസ്ഥാന വ്യാപകമായി ചർച്ച് ബിൽ പിൻവലിക്കണമെന്നാവശ്യപ്പെട്ട് നടത്തുന്ന കരിദിനാചരണം തൊടുപുഴയിൽ ഉത്ഘാടനം ചെയ്തു പ്രസംഗിക്കുകയായിരുന്നു അദ്ദേഹം .ഇന്ത്യയിൽ മറ്റു സംസ്ഥാനങ്ങളിൽ ഒന്നും ഇല്ലാത്ത ക്രൈസ്തവർക്കെതിരായി ഒരു നിയമം കേരളത്തിൽ അടിച്ചേൽപ്പിക്കുവാൻ അനുവദിക്കുകയില്ല .രണ്ടായിരം വർഷത്തെ ക്രൈസ്തവ വിശ്വാസ പാരമ്പര്യത്തെ നിരീശ്വര പ്രസ്ഥാനക്കാർക്കു അടിയറവു വയ്ക്കുവാൻ സമുദായം അനുവദിക്കുകയില്ലെന്നും പ്രസിഡന്റ് പറഞ്ഞു .

തൊടുപുഴ ടൌൺ പള്ളി അങ്കണത്തിൽ നടന്ന യോഗത്തിൽ വികാരി റെവ .ഡോ.ജിയോ തടിക്കാട്ടു അവതരിപ്പിച്ച പ്രമേയം യോഗം ഐക കണ്ടേന പാസ്സാക്കി .കത്തോലിക്കാ കോൺഗ്രസ് കോതമംഗലം രൂപത ട്രെഷറർ ജോൺ മുണ്ടൻകാവിൽ പ്രതിഷേധ സൂചകമായി ചർച്ച് ബില്ലിന്റെ പകർപ്പ് കത്തിച്ചു .

ഫൊറോനാ പ്രസിഡന്റ് ജോർജ് അരയകുന്നേൽ,ഫാ .വര്ഗീസ് പാറമേൽ ,സജി പോളക്കുഴി ,ജോർജ് തയ്യിൽ ,ജോൺ കോലത്തു,മേരി ആന്റണി ,ജോസ് പാലയ്ക്കാമറ്റം ,രാജു പാണാത്തു,കുര്യാച്ചൻ വാളോത്തിൽ,മെജോ കുളപ്പുറം ,തോമസ് പാനികുളം തുടങ്ങിയവർ പ്രസംഗിച്ചു .