ശരീരഭാരം കുറയ്ക്കാന്‍ വെള്ളരിക്ക

വെള്ളരിക്ക (കക്കരിക്ക) പോഷക സമൃദ്ധവും ശരീരത്തിന് ഗുണകരവുമായ ഒട്ടനവധി കാര്യങ്ങള്‍ ചെയ്യുന്നു. ശരീരഭാരം കുറയ്ക്കാന്‍ സഹായിക്കുന്നതിനോടൊപ്പം, മലബന്ധം തടയുകയും ചര്‍മ്മത്തിന്റെ ആരോഗ്യത്തിനും സഹായിക്കുന്നു. വിറ്റാമിന്‍ കെ, സി, പൊട്ടാസ്യം, മഗ്നീഷ്യം തുടങ്ങിയവ ഇതില്‍ അടങ്ങിയിരിക്കുന്നു. ഇത് ശരീരത്തിന് ആവശ്യമായ ജലാംശം നല്‍കുകയും പ്രതിരോധശേഷി വര്‍ദ്ധിപ്പിക്കുകയും ചെയ്യുന്നു. 

ശരീരഭാരം കുറയ്ക്കാന്‍ സഹായിക്കുന്നു

കക്കരിക്കയില്‍ ജലാംശം കൂടുതലും കലോറി വളരെ കുറവുമാണ്. ഇത് വിശപ്പ് കുറയ്ക്കാനും വയറു നിറയ്ക്കാനും സഹായിക്കുന്നു. 

ദഹനത്തെ സഹായിക്കുന്നു

ഫൈബര്‍ അടങ്ങിയിരിക്കുന്നതിനാല്‍ മലബന്ധം തടയാനും ദഹനവ്യവസ്ഥയുടെ ആരോഗ്യം മെച്ചപ്പെടുത്താനും ഇത് സഹായിക്കുന്നു. 

ശരീരത്തിന് ജലാംശം നല്‍കുന്നു

ഏകദേശം 95% വെള്ളമാണ് കക്കരിക്കയില്‍ അടങ്ങിയിരിക്കുന്നത്, ഇത് ശരീരത്തിലെ നിര്‍ജ്ജലീകരണം ഒഴിവാക്കാന്‍ സഹായിക്കുന്നു. 

പ്രതിരോധശേഷി വര്‍ദ്ധിപ്പിക്കുന്നു

ആന്റിഓക്സിഡന്റുകളുടെ സാന്നിധ്യം കാരണം കക്കരിക്ക പ്രതിരോധശേഷി കൂട്ടുന്നു. ഇത് ഫ്രീ റാഡിക്കലുകളെ പ്രതിരോധിക്കുകയും രോഗസാധ്യത കുറയ്ക്കുകയും ചെയ്യുന്നു. 

ചര്‍മ്മത്തിന്റെ ആരോഗ്യത്തിന് നല്ലതാണ്

ചര്‍മ്മത്തിന് ഉന്മേഷവും തിളക്കവും നല്‍കാന്‍ കക്കരിക്ക സഹായിക്കുന്നു. 

എല്ലുകളുടെ ആരോഗ്യം മെച്ചപ്പെടുത്തുന്നു

വിറ്റാമിന്‍ കെ എല്ലുകളുടെ ആരോഗ്യത്തിന് ആവശ്യമാണ്. ഇത് അസ്ഥികള്‍ക്ക് ബലം നല്‍കുകയും എല്ലുകളുടെ സാന്ദ്രത വര്‍ദ്ധിപ്പിക്കുകയും ചെയ്യുന്നു. 

രക്തത്തിലെ പഞ്ചസാര നിയന്ത്രിക്കാന്‍ സഹായിക്കുന്നു

രക്തത്തിലെ പഞ്ചസാരയുടെ അളവ് നിയന്ത്രിക്കാന്‍ വെള്ളരിക്ക സഹായിക്കും. ഇത് പ്രമേഹം വരാനുള്ള സാധ്യത കുറയ്ക്കുന്നു.