നഖങ്ങള്‍ വേഗത്തില്‍ വളരാന്‍ ശ്രദ്ധിക്കാനുണ്ടേറേ...

ധാരാളം വെള്ളം കുടിക്കുന്നതിലൂടെ നഖങ്ങള്‍ ഈര്‍പ്പമുള്ളതായിരിക്കും, ഇത് പൊട്ടുന്നത് തടയും. നഖങ്ങള്‍ നനയുന്നത് ഒഴിവാക്കുക, കുളിക്കുമ്പോഴും പാത്രങ്ങള്‍ കഴുകുമ്പോഴും കയ്യുറകള്‍ ഉപയോഗിക്കുക. 

നഖങ്ങളുടെ വളര്‍ച്ചയ്ക്ക് ആവശ്യമായ പോഷകങ്ങള്‍ അടങ്ങിയ ഭക്ഷണം കഴിക്കുക. ബയോട്ടിന്‍, സിങ്ക്, ഇരുമ്പ്, പ്രോട്ടീന്‍ എന്നിവ അടങ്ങിയ ഭക്ഷണങ്ങള്‍ ഡയറ്റില്‍ ഉള്‍പ്പെടുത്തുക. വെളിച്ചെണ്ണ, ബദാം ഓയില്‍ തുടങ്ങിയവ നഖങ്ങളിലും പുറംതൊലിയിലും പുരട്ടുന്നത് നഖങ്ങള്‍ക്ക് ബലം നല്‍കാനും ഈര്‍പ്പം നിലനിര്‍ത്താനും സഹായിക്കും. നഖം കടിക്കുന്നത് നഖങ്ങളുടെ വളര്‍ച്ചയെ ബാധിക്കും. 

നഖങ്ങള്‍ അമിതമായി നീണ്ടു വളരുന്നത് തടയാന്‍ ഇടയ്ക്കിടെ വെട്ടുന്നത് നല്ലതാണ്. നഖങ്ങള്‍ നേരെ മുറിക്കുക, വശങ്ങള്‍ വെട്ടുന്നത് ഒഴിവാക്കുക. കൂടുതല്‍ സമയം ചൂടുവെള്ളത്തില്‍ നഖങ്ങള്‍ മുക്കുന്നത് ഒഴിവാക്കുക. 

മാനസിക സമ്മര്‍ദ്ദം നഖങ്ങളുടെ വളര്‍ച്ചയെ പ്രതികൂലമായി ബാധിക്കും, അതിനാല്‍ സമ്മര്‍ദ്ദം കുറയ്ക്കാന്‍ ശ്രമിക്കുക. പുകവലി നഖങ്ങളുടെ ആരോഗ്യത്തെ ദോഷകരമായി ബാധിക്കും. നഖങ്ങള്‍ക്ക് എന്തെങ്കിലും പ്രശ്‌നങ്ങളുണ്ടെങ്കില്‍ ഒരു ഡോക്ടറെ സമീപിക്കുക.