സമ്മര്‍ദ്ദം നിയന്ത്രിക്കാന്‍ ഡാര്‍ക്ക് ചോക്ലേറ്റ്

ഡാര്‍ക്ക് ചോക്ലേറ്റ് രക്തയോട്ടം മെച്ചപ്പെടുത്തുകയും രക്തം കട്ടപിടിക്കുന്നത് തടയുകയും ചെയ്യുന്നു. നല്ല കൊളസ്‌ട്രോള്‍ വര്‍ദ്ധിപ്പിക്കാനും ചീത്ത കൊളസ്‌ട്രോള്‍ കുറയ്ക്കാനും സഹായിക്കുന്നു. സമ്മര്‍ദ്ദം കുറയ്ക്കുകയും സന്തോഷം നല്‍കുന്ന എന്‍ഡോര്‍ഫിന്‍ ഉത്പാദനം വര്‍ദ്ധിപ്പിക്കുകയും ചെയ്യുന്നു. ഓര്‍മ്മശക്തിയും പഠനശേഷിയും മെച്ചപ്പെടുത്താന്‍ സഹായിച്ചേക്കാം. 

ശരീരത്തിലെ ഫ്രീ റാഡിക്കലുകളില്‍ നിന്ന് സംരക്ഷണം നല്‍കുന്നു, ഇത് ഓക്‌സിഡേറ്റീവ് സമ്മര്‍ദ്ദം കുറയ്ക്കാന്‍ സഹായിക്കുന്നു. ഇരുമ്പ്, മഗ്‌നീഷ്യം, സിങ്ക്, കോപ്പര്‍, മാംഗനീസ് തുടങ്ങിയ ധാതുക്കള്‍ ഇതിലുണ്ട്. ഫൈബര്‍ അടങ്ങിയതിനാല്‍ കുടലിന്റെ ആരോഗ്യത്തിന് നല്ലതാണ്. വിശപ്പ് നിയന്ത്രിക്കാനും മറ്റ് മധുരപലഹാരങ്ങള്‍ കഴിക്കുന്നത് കുറയ്ക്കാനും സഹായിക്കുന്നതിലൂടെ ശരീരഭാരം ഒരു പരിധി വരെ കുറയ്ക്കാന്‍ ഇത് സഹായിക്കും.