പ്രവാസത്തിലെ കോവിഡ് :പ്രവാസികൾ ആശങ്കപെടേണ്ടവരല്ല : ഐ.സി.എഫ്

ദമാം: പ്രവാസ ലോകത്തിലെ കോവിഡ് കാലത്തെ പ്രതിസന്ധികൾ മറികടന്ന പ്രവാസികൾ നിലവിലെ സാഹചര്യത്തിൽ ആശങ്കപ്പെടേണ്ടതില്ലെന്നും,വരും നാളുകളിൽ ജാഗ്രതയോടെയുള്ള മുന്നേറ്റം അനിവാര്യമാണെന്നും ഐ.സി.എഫ് ദമാം സെൻട്രൽ സർവ്വീസ് കാര്യ സമിതി സംഘടിപ്പിച്ച (ബി-കൗൺ-2020) ബാച്ചിലേഴ്‌സ് കൗൺസലിംഗ് അഭിപ്രായപ്പെട്ടു.

മാറുന്ന ലോകത്തെ മാറ്റങ്ങൾ ഉൾകൊണ്ടുകൊണ്ടാണ് പ്രവാസികൾ നടപ്പുശീലങ്ങളിൽ മാറ്റം വരുത്തേണ്ടതെന്നും , അതിജീവനത്തിന്റെ ഭാഗമായി സാമ്പത്തിക- തൊഴിൽ മേഖലകളിൽ-കുടുംബ-വിദ്യാഭ്യസ മേഖലകളിൽ കൂടുതൽ ജാഗ്രത ആവശ്യമാണെന്നും, കൃത്യമായ പഠനത്തിലൂടെ മാറ്റങ്ങൾക്ക് തയ്യാറാവണമെന്നും കൗൺസലിംഗ് പരിപാടിക്ക് നേതൃത്വം നൽകിയ പ്രശസ്ത ട്രെയിനർ അൻസാർ മുഹമ്മദ് അഭിപ്രായപ്പെട്ടു

സെൻട്രൽ പ്രസിഡന്റ് അബ്ദുൽ സമദ് മുസ്ല്യാരുടെ അധ്യക്ഷതയിൽ പ്രൊവിൻസ് ക്ഷേമകാര്യ സെക്രട്ടറി അൻവർ കളറോഡ് ഉത്‌ഘാടനം ചെയ്തു, ശംസുദ്ധീൻ സഅദി,റാശിദ് അഹമ്മദ് ,അഷ്‌റഫ് പട്ടുവം അഹമ്മ്ദ് നിസാമി, സലിം സഅദി , സലിം ഓലപ്പീടിക , മുനീർ തോട്ടട , അബ്ദുൾറഹ്മാൻ പുത്തനത്താണി, അസൈനാർ മുസ്ല്യാർ , സിദ്ധീഖ് സഖാഫി ഉറുമി എന്നിവർ നേതൃത്വം നൽകി, മുഹമ്മദ് റഫീഖ് ചെമ്പോത്തറ സ്വാഗതവും അബ്ദുൽ മജീദ് ചങ്ങനാശ്ശേരി നന്ദിയും പറഞ്ഞു