`വിളര്‍ച്ചയെ പ്രതിരോധിക്കാന്‍ മത്തങ്ങ വിത്തുകള്‍

വിറ്റാമിന്‍ സി, ഇ, സിങ്ക് തുടങ്ങിയവ അടങ്ങിയ മത്തങ്ങ വിത്തുകള്‍ രോഗപ്രതിരോധശേഷി വര്‍ദ്ധിപ്പിക്കാന്‍ സഹായിക്കുന്നു. മഗ്നീഷ്യം, ആരോഗ്യകരമായ കൊഴുപ്പുകള്‍ എന്നിവ ഹൃദയാരോഗ്യം സംരക്ഷിക്കാനും രക്തസമ്മര്‍ദ്ദം നിയന്ത്രിക്കാനും സഹായിക്കും. 

ഉറക്കത്തിന് സഹായിക്കുന്ന മെലാറ്റോണിന്‍ ഉത്പാദിപ്പിക്കാന്‍ മത്തങ്ങ വിത്തുകള്‍ സഹായിക്കും. സ്‌ട്രെസ്, ഉത്കണ്ഠ തുടങ്ങിയവയെ പ്രതിരോധിക്കാനും മാനസികാരോഗ്യം മെച്ചപ്പെടുത്താനും ഇത് സഹായിക്കും. ധാരാളം നാരുകള്‍ അടങ്ങിയിരിക്കുന്നതിനാല്‍ ദഹനം സുഗമമാക്കുകയും കുടലിന്റെ ആരോഗ്യം മെച്ചപ്പെടുത്തുകയും ചെയ്യുന്നു. 

ഇരുമ്പിന്റെ അംശം ഉള്ളതുകൊണ്ട് വിളര്‍ച്ചയെ പ്രതിരോധിക്കാനും ശരീരത്തിന് ഊര്‍ജ്ജം നല്‍കാനും സഹായിക്കും. നാരുകള്‍, പ്രോട്ടീന്‍, ആരോഗ്യകരമായ കൊഴുപ്പുകള്‍ എന്നിവ അടങ്ങിയ മത്തങ്ങ വിത്തുകള്‍ രക്തത്തിലെ പഞ്ചസാരയുടെ അളവ് നിയന്ത്രിക്കാന്‍ സഹായിക്കും.