മൈക്രോസ്കോപ്പിന് കീഴിൽ ഒരു സ്ട്രോബെറി എങ്ങനെയിരിക്കും? വൈറലായ വീഡിയോ നിങ്ങളെയും ഭയപ്പെടുത്തിയേക്കാം!

അല്പം പുളിയും എന്നാൽ അതിലേറെ രുചിയുമുള്ള ചുവന്നു തുടുത്ത സ്ട്രോബെറി പഴങ്ങൾ ഇഷ്ടമില്ലാത്തവർ ആരാണുണ്ടാവുക. ന​ഗ്ന നേത്രങ്ങൾകൊണ്ട് കാണുമ്പോൾ ആകർഷകമായി തോന്നുമെങ്കിലും, മൈക്രോസ്കോപ്പിൽ ഇത് എങ്ങനെ അടുത്ത് കാണുന്നുവെന്ന് നിങ്ങൾ എപ്പോഴെങ്കിലും ചിന്തിച്ചിട്ടുണ്ടോ? 

ഇതിൻ്റെ ഒരു വീഡിയോ അടുത്തിടെ സോഷ്യൽ മീഡിയയിൽ പങ്കിടുകയുണ്ടായി.  ഒരു വ്യക്തി മൈക്രോസ്കോപ്പിന് കീഴിൽ സ്ട്രോബെറി ഇടുന്നത് കാണിക്കുന്നതോടെയാണ് വീഡിയോ തുറക്കുന്നത്. തുടർന്ന്, പഴത്തിന് മുകളിൽ ചെറിയ പ്രാണികൾ ഇഴയുന്നത് ക്ലോസപ്പിൽ കാണിക്കുന്നു. പഴത്തിനുള്ളിൽ നിന്ന് കുറച്ച് പുഴുക്കൾ പുറത്തേക്ക് വരുന്നതും ഇതിൽ കാണാം. 

ഏപ്രിൽ 1 ന് പങ്കിട്ട ഈ പോസ്റ്റ് ഇതിനോടകം 10 ദശലക്ഷത്തിനടുത്ത് വ്യൂസ് നേടിയിരിക്കുകയാണ്. നിരവധി പേരാണ് പോസ്റ്റിൻ്റെ കമൻ്റ് വിഭാഗത്തിൽ തങ്ങളുടെ പ്രതികരണങ്ങൾ പങ്കുവെച്ചത്.