അമീറിന് ആദരം; ഫ്രണ്ട്സ് ഓഫ് കണ്ണൂർ കുവൈത്ത് എക്സ്പാറ്റ്‌സ് അസോസിയേഷൻ (ഫോക്ക്) രക്തദാന ക്യാമ്പ് സംഘടിപ്പിച്ചു

കുവൈത്ത് സിറ്റി: അന്തരിച്ച അമീർ ഷെയ്ഖ് സബാ അൽ അഹമ്മദ് അൽ ജാബർ അൽ സബയ്ക്ക് ആദരമർപ്പിച്ചു കൊണ്ട് ഫ്രണ്ട്സ് ഓഫ് കണ്ണൂർ കുവൈത്ത് എക്സ്പാറ്റ്‌സ് അസോസിയേഷൻ (ഫോക്ക്) രക്തദാന ക്യാമ്പ് സംഘടിപ്പിച്ചു.

കോവിഡ് മാനദണ്ഡങ്ങൾ പാലിച്ചുകൊണ്ട് കുവൈത്ത് ബ്ലഡ് ബേങ്കിന്റെ സഹകരണത്തോടെ അദാൻ കോഓപ്പറേറ്റിവ് ബ്ലഡ് ട്രാൻസ്ഫ്യൂഷൻ സെന്ററിൽ വെച്ചാണ് രക്തദാന ക്യാമ്പ് നടത്തിയത്.

വെള്ളിയാഴ്ച്ച രാവിലെ 8:30 ന് ആരംഭിച്ച് ഉച്ചയ്ക്ക് 1:30 വരെ നീണ്ട് നിന്ന രക്തദാന ക്യാമ്പിൽ വെച്ച് നൂറ്റമ്പതിലധികം ആളുകളാണ് രക്തദാനം ചെയ്ത് അമീറിന് ആദരമർപ്പിച്ചത്.

കുവൈത്തിൽ ദുഃഖാചരണം നിലനിൽക്കുന്നതിനാൽ ഔദ്യോഗിക ഉത്‌ഘാടന ചടങ്ങുകൾ ഇല്ലാതെയായിരുന്നു പരിപാടി സംഘടിപ്പിച്ചത്.

രക്തദാനം ചെയ്തവർക്ക് പ്രശംസാ പത്രവും രാജ്യത്തെ പ്രമുഖ മണി എക്സ്ചേഞ്ച് ഗ്രൂപ്പായ അൽ മുല്ല എക്സ്ചേഞ്ചിന്റെ സമ്മാനങ്ങളും നൽകിയിരുന്നു.