തൊടുപുഴ നഗരത്തില്‍ റോഡുകളെല്ലാം ടാര്‍ ചെയ്യുമ്പോഴും ഒരു റോഡിനോടു മാത്രം അവഗണന

തൊടുപുഴ:  മാര്‍ച്ച്‌ മാസത്തില്‍ നഗരത്തിലെ റോഡുകളെല്ലാം ടാര്‍ ചെയ്യുമ്പോഴും ഒരു റോഡിനോടു മാത്രം അവഗണനയെന്ന്‌ പരാതി. തൊടുപുഴ കല്യാണ്‍ സില്‍ക്‌സിനു സമീപത്തു നിന്നുമുള്ള മൗണ്ട്‌ സീനായി റോഡാണ്‌ തകര്‍ന്ന്‌ കിടക്കുന്നത്‌.

പൊതുമരാമത്തു വകുപ്പിന്റെ റോഡായതിനാല്‍ തങ്ങള്‍ നിസ്സഹായരാണെന്നാണ്‌ നഗരസഭ അധികൃതര്‍ പറയുന്നത്‌. ജനങ്ങള്‍ പരാതിയുമായി പൊതുമരാമത്ത്‌ വകുപ്പ്‌ അധികൃതരെ സമീപിച്ചെങ്കിലും യാതൊരു നടപടിയുമുണ്ടായില്ല. റോഡ്‌ ഗതാഗതയോഗ്യമാക്കുവാന്‍ ബന്ധപ്പെട്ടവര്‍ തയ്യാറാകണമെന്ന്‌ വാഹനഡ്രൈവര്‍മാരും കാല്‍നടയാത്രക്കാരും ആവശ്യപ്പെട്ടു.