യൂ ടേൺ എസ് കെ എസ് എസ് എഫ് ചെർക്കള മേഖല ക്ലസ്റ്റർ, യൂണിറ്റ് ശാക്തീകരണം പദ്ധതിക്ക് തുടക്കമായി

ചെങ്കള:  ചെർക്കള മേഖലാ എസ് കെ എസ് എസ് എഫിന്റെ കർമ്മ പദ്ധതിയുടെ ഭാഗമായുള്ള യൂ ടേൺ ക്ലസ്റ്റർ, ശാഖ ശാക്തീകരണ പദ്ധതി ആഗസ്റ്റ് 8 ബുധനാഴ്ച രാത്രി നടന്ന ചെങ്കള ക്ലസ്റ്റർ സംഗമത്തോടെ തുടക്കം കുറിച്ചു. മേഖല പ്രസിഡന്റ് സയ്യിദ് ഹുസൈൻ തങ്ങൾ ഉദ്ഘടനം നിർവഹിച്ചു. ട്രഷറർ അസ്‌ലം ചെങ്കള അധ്യക്ഷത വഹിക്കുകയും സെക്രട്ടറി ജമാലുദ്ദീൻ ദാരിമി പദ്ധതി അവതരണം നടത്തി.

നിരീക്ഷകൻ അബ്ദുല്ല ആലൂറിന്റെ നേതൃത്വത്തിൽ ക്ലസ്റ്റർ, യൂണിറ്റ് പ്രവർത്തന അവലോകനവും ഭാവി പദ്ധതി ആസൂത്രണവും നടത്തി. ക്ലസ്റ്റർ സെക്രട്ടറി ജുനൈദ് ചേരൂർ സ്വാഗതവും ജോയിന്റ് സെക്രട്ടറി സുബൈഹ് ചെങ്കള നന്ദിയും പറഞ്ഞു.

അൻവർ ചേരൂർ ഷുഹൈബ് മാര സംബന്ധിച്ചു. ആഗസ്റ്റ് 08 വ്യാഴാഴ്ച ആലംപാടി ക്ലസ്റ്റർ സംഗമവും ആഗസ്റ്റ് 09 വെള്ളിയാഴ്ച ബോവിക്കാനം ക്ലസ്റ്റർ സംഗമവും 10, 11 തിയതികളിൽ ചെർക്കള, പടുപ്പ് ക്ലസ്റ്റർ സംഗമവും നടക്കും.