സി.പി.എമ്മിന്റെ പാർട്ടി അംഗീകാരം റദ്ദാക്കണമെന്ന് കല്ലാർ

നെടുങ്കണ്ടം:  രാഷ്ട്രീയ പാർട്ടി എന്ന നിലയിലുള്ള സി.പി.എമ്മിന്റെ അംഗീകാരം റദ്ദ് ചെയ്യണമെന്ന് ഡി.സി.സി പ്രസിഡന്റ് അഡ്വ: ഇബ്രാഹിംകുടി കല്ലാർ ആവശ്യപെട്ടു. താലിബാനെ പോലെ മനുഷ്യരെ കൊലചെയ്യുന്ന പാർട്ടിയായി അധപതിച്ച സി.പി.എം. ഇപ്പോൾ കള്ളവോട്ട് രേഖപെടുത്തുന്നവരുടെ പാർട്ടയായി മാറി ജനങ്ങളുടെ അംഗീകാരം നഷ്ടപെട്ട സി.പി.എം ന്റെ രാഷ്ട്രീയ പാർട്ടി എന്ന അംഗീകാരം പിൻവലിച്ച് ആ പാർട്ടി പിരിച്ചുവിടുകയാണ് വേണ്ടത്.

മൂന്നാറിൽ KPSTA സംസ്ഥാന ക്യാമ്പിന്റെ സമാപന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. വിദ്യാഭ്യാസ മേഖല, പിണറായി സർക്കാർ കുളം തോണ്ടിയെന്നും ചുവപ്പുവൽക്കരണം അടിച്ചേൽപ്പിക്കുകയാണെന്നും അദ്ദേഹം ആരോപിച്ചു.

സംസ്ഥാന പ്രസിഡണ്ട് വി.കെ.അജിത്കുമാർ അദ്ധ്യക്ഷത വഹിച്ച യോഗത്തിൽ എ.കെ.മണി, പി.ഹരിഗോവിന്ദൻ, എം.സലാഹുദീൻ, സി. കുമാർ, എസ്.സന്തോഷ് കുമാർ, സാബു മാത്യു, വി.ഡി.എബ്രാഹം, വി.എം.ഫിലിപ്പച്ചൻ, കെ.ആർ.ഉണ്ണികൃഷ്ണൻ നായർ, ബിജു ജോസഫ് തുടങ്ങിയവർ പ്രസംഗിച്ചു.