എട്ട് സംസ്ഥാനങ്ങൾ 99 ലോക്സഭ സീറ്റുകൾ: ബിജെപിയുടെ വമ്പൻ പ്രഖ്യാപനം ഉടൻ

ഡല്‍ഹി: വരാനിരിക്കുന്ന ലോക്‌സഭാ തെരഞ്ഞെടുപ്പിനുള്ള സ്ഥാനാർത്ഥികളുടെ രണ്ടാം പട്ടിക തീരുമാനിക്കാൻ ബിജെപിയുടെ കേന്ദ്ര തിരഞ്ഞെടുപ്പ് കമ്മിറ്റി (central election committee) തിങ്കളാഴ്ച രണ്ടാം യോഗം ചേർന്നു. ആദ്യ പട്ടികയിൽ ഇടം പിടിക്കാതെ പോയ നേതാക്കളിൽ പലരുടെ പേരുകളും രണ്ടാം പട്ടികയിൽ ഉണ്ടാകുമെന്നാണ് വിലയിരുത്തൽ. 

യോഗത്തിൽ ഗുജറാത്ത്, മഹാരാഷ്ട്ര, ബിഹാർ, മധ്യപ്രദേശ്, ഹിമാചൽ പ്രദേശ്, തെലങ്കാന, കർണാടക, ചണ്ഡീഗഡ് എന്നീ സംസ്ഥാനങ്ങളിലെ 99 സീറ്റുകളിലേക്കുള്ള സ്ഥാനാർത്ഥികളുടെ പേരുകൾ ചർച്ച ചെയ്തതു. കർണാടക മുൻ മുഖ്യമന്ത്രി ബസവരാജ് ബൊമ്മൈ രണ്ടാം പട്ടികയിൽ ഇടംപിടിച്ചേക്കാമെന്നും അദ്ദേഹം ഹവേരി-ഗഡഗ് സീറ്റിൽ നിന്ന് മത്സരിക്കുമെന്നും വൃത്തങ്ങൾ കൂട്ടിച്ചേർത്തു. 

തിങ്കളാഴ്ചത്തെ യോഗത്തിൽ, പ്രധാനമന്ത്രി നരേന്ദ്ര മോദി ഉൾപ്പെടെയുള്ള നിരവധി മുതിർന്ന പാർട്ടി നേതാക്കൾ അന്തിമ പട്ടികയിൽ ഇടംപിടിക്കാൻ സാധ്യതയുള്ള തിരഞ്ഞെടുപ്പുകളുടെ പട്ടിക പരിശോധിച്ചു. കേന്ദ്ര ആഭ്യന്തരമന്ത്രി അമിത് ഷായും ബിജെപി അധ്യക്ഷൻ ജെപി നദ്ദയും വിവിധ സംസ്ഥാനങ്ങളിലെ നേതാക്കളുമായി കൂടിക്കാഴ്ചകൾ നടത്ത സാധ്യത പട്ടിക തയ്യാറാക്കിവരികയാണ്. 

ഈ മാസം ആദ്യം ബിജെപി 195 സ്ഥാനാർത്ഥികളുടെ ആദ്യ പട്ടിക പുറത്തിറക്കി, അതിൽ പ്രധാനമന്ത്രി മോദി വാരണാസിയിൽ നിന്നും അമിത് ഷാ ഗുജറാത്തിലെ ഗാന്ധിനഗറിൽ നിന്നും കേന്ദ്ര സിവിൽ ഏവിയേഷൻ മന്ത്രി ജ്യോതിരാദിത്യ സിന്ധ്യ ഭോപ്പാലിലെ ഗുണയിൽ നിന്നുമാണ് മത്സരിക്കുന്നത്. മധ്യപ്രദേശ് മുൻ മുഖ്യമന്ത്രി ശിവരാജ് സിംഗ് ചൗഹാൻ വിദിഷ മണ്ഡലത്തിൽ നിന്ന് മത്സരിക്കുമെന്നും നേതൃത്വം വ്യക്തമാക്കിയിട്ടുണ്ട്.  

തിങ്കളാഴ്ചത്തെ സിഇസി യോഗത്തിന് മുന്നോടിയായി, ഹരിയാന ഉപമുഖ്യമന്ത്രിയും ജനനായക് ജനതാ പാർട്ടി (ജെജെപി) നേതാവുമായ ദുഷ്യന്ത് ചൗട്ടാല, സംസ്ഥാനത്തെ രണ്ട് സഖ്യകക്ഷികൾക്കിടയിൽ സീറ്റ് വിഭജനം സംബന്ധിച്ച് ബിജെപി മേധാവി ജെപി നദ്ദയുമായി ചർച്ച നടത്തി. 2019ലെ ഹരിയാന നിയമസഭാ തിരഞ്ഞെടുപ്പിന് ശേഷം ജെജെപി ബിജെപിയുമായി സഖ്യമുണ്ടാക്കി. 2019ലെ പൊതുതെരഞ്ഞെടുപ്പിൽ സംസ്ഥാനത്തെ 10 ലോക്‌സഭാ സീറ്റുകളിലും ബിജെപി വിജയിച്ചിരുന്നു.