നായക്കുട്ടിയെ കാണാനില്ല.. കണ്ടുകിട്ടുന്നവര്‍ക്ക് ഒരു ലക്ഷം രൂപ പാരിതോഷികം; പത്രപ്പരസ്യം വൈറല്‍

എറണാകുളം: കാണാതായ നായക്കുട്ടിയെ കണ്ടുകിട്ടുന്നവര്‍ക്ക് ഒരു ലക്ഷം രൂപ പാരിതോഷികം നല്‍കുമെന്ന് പ്രഖ്യാപിച്ചുള്ള പത്ര പരസ്യം വൈറലാകുന്നു. മാംഗോ എന്ന് വിളിക്കുന്ന അഞ്ചുമാസം പ്രായമുള്ള നായക്കുട്ടിയെയാണ് എറണാകുളം പാലാരിവട്ടം നേതാജി റോഡില്‍ നിന്നും കാണാതായത്. ഈ നായക്കുട്ടിയെ കണ്ടുകിട്ടുന്നവര്‍ക്ക് ഒരു ലക്ഷം രൂപ പാരിതോഷികം നല്‍കുന്നതാണെന്നും പത്രപരസ്യത്തില്‍ വ്യക്തമാക്കുന്നുണ്ട്.നായയെ കണ്ടെത്താന്‍ സഹായിക്കുന്ന അടയാളങ്ങളും നല്‍കിയിട്ടുണ്ട്. തിരിച്ചറിയല്‍ മൈക്രോചിപ്പ് ഘടിപ്പിച്ചിട്ടുണ്ട്. ബ്രൗണ്‍ നിറമാണ് നായക്കുട്ടിക്ക്.