കുട്ടികളിലെ കൃമിശല്യം മാറാന്‍ കച്ചോലം

കച്ചോലത്തിന് ദഹനക്കേട്, പനി, തലവേദന, ചുമ, ശ്വാസതടസ്സം എന്നിവയ്ക്ക് ശമനം നല്‍കാനും, ശരീരത്തിന് ഊര്‍ജ്ജം നല്‍കാനും, രക്തം ശുദ്ധീകരിക്കാനും സാധിക്കുന്നു. ഇതിന്റെ എണ്ണയും പൊടിയും തേന്‍, തുളസിനീര്, നാരങ്ങാ നീര് എന്നിവയുമായി ചേര്‍ത്തും ഉപയോഗിക്കാം. 

കുട്ടികള്‍ക്കുള്ള രോഗങ്ങള്‍ക്ക്

കുട്ടികളിലെ കൃമിരോഗത്തിന് കച്ചോലത്തിന്റെ നീര് അര്‍ദ്ധസ്പൂണ്‍ വീതം കൊടുക്കുന്നത് ഫലപ്രദമാണ്.

ദഹനസംബന്ധമായ പ്രശ്‌നങ്ങള്‍ക്ക്

ദഹനമില്ലായ്മ, വയറുവേദന, ഛര്‍ദ്ദി എന്നിവയ്ക്ക് കച്ചോലം ഉത്തമമാണ്.

ശ്വാസകോശ സംബന്ധമായ പ്രശ്‌നങ്ങള്‍ക്ക്

ചുമ, ശ്വാസതടസ്സം, കഫക്കെട്ട് എന്നിവയ്ക്ക് കച്ചോലം ഫലപ്രദമാണ്. ചുമയ്ക്കും കഫത്തിനും ഉണക്ക കച്ചോലപ്പൊടി തേനില്‍ ചാലിച്ച് കഴിക്കാം.

തലവേദനയും ജലദോഷവും

കച്ചോലപ്പൊടി തുളസിയിലനീരിലോ നാരങ്ങാ നീരിലോ ചാലിച്ചു നെറ്റിയില്‍ പുരട്ടുന്നത് തലവേദനയും ജലദോഷവും ശമിപ്പിക്കും.

രക്തശുദ്ധീകരണം
പച്ച കച്ചോലക്കിഴങ്ങ് അരച്ചു കഴിക്കുന്നത് രക്തം ശുദ്ധീകരിക്കാന്‍ സഹായിക്കും.

വേദന സംഹാരി

ഇത് ഒരു ഉത്തേജകവും വേദന സംഹാരിയുമാണ്.

ശരീരത്തിന് ഉണര്‍വ് നല്‍കാന്‍

ശരീരത്തിന് മാര്‍ദ്ദവം നല്‍കാന്‍ കച്ചോലക്കിഴങ്ങ് കഴിക്കുന്നത് നല്ലതാണ്.

പല്ലുവേദനയ്ക്ക്

കച്ചോലം വെറ്റിലയിലും അടക്കയിലും ചേര്‍ത്ത് ചവയ്ക്കുന്നത് പല്ലുവേദന കുറയ്ക്കാന്‍ സഹായിക്കും. 

ഉണക്കിയ കച്ചോലപ്പൊടി തേനില്‍ ചാലിച്ചു കഴിക്കാം. കച്ചോലപ്പൊടി തുളസിനീരിലോ നാരങ്ങാ നീരിലോ അരച്ച് പുരട്ടാം. പച്ച കച്ചോലക്കിഴങ്ങ് അരച്ചു കഴിക്കാം.