26
Saturday November 2022

കോറോണയും വ്യാജ വാർത്തകളും:ഒരു തിരിഞ്ഞുനോട്ടം

ജിജി
Wednesday, April 1, 2020

കൊറോണ വൈറസ് ലോകമാസകലം ഭീകരത സൃഷ്ടിച്ചുകൊണ്ട് പടർന്നു പിടിക്കുകയാണ്. കോറോണയ്ക്കൊപ്പം തന്നെ പടർന്നു പിടിച് വിഷം തുപ്പുകയാണ് കൊറേറോണയുമായി ബന്ധപ്പെട്ട വ്യാജവാർത്തകളും.

ചൈനയിൽ കൊറോണ വൈറസ് ബാധിച്ചു മരിച്ചവരെ കൂട്ടത്തോടെ കത്തിക്കുന്നുവെന്ന വാർത്ത ഭീതിജനകമായാണ് നാമെല്ലാം കേട്ടത്.ഇതിന്റെ സാറ്റ്ലൈറ്റ് ചിത്രങ്ങളും ചില ബ്രിട്ടീഷ് മാധ്യമങ്ങൾ പുറത്തു വിട്ടിരുന്നു.എന്നാൽ ഈ വാദങ്ങളെല്ലാം തെറ്റാണെന്ന് പറഞ്ഞുകൊണ്ട് ചൈനീസ് അധികൃതർ രംഗത്തെത്തിയിരുന്നു.ഇതിനിടെ ബ്രിട്ടീഷ് ടാബ്ലോയിഡ് പത്രങ്ങൾ വുഹാനിൽ മൃതദേഹങ്ങൾ കൂട്ടിയിട്ട് കത്തിച്ചതിന്റെ തെളിവുകളുമായി റിപ്പോർട്ട്‌ പ്രസിദ്ധീകരിച്ചിരുന്നു. വിൻഡി ഡോട്ട് കോമിൽ നിന്നുള്ള സാറ്റ്ലൈറ്റ് ഇമേജുകൾ കാണിച്ചാണ് മൃതദേഹങ്ങൾ കത്തിക്കുന്നുണ്ടെന്ന വാദവുമായി ബ്രിട്ടീഷ് മാധ്യമങ്ങൾ രംഗത്തെത്തിയത്. വുഹാനിലും ചോങ്കിങ്ങിലും ഉയർന്ന അളവിൽ സൾഫർ ഡയോക്സൈഡ് കാണിക്കുന്നത് ഇത് കാരണമെന്നാണ് അവര് അനുമാനിച്ചത്. എന്നാൽ ഈ നഗരങ്ങളിലെ ഉയർന്ന അളവിലുള്ള സൾഫർ ഡൈഓക്സൈഡ് അസാധാരണമായ ശ്മശാന പ്രവർത്തനങ്ങളിൽ നിന്നാകാം എന്നാണ് മറ്റ് വിഭാഗം അഭിപ്രായപ്പെടുന്നത്. ബ്രിട്ടീഷ് മാധ്യമങ്ങളുടെ അവകാശ വാദങ്ങളെ എതിർത്തുകൊണ്ട് ചൈനയുടെ പരിസ്ഥിതി ഗുണനിലവാര മന്ത്രാലയം രംഗത്തെത്തിയിരുന്നു. വിൻഡി ഡോട്ട് കോം പ്രസിദ്ധീകരിച്ച സൾഫർ ഡയോക്സൈഡിന്റെ സ്ഥിതിവിവര കണക്കുകൾ വിശ്വാസയോഗ്യമല്ലെന്നും കണ്ടെത്തിയെന്നായിരുന്നു ചൈനീസ് മന്ത്രാലയത്തിന്റെ റിപ്പോർട്ട്‌.
ആൽക്കഹോൾ കഴിക്കുന്നത്തിലൂടെ കൊറോണ വൈറസിനെ പ്രതിരോധിക്കാൻ കഴിയുമെന്ന സമൂഹ മാധ്യമങ്ങളിലെ വ്യാജ സന്ദേശം വിശ്വസിച്ചാണ് നിരവധി ആളുകൾ അണുനശീകരണത്തിന് ഉപയോഗിക്കുന്ന ആൽക്കഹോൾ കഴിച്ചത്.27പേർക്ക് ഇറാനിൽ ജീവഹാനി വരെ സംഭവിച്ചു.ഇറാനിയൻ വാർത്താ ഏജൻസിയാണിത് റിപ്പോർട്ട്‌ ചെയ്തത്. 
യൂനിസെഫ് സംഘടനയിൽ നിന്നുള്ള അറിയിപ്പെന്ന പേരിൽ സമൂഹ മാധ്യമങ്ങളിലൂടെ പ്രചിരിപ്പിക്കപ്പെട്ടതും വ്യാജ വാർത്തകൾ തന്നെയായിരുന്നു.കൊറോണ വൈറസ് 400-500 മൈക്രോ സെൽ വ്യാസം ഉള്ളതിനാൽ മാസ്ക് വഴി കയറില്ല,  26-27ഡിഗ്രി സെൽഷിയസിൽ കൊറോണ വൈറസിനു അതിജീവിക്കാനാകില്ല, ഐസ്ക്രീം കഴിക്കരുത്, തണുത്ത ഭക്ഷണം ഒഴിവാക്കണം,  2 മണിക്കൂർ വെയിലത്ത്‌ നിന്നാൽ ആ ചൂട് കൊണ്ട് കൊറോണ വൈറസ് നശിച്ചു പോകും തുടങ്ങിയവയാണ് ആ വ്യാജ വാർത്തകൾ. വെളുത്തുള്ളി കഴിച്ചാൽ കോറോണയെ തടയാം എന്ന വ്യാജ വാർത്ത വിശ്വസിച്ചു ഒന്നര കിലോ വെളുത്തുള്ളി കഴിച്ച് തൊണ്ടക്ക് അസുഖം ബാധിച്ചു യുവതി ഹോസ്പിറ്റലിൽ പ്രവേശിച്ചതായുള്ള വാർത്ത സൗത്ത് ചൈന മോർണിംഗ് പോസ്റ്റ്‌ റിപ്പോർട്ട്‌ ചെയ്തിരുന്നു.
മറ്റ് രാജ്യങ്ങളിലെ പ്രാകൃത ഭക്ഷണ രീതികൾ പിന്തുടരാതെ ഹിന്ദുമത ആചാരപ്രകാരമുള്ള ഭക്ഷണരീതി പിന്തുടർന്നാൽ കൊറോണ വൈറസ് നമ്മളെ ബാധിക്കില്ലെന്ന തരത്തിലുള്ള വ്യാജ വാർത്തകൾ നാമെല്ലാവരും കണ്ടതാണ്.
ഗോമൂത്രം കുടിച്ചാൽ കൊറോണ വൈറസിനെ പ്രധിരോധിക്കാമെന്നു പറഞ്ഞു ഹിന്ദു മഹാ സഭ നേതാവ് സ്വാമി ചക്രവാണി മഹാരാജും അനുയായികളും ഗോമൂത്രം കുടിക്കുന്നത് സോഷ്യൽ മീഡിയയിൽ വൈറൽ ആയതാണ്. 
തൊണ്ടയിലൂടെ വൈറസ് വരാതിരിക്കാൻ 10മിനിറ്റ്  ഇടവിട്ട് വെള്ളം കുടിക്കണമെന്ന തരത്തിലുള്ള വ്യാജ വാർത്തകളും പ്രചരിച്ചിരുന്നു. 
എറണാകുളം പോലീസ് അസിസ്റ്റന്റ് കമ്മിഷണർ കെ ലാൽജിയുടെ പേരിൽ വ്യാജ സന്ദേശം പ്രചരിപ്പിച്ചതാണ് കോറോണയുടെ സംസ്ഥാനത്തു സമൂഹമാധ്യമങ്ങളിലൂടെ വ്യാജ പ്രചരണം നടത്തിയവർക്കെതിരെ രജിസ്റ്റർ ചെയ്യപ്പെട്ട ആദ്യ കേസ്. വടക്കാഞ്ചേരി സ്വദേശിയായ ജേക്കബ് സമൂഹമാധ്യമങ്ങളിൽ കോവിഡ് 19 വൈറസുമായി ബന്ധപ്പെട്ട അസുഖങ്ങൾ സംസ്ഥാനത്തില്ലെന്നും സർക്കാർ മനപ്പൂർവം പ്രശ്നങ്ങൾ ഉണ്ടാക്കുന്നതാണെന്നും പ്രചരിപ്പിച്ചതാണ് രണ്ടാമത്തെ കേസ്.
ലോകമാകമാനം കോവിഡ് 19നെ നിർമാർജനം ചെയ്യാൻ ഒറ്റക്കെട്ടായി നിന്ന് പൊരുതുകയാണ്.നൻമ്മ കൊണ്ടാണ് നേരിടേണ്ടത് ഈ വില്ലൻ വൈറസിനെ.വ്യാജ വാർത്തകൾ കൊണ്ടല്ല.ഭയം മറ്റുള്ളവരിലേക്ക് കുത്തി നിറച്ചു കൊണ്ടല്ല. നേരിടാം ഈ മഹാമാരിയെ ഒറ്റക്കെട്ടായി

Related Posts

More News

ഇടുക്കി: ദേവികുളം മുൻ എംഎൽഎ എസ് രാജേന്ദ്രന് എം എം മണിയുടെ മറുപടി. നോട്ടീസ് കൊടുത്തതിന് പിന്നിൽ തനാണെന്ന് പറയുന്നത് അസംബന്ധവും പോക്രിത്തരവുമാണെന്ന് എം എം മണി വിമര്‍ശിച്ചു. അത് എന്റെ പണിയല്ല. താൻ അങ്ങനെ ആരോടും ചെയ്യാറില്ലെന്നും അദ്ദേഹം പറഞ്ഞു. എസ് രാജേന്ദ്രൻ ഭൂമി കയ്യെറിയതാണോ എന്ന് തീരുമാനിക്കേണ്ടത് റവന്യു വകുപ്പാണ്. പഴയ എംഎൽഎ സ്ഥാനം ഉപയോഗിച്ച് വല്ല തട്ടിപ്പും നടത്തിയോ എന്ന് റവന്യു വകുപ്പാണ് തീരുമാനിക്കേണ്ടത്. താൻ അങ്ങനെ ഒന്നും പറഞ്ഞിട്ടുമില്ല, ഇനിയൊട്ട് പറയുകയുമില്ലെന്ന് […]

ഡല്‍ഹി: ശ്രദ്ധയുടെ മൃതദേഹം ഫ്രിഡ്ജിലിരിക്കെ കാമുകൻ അഫ്താബ് പൂനാവാല ഫ്ലാറ്റിലേക്ക് ക്ഷണിച്ച സ്ത്രീ ഡോക്ടറാണെന്ന് പൊലീസ് കണ്ടെത്തി. ഡേറ്റിങ് ആപ്പിലൂടെ പരിചയപ്പെട്ട സ്ത്രീയെയാണ് അഫ്താബ് ഫ്ലാറ്റിലേക്ക് ക്ഷണിച്ചത്. ഈ സമയം ശ്രദ്ധയുടെ മൃതദേഹം 35 കഷ്ണങ്ങളാക്കി ഫ്രിഡ്ജിൽ സൂക്ഷിച്ചിട്ടുണ്ടായിരുന്നു. ‘ബംബിൾ’ എന്ന ഡേറ്റിങ് ആപ്പിലൂടെയാണ് ക്ലിനിക്കൽ സൈക്കോളജിസ്റ്റായ യുവതിയുമായി അഫ്താബ് പരിചപ്പെടുന്നത്. പിന്നീട് ഇവരെ ഫ്ലാറ്റിലേക്ക് ക്ഷണിച്ചു. യുവതിയില്‍ നിന്ന് പൊലീസ് വിവരങ്ങള്‍ തേടി. ഡേറ്റിങ് ആപ്പ് അധികൃതരുമായും പൊലീസ് ബന്ധപ്പെട്ടിട്ടുണ്ട്. ആപ് വഴി അഫ്താബ് നിരവധി […]

വിറ്റാമിൻ ഡി കൂടുതലായും സൂര്യവെളിച്ചം തട്ടുന്നതിലൂടെ നമ്മുടെ ശരീരത്തിൽ ഉത്പാദിപ്പിക്കുന്നതാണ്. രണ്ട് തരത്തിലുള്ള വിറ്റാമിൻ ഡി ഉണ്ട്. വിറ്റാമിൻ ഡി 2 സസ്യഭക്ഷണത്തിൽ കാണപ്പെടുന്നു. വിറ്റാമിൻ ഡി 3 മൃഗങ്ങൾ ഉണ്ടാക്കുന്ന ഭക്ഷണങ്ങളിൽ കാണപ്പെടുന്നു. വിറ്റാമിൻ ഡി 3 ആരോഗ്യകരമായ വളർച്ചക്കും വികാസത്തിനും സഹായകരമായതിനാൽ കുട്ടികളുടെ ഏറ്റവും പ്രധാനപ്പെട്ട പോഷകങ്ങളിലൊന്നാണ്. കുട്ടികളുടെ ആരോഗ്യത്തിന് വിറ്റാമിൻ ഡി നൽകുന്ന നിരവധി ഗുണങ്ങളിൽ ചിലത് ഇതാ.. 1. പ്രതിരോധശേഷി വർധിപ്പിക്കുന്നു ശരീരത്തിൽ, കോശങ്ങളുടെ പ്രവർത്തനം നിയന്ത്രിക്കുന്നതിനും പ്രതിരോധശേഷി വികസിപ്പിക്കുന്നതിനും രോഗ പ്രതിരോധം […]

തിരുവനന്തപുരം: ഗവർണറെ പരോക്ഷമായി വിമർശിച്ച് മുഖ്യമന്ത്രി പിണറായി വിജയന്‍. ഭരണഘടനാ ദിനത്തിൽ മുഖ്യമന്ത്രി പുറത്തിറക്കിയ പ്രസ്താവനയിലാണ് വിമർശനം. തെരഞ്ഞെടുക്കപ്പെട്ട സർക്കാരുകളെ സമ്മർദ്ദത്തിലാക്കാൻ ഉയർന്ന ഭരണഘടനാ പദവി വഹിക്കുന്നവരെ പോലും ഉപയോഗിക്കുന്നുവെന്നാണ് മുഖ്യമന്ത്രിയുടെ വിമർശനം. പിണറായി വിജയന്‍റെ ഫേസ്ബുക്ക് പോസ്റ്റിന്‍റെ പൂര്‍ണ്ണരൂപം: ഇന്ത്യൻ ഭരണഘടന അംഗീകരിക്കപ്പെട്ടിട്ട് ഇന്നേക്ക് 73 വർഷം പൂർത്തിയാവുകയാണ്. 1946 മുതൽ 1949 വരെയുള്ള മൂന്നു വര്‍ഷകാലയളവിൽ ഭരണഘടനാ നിര്‍മ്മാണ സഭയിൽ നടത്തിയ ദീര്‍ഘവും ചരിത്രപ്രസിദ്ധവുമായ സംവാദങ്ങള്‍ക്കൊടുവിലാണ് ജനങ്ങള്‍ അവര്‍ക്കായി നൽകിയ ഭരണഘടന രൂപംകൊണ്ടത്. ജനാധിപത്യ […]

ചെന്നൈ : പിഎസ്എൽവി സി 54 ദൗത്യത്തിന്‍റെ ആദ്യ ഘട്ടം വിജയം. സമുദ്ര നിരീക്ഷണത്തിനുള്ള ഓഷ്യൻ സാറ്റ് 3 ഉപഗ്രഹത്തെ 742 കിലോമീറ്റർ ഉയരത്തിലുള്ള ഭ്രമണപഥത്തിൽ കൃത്യമായി സ്ഥാപിച്ചു. സഹയാത്രികരായ മറ്റ് എട്ട് ചെറു ഉപഗ്രഹങ്ങളെ അടുത്ത ഘട്ടത്തിൽ ഭ്രമണപഥത്തിൽ സ്ഥാപിക്കും. ഇതിനായി റോക്കറ്റിന്‍റെ അവസാന ഘട്ടത്തെ 528 കിലോമീറ്റർ ഉയരത്തിലേക്ക് താഴ്ത്തുന്ന പ്രക്രിയ തുടരുകയാണ്. ബഹിരാകാശ സ്റ്റാർട്ടപ്പുകളായ പിക്സലിന്‍റെയും ധ്രുവസ്പേസിന്‍റെയും ഉപഗ്രഹങ്ങളും അമേരിക്കയിൽ നിന്നുള്ള നാല് ആസ്ട്രോകാസ്റ്റ് ഉപഗ്രഹങ്ങളുമാണ് ഇനി ഭ്രമണപഥത്തിൽ സ്ഥാപിക്കാനുള്ളത്. പിഎസ്എൽവി വളരെ […]

തിരുവനന്തപുരം: വിഴിഞ്ഞത്തെ സംഘർഷം മനപൂർവം ഉണ്ടാക്കുന്നതെന്ന് മന്ത്രി വി ശിവൻകുട്ടി. രാജ്യശ്രദ്ധ കിട്ടാൻ വേണ്ടി സമരം നടത്തുകയാണെന്നും സമരം നടത്തുന്നവരിൽ തന്നെ വ്യത്യസ്ത ചേരികളുണ്ടെന്നും ശിവൻകുട്ടി പറഞ്ഞു. സർക്കാർ എന്നും മത്സ്യത്തൊഴിലാളികൾക്കൊപ്പമാണ് നിന്നത്. ഒരിക്കലും നടത്താൻ കഴിയാത്ത ആവശ്യങ്ങളുമായാണ് പ്രതിഷേധക്കാര്‍ ചർച്ചക്ക് വരുന്നതെന്നും ശിവൻകുട്ടി കുറ്റപ്പെടുത്തി. ചർച്ച പരാജയപെടുന്നതും സമരക്കാർ തമ്മിലുള്ള അഭിപ്രായ വ്യത്യാസം മൂലമാണെന്നും ശിവൻകുട്ടി വിമര്‍ശിച്ചു.

കൊച്ചി: വിഴിഞ്ഞം തുറമുഖ നി‌ർമ്മാണത്തിന് പാറയെത്തിച്ച ലോറികളെല്ലാം തകർത്ത് വൻ സംഘർഷമാണ് വിഴിഞ്ഞത്ത് തുടരുന്നത്. വിഴിഞ്ഞം തുറമുഖ നിർമ്മാണ പ്രദേശത്തേക്കുള്ള ഹെവി വാഹനങ്ങൾ കടന്നു പോകുന്നതു തടയില്ലെന്ന് സമരക്കാർ ഹൈക്കോടതിയിൽ ഉറപ്പു നൽകിയതിനു പിന്നാലെയാണ് ഇന്ന് രാവിലെ ലോറികൾ തടഞ്ഞിടുകയും തിരിച്ച് അയയ്ക്കുകയും ചെയ്തത്. വിഴിഞ്ഞം തുറമുഖ നിർമ്മാണത്തിന് മതിയായ സംരക്ഷണം തേടി അദാനി ഗ്രൂപ്പും നിർമ്മാണ കരാർ കമ്പനിയായ ഹോവെ എൻജിനീയറിംഗ് കമ്പനിയും നൽകിയ ഹർജികൾ ഹൈക്കോടതി നവംബർ 28 നു പരിഗണിക്കാനിരിക്കുകയാണ്. ക്രമസമാധാനം ഉറപ്പാക്കാനും […]

കണ്ണൂര്‍ : തലശ്ശേരിയെ നടുക്കിയ ഇരട്ട കൊലപാതകത്തിലേക്ക് നയിച്ചത് ലഹരി വിൽപന ചോദ്യം ചെയ്തതതിലുള്ള പ്രതികാരവും പൊലീസ് പരിശോധനയിലെ സംശയവുമെന്ന് റിമാന്റ് റിപ്പോർട്ട്. കേസിലെ രണ്ടാം പ്രതി ജാക്സന്റെ വാഹനത്തിൽ കഞ്ചാവുണ്ടെന്ന സംശയത്തിൽ പൊലീസ് നേരത്തെ പരിശോധന നടത്തിയിരുന്നു. കൊല്ലപ്പെട്ട ഷമീറിന്റെ മകൻ ഷാബിലാണ് ഈ വിവരം പൊലീസിന് കൈമാറിയതെന്ന് കരുതിയായിരുന്നു ആക്രമണമെന്നും റിമാന്റ് റിപ്പോർട്ടിലുണ്ട്. കൊലപാതകത്തിന് മറ്റു കാരണങ്ങൾ ഉണ്ടോയെന്ന് പരിശോധിച്ചു വരികയാണെന്നും പൊലീസ് റിപ്പോട്ടിൽ വിശദീകരിക്കുന്നു. തലശ്ശേരി ഇരട്ടക്കൊലപാതകത്തിലെ ഏഴ് പ്രതികളയും തലശ്ശേരി സെഷൻസ് […]

തിരുവനന്തപുരം : മലപ്പുറത്ത് അഞ്ചാംപനി വ്യാപകമായകിന് പിന്നിൽ വാക്‌സിനോടുള്ള വിമുഖതയെന്ന് ആരോഗ്യവകുപ്പിന്റെ വിലയിരുത്തൽ. 130 പേർക്കാണ് ഇതിനോടകം രോഗം സ്ഥിരീകരിച്ചത്. ഇതിൽ ചുരുക്കം പേർമാത്രമാണ് വാക്‌സിൻ എടുത്തിട്ടുള്ളത്. അവരിൽ നേരിയ ലക്ഷണങ്ങൾ മാത്രമാണ് ഉണ്ടായത്. രോഗം വ്യാപകമായതിന്റെ ഫലമായി വാക്‌സിനെടുത്തവർക്കും വൈറസ് ബാധയുണ്ടായെങ്കിലും അത് അപകടകരമായില്ല. ഈ സാഹചര്യത്തിൽ വാക്‌സിനോടുള്ള വിമുഖത പാടില്ലെന്നും കുട്ടികൾക്ക് വാക്‌സിൻ എടുത്തിട്ടുണ്ടെന്ന് എല്ലാവരും ഉറപ്പാക്കണമെന്നും ആരോഗ്യവകുപ്പ് അറിയിച്ചു. വാക്‌സിനേഷൻ വിമുഖതയകറ്റാൻ പ്രത്യേക കാമ്പെയിൻ ജില്ലയിൽ ആരംഭിക്കുമെന്നും ആശങ്കപ്പെടേണ്ടതില്ലെന്നും മന്ത്രി വീണാ ജോർജ് […]

error: Content is protected !!