മുൻ കോട്ടയം എസ്. പി. രാജഗോപാൽ ഐ.പി. എസ്. ഇന്ന് രാവിലെ നിര്യാതനായി

ഏറെ ജനകീയനായ പൊലീസ് ഓഫീസറായിരുന്നു. സഹപ്രവർത്തകരോടും കീഴുദ്യോഗസ്ഥരോടും ഏറെ അടുപ്പം കാണിച്ചിരുന്ന രാജഗോപാൽ, സർവ്വീസിൽ നിന്നു പിരിഞ്ഞ ശേഷവും വിശേഷങ്ങൾ തിരക്കി പലപ്പോഴും സഹപ്രവർത്തകരെ വിളിക്കാറുണ്ടായിരുന്നു. മാധ്യമ പ്രവർത്തകരുമായും ഏറെ അടുപ്പം പുലർത്തിയിരുന്നു.

ഈരാറ്റുപേട്ട എസ്. ഐ ,ആയും വൈക്കം സി.ഐ. ആയും കോട്ടയം ജില്ലയിൽ സേവനമനുഷ്ഠിച്ചിട്ടുണ്ട്. കെ.എസ്. യു വിൻ്റെ മുൻ കോളജ് യൂണിയൻ ചെയർമാനായിരുന്ന രാജഗോപാൽ കോൺഗ്രസ്സ് നേതാക്കളായ രമേശ് ചെന്നിത്തല, തിരുവഞ്ചൂർ രാധാകൃഷ്ണൻ തുടങ്ങിയവർക്കൊപ്പം കെ. എസ്. യു. സംഘടനാ രംഗത്ത് സജീവമായി നിൽക്കെയാണ് 22-ാം വയസ്സിൽ എസ്. ഐ. ആയി പൊലീസിൽ ചേർന്നത്.

ആലപ്പുഴ ജില്ലയിലാണ് വീടെങ്കിലും വിരമിച്ച ശേഷം തിരുവനന്തപുരത്ത് വിശ്രമ ജീവിതത്തിലായിരുന്നു.അടുത്ത കാലത്തിറങ്ങിയ ഒരു സിനിമയ്ക്ക് ആധാരമെന്ന് പറയപ്പെടുന്ന യഥാർത്ഥ സംഭവത്തിൻ്റെ ചില ഭാഗങ്ങളിൽ രാജഗോപാലും കക്ഷിയായിരുന്നു