ഉഴവൂർ ചെത്തിമറ്റത്ത് പാചകവാതകം പൊട്ടിത്തെറിച്ച് രണ്ട് പേർക്ക് പരിക്ക്

മരങ്ങാട്ടുപിള്ളി: ഉഴവൂർ ചെത്തിമറ്റത്ത് വീട്ടിൽ പാചകവാതകം പൊട്ടിത്തെറിച്ച് രണ്ട് പേർക്ക് പരിക്ക്. മരങ്ങാട്ടുപിള്ളി ഗ്രാമപഞ്ചായത്ത് പരിധിയിലെ ചെത്തിമറ്റം പള്ളിപ്പുറത്ത് ലൂക്കാ (74), ഭാര്യ സിൻസി (67) എന്നിവർക്കാണ് പരിക്കേറ്റത്.

മരങ്ങാട്ടുപിള്ളി പൊലീസും പാലായിൽ നിന്നും എത്തിയ രണ്ട് യൂണിറ്റ് അഗ്നിശമന സേനയും ചേർന്നാണ് രക്ഷാപ്രവർത്തനം നടത്തിയത്.

മരങ്ങാട്ടുപിള്ളി പൊലീസ് സ്റ്റേഷൻ എ. എസ്. ഐ ഹരിദാസ്, സി പി ഓ സുഭാഷ് എന്നിവർ സ്ഥലത്തെത്തി മേൽ നടപടികൾ സ്വീകരിച്ചു. പരിക്കേറ്റവർ ആശുപത്രിയിൽ.