ബെയ്ജിങ്: കാര്ഡില്ല, പണമില്ല, ഇ-വാലറ്റുകളുമില്ല...വെറുതെ മുഖമൊന്നു കാണിച്ചാല് പണം കിേട്ടണ്ടവരുടെ അക്കൗണ്ടിലെത്തിയിരിക്കും- അഥവാ ഫേഷ്യല് പേമെന്റ് ടെക്നോളജിയാണ് ചൈനയിലിപ്പോള് താരം. ചൈനയാണ് മൊബൈലിലൂടെ ബില്ലടക്കാവുന്ന സംവിധാനം ലോകത്ത് ആദ്യമായി അവതരിപ്പിച്ചത്. വളരെയേറെ പ്രചാരണം നേടിയ രീതിയായി അത്. ക്യു.ആര് കോഡിനെ പോലും കടത്തിവെട്ടുന്ന രീതിയിലാണിപ്പോള് ഫേഷ്യല് പെെമന്റ് ടെക്നോളജി അവതരിപ്പിച്ചത്.
സാധനങ്ങള് വാങ്ങി പണം കൊടുക്കാന് നേരം ഉപഭോക്താക്കള് കാമറ ഘടിപ്പിച്ച പോയന്റ് ഓഫ് സെയില് യന്ത്രത്തിെന്റ മുന്നിലേക്ക് ചെന്നാല് മതി. ഉപഭോക്താക്കളുടെ ബാങ്ക് അക്കൗണ്ടുമായും ഈ ടെക്നോളജി ബന്ധിപ്പിച്ചിരിക്കും. യന്ത്രത്തിനു അഭിമുഖമായി നില്ക്കുമ്പോള് മുഖം നോക്കി തിരിച്ചറിഞ്ഞ് അക്കൗണ്ടില്നിന്ന് പണം സ്വീകരിക്കുകയും ചെയ്യും. നിരവധി പേര് ഈ രീതി സ്വാഗതം ചെയ്യുന്നുവെങ്കിലും, പൗരന്മാരെ നിരീക്ഷിക്കുന്ന സംവിധാനത്തിനെതിരെ പ്രതിഷേധവുമുണ്ട്.