ഒക്ടോബര്‍ 2 വെൽഫെയർ പാർട്ടി വടക്കാങ്ങര യൂനിറ്റ് സേവനദിനമായി ആചരിച്ചു

റബീ ഹുസൈൻ തങ്ങൾ
Wednesday, October 2, 2019

വടക്കാങ്ങര:  ഗാന്ധിജയന്തി ദിനമായ ഒക്ടോബർ 2 വെൽഫെയർ പാർട്ടി വടക്കാങ്ങര യൂനിറ്റ് സേവന ദിനമായി ആചരിച്ചു. മക്കരപ്പറമ്പ് പഞ്ചായത്തിൽ ആറാം വാർഡിലുള്ള വടക്കാങ്ങര – വടക്കേകുളമ്പ് റോഡിൽ മണ്ണ് വന്നടിഞ്ഞ വെള്ളച്ചാലിലുള്ള മണ്ണുകൾ കോരി വൃത്തിയാക്കിയാണ് പാർട്ടി സേവന ദിനം ആചരിച്ചത്.

ടീം വെൽഫെയറിന്റെ 15 ഓളം വളണ്ടിയർമാർ പങ്കെടുത്ത സേവന പ്രവർത്തനം മക്കരപ്പറമ്പ പഞ്ചായത്ത് ആറാം വാർഡ് മെമ്പർ ഹൻഷില പട്ടാക്കൽ ഉദ്ഘാടനം ചെയ്തു.

യൂനിറ്റ് പ്രസിഡന്റ് കെ ജാബിർ, എൻ.കെ ജംഷീദ്, സി.ടി കരീം, നാസർ കിഴക്കേതിൽ തുടങ്ങിയവർ നേതൃത്വം നൽകി.

×