ദി  മെസ്സേജ് (രിസാല ) ആദ്യമായി കുവൈത്തിൽ

കുവൈറ്റ്‌:  പ്രവാചകൻ  മുഹമ്മദ് നബിയുടെ ജീവചരിത്രത്തിന്റെ ചലച്ചിത്രാവിഷ്കാരമാക്കി പ്രമുഖ ഹോളിവുഡ് സംവിധായകൻ മുസ്തഫ അക്കാദ്  ഒരുക്കിയ  ദി മെസേജ് എന്ന ചലചിത്രം ആദ്യമായി കുവൈത്തിൽ.

45 വർഷങ്ങൾക്കു ശേഷം ആദ്യമായി കുവൈത്തിൽ ഫഹഹീൽ സിനിസ്‌കെപ് 1954 ഫിലിം ഹൌസിൽ കഴിഞ്ഞ 21 ന് ആയിരുന്നു  ആദ്യ  പ്രദർശനം . ദിവസവും വൈകുന്നേരം 5.30ന് ആണ് പ്രദർശനം. 1976 ൽ പുറത്തിറങ്ങിയ ഈ ചിത്രത്തിന്റെ സംവിധാനം മുസ്തഫ അക്കാദ് ആണ് നിർവ്വഹിച്ചിരിക്കുന്നത്.

അറബിയിലും ഇംഗ്ലീഷിലും പുറത്തിറങ്ങിയിരുന്ന ഈ ചിത്രത്തിന്റെ അറബിയിലുള്ള പേര് അൽ-രിസാല എന്നായിരുന്നു .നിരവധി പുരസ്‌കാരങ്ങൾ നേടിയ 1977, മാർച്ച് 9 ന് റിലീസ് ചെയ്ത ചിത്രം  മികച്ച ശബ്ദസന്നിവേഷത്തിന് ഓസ്‌ക്കാർ നാമ നിർദേശം ചെയ്തിരുന്നു.

ആന്റണി ഹോപ്കിൻസ്, ഐറിൻ പപ്പസ് എന്നിവരായിരുന്നു മുഖ്യ താരങ്ങൾ. ഇസ്ലാമിന്റെ ആദ്യകാല ചരിത്ര സംഭവങ്ങളെ പ്രതിപാദിക്കുന്ന ചിത്രമാണ് ദി മെസ്സേജ്.