കാല് എപ്പോഴും കോച്ചി പിടിക്കുന്നുണ്ടോ..?

നിര്‍ജലീകരണം, കാത്സ്യത്തിന്റെ കുറവ്, വ്യായാമക്കുറവ്, പേശികള്‍ക്കുണ്ടാകുന്ന അമിതമായ തണുപ്പ് എന്നിവ കാരണമാകാം കാലില്‍ കോച്ചിപ്പിടുത്തം ഉണ്ടാകുന്നത്. പേശികളില്‍ ഉണ്ടാകുന്ന അമിതമായ സങ്കോചമാണ് കോച്ചിപ്പിടുത്തം. ഇത് ഒരു താത്കാലിക അവസ്ഥയാണ്, എന്നാല്‍ ഇടയ്ക്കിടെ ഇത് സംഭവിക്കുന്നുണ്ടെങ്കില്‍ ഡോക്ടറെ കാണേണ്ടത് അത്യാവശ്യമാണ്. 

നിര്‍ജലീകരണം: ശരീരത്തില്‍ ധാരാളം വെള്ളം കുറയുന്നതും നിര്‍ജലീകരണവും കോച്ചിപ്പിടുത്തത്തിന് കാരണമാകാം.

ധാതുക്കളുടെ കുറവ്: ശരീരത്തില്‍ കാത്സ്യം പോലുള്ള ധാതുക്കള്‍ കുറയുന്നതും കോച്ചിപ്പിടുത്തത്തിന് കാരണമാകാറുണ്ട്.

വ്യായാമക്കുറവ്: പേശികള്‍ക്ക് വേണ്ടത്ര വ്യായാമം ലഭിക്കാത്തതും കോച്ചിപ്പിടുത്തം ഉണ്ടാകാനുള്ള ഒരു കാരണമാണ്.

ശരീരത്തിന് തണുപ്പ്: കഠിനമായ തണുപ്പ്, പ്രത്യേകിച്ച് ഉറക്കത്തിനിടയില്‍ പേശികള്‍ കോച്ചിപ്പിടിക്കാന്‍ കാരണമാകും.

അമിതമായ ചൂട്: കടുത്ത ചൂടുള്ള കാലാവസ്ഥയിലും വ്യായാമം ചെയ്യുമ്പോള്‍ ശരീരത്തില്‍ ചൂട് കൂടുകയും നിര്‍ജലീകരണം സംഭവിക്കുകയും ചെയ്യാന്‍ സാധ്യതയുണ്ട്.

എന്തു ചെയ്യാം?

പ്രവര്‍ത്തനം നിര്‍ത്തുക: കോച്ചിപ്പിടുത്തം ഉണ്ടായാല്‍ അപ്പോള്‍ ചെയ്തുകൊണ്ടിരിക്കുന്ന ജോലി നിര്‍ത്തുക.

സ്‌ട്രെച്ച് ചെയ്യുക: കോച്ചിപ്പിടുത്തം വന്ന ഭാഗത്തെ പേശികള്‍ക്ക് എതിര്‍ദിശയില്‍ സ്‌ട്രെച്ച് ചെയ്യുക.

ജലാംശം നിലനിര്‍ത്തുക: ആവശ്യത്തിന് വെള്ളം കുടിക്കുക. നാരങ്ങാവെള്ളം, ഉപ്പ്-പഞ്ചസാര മിശ്രിതമുള്ള വെള്ളം എന്നിവ കുടിക്കുന്നത് നല്ലതാണ്. 

വ്യായാമം ചെയ്യുക: പേശികള്‍ക്ക് വേണ്ടത്ര വ്യായാമം നല്‍കുക. വ്യായാമം തുടങ്ങുന്നതിന് മുമ്പ് ശരീരം ചെറുതായി ചൂടുപിടിപ്പിക്കുന്നത് നല്ലതാണ്. 

വിശ്രമിക്കുക: കാല്‍ കോച്ചിപ്പിടുത്തം സാധാരണയായി പേശികള്‍ക്ക് വിശ്രമം നല്‍കുമ്പോള്‍ മാറിക്കോളും.